收到一封咁既 E-mail + PM

20202003

SIMON哥哥   唔關你事  你睇就得喇！幫我 POST 出黎  感謝 !








今晚我好心痛！我唔明點解你地係都要搞事？初時我地幾個朋友玩得好開心，每次你地出現，係要搞到大家不歡而散？點解呀？

師姐：我唔怕公開講，初時識你當正你係阿妹咁教，關於你既感情問題、家庭問題，我好樂意去聽你訴苦、教你點樣去面對。

然後我發現，你一方面叫我離開 XX 、另一方面你就同佢以 msn 傳情，仲要比我睇！果晚我至心痛，我點解會信錯左朋友。我每次有新朋友帶出黎比大家認識，你暗地去約會佢地，唔關我事我亦唔介意，但你係都要搶去我身邊最愛既男人，果一刻好有被出賣既感覺。

然後我疏遠你地，你地鍾意點搞就點搞   朋友間既勸慰，叫我放開心情，大家都係呢度建立起友情，唔好輕易放棄。又見到你發生事情，唔忍心再去嬲你。漸漸又做番朋友。你呢幾日係 msn 或者 facebo 所寫既心情，我 你又有唔開心，一心想叫埋你出黎玩一晚，原來我又做錯左！



X X ，夠喇！你每次身邊無女友、覺得悶就搵我，你當我係乜野呀？

你無當我係女友無問題，我疏遠你果段時間我好開心。跟住，睇戲果次 yy 話你都想睇果套戲，問我介唔介意？   我既然同得師姐做得番朋友，無理由同你做唔番！原來我既大方係再一次製造你地對我既傷害！

上次見番面，同你講得好清楚，你既然唔會愛上我就不如做番普通朋友，我亦好清楚去界定大家條線。然後你又係度玩手段，黎鋪頭買野、跟住叫我出去飲野，幾次我都好堅持！因為我 ，我做得到。

去酒吧飲野發生既事情，你對師姐既觀感我記得好清楚，你亦表明同佢無可能。果一刻我又心軟，見你對佢既態度強硬，一心以為你清醒左。然後你又帶我上你屋企，我以為大家會重新開始。

離開香港前一晚，又同你拗過    又話擔心我， 我唔開心。又話只要係埋一齊開心就得。


係 XX 果幾日，我想得好清楚，我會用時間去等你、幻想終有一日感動你。返黎香港第一個想見既人係你，帶埋手信去你度    唔再問你要答案，我只想你同我一齊係開開心心，唔牽涉任何人。

星期一你收工過黎陪我食飯、飲野，本來都預期會上你屋企，你竟然話聽朝要返工，想早 d 訓。送我上去後就離開   我體諒你。

星期三 send 短訊問你有無約左人食飯？你答我有。我思想中都係估計你朋友 mm 約左你。一直無出過街，等你食完飯上網。等到十一點幾你出現係msn，然後你講約左女友食飯，我仲問你邊一個前度？  ！原來又有新女友    fine，我自動消失，因為係我自己帶有幻想，唔關你事，預左有咁既一日。

今日我想起你話 mm 都鍾意行山，我打電話比佢。然後夜晚約佢出黎飲野無叫你，係 你有女友、唔會有時間應酬朋友。

你既出現，我有少少愕然，不過 mm 係你朋友，叫埋你都無可厚非。我同自己班朋友玩得好開心，見你孤獨咁坐埋一角都有叫你玩。然後師姐黎到   初時仲好正常。

你地玩到癲，我唔會理，當睇唔到！但你明知我係度，攬住師姐黎咀，你地兩個要搞就離開間房搞，好好玩咩？係咪係度挑戰我容忍既極限？我用手上既骰黎掟你地，係因為我坐得遠！好想拿起個酒樽掟你地兩個！你地係度侮辱緊我既尊嚴唔緊要，不過你地仲侮辱緊你地自己既人格！

20202003

從今日起，有你地兩個就無我，痛恨你地每次帶來不愉快既經歷比我，亦影響埋我其他既好朋友。

如果呢既人唔歡迎我，我會自動消失。好堅決咁講一次，唔好再出現我面前，包括我鋪頭！再要做更好睇既戲？我無興趣睇、唔需要你地假惺惺咁走黎講抱歉，你地無欠我任何野。如果有人認為我自作多情，而家因為得唔到而發難，你地鍾意點講就點講！

勢估唔到，自己最重視既人，傷害我一次比一次深。呢一世我都會好好記住！師姐，你實踐到你 facebo  果句野喇！人與人之間既感情好脆弱，係！脆弱到你出手搞一搞就粉碎！

你 你既問題所在嗎？你無顧及人地既感受，想點做就點做，一定要爭贏！我想話你 ，你身邊既朋友一個個疏遠你，你贏左全世界又點？

XX ，你媾女無數，我亦無野想再同你講，最後講多次：唔好再出現我面前！我地呢一世都唔會再做朋友！

朋友驚訝於何須公開事件中人物姓名。說真的，難聽的形容詞不想加諸女主角身上，是我字眼上留有餘地，恁誰處於當時位置都難免憤怒！冷靜下來，我亦覺得有點衝動。是否做錯了？

但當聽到其他朋友的支持和鼓勵，絕情點是給自己脫離這種關系的最好方法！

對！不顧對方感受的人，不值得理會他們的感受！

哭過、傷心過，今後重新做人。

後悔當初把他介紹給這班朋友認識，有時女人的直覺比計算機的幾何三角，量度得更準！
一朝被蛇咬，十年怕草繩？不會的，我還是喜歡結交朋友。

當作一個警惕、當作一個反面教材     人生就是如此，沿途總有些荊棘，刺傷了咬一咬唇、爬起再跨過！

温sir

唉..........問世間 情為何物??

莫怪人不知己   只怪己不知人

20202003

温sir 发表于 29-9-2012 04:19
唉..........問世間 情為何物??

莫怪人不知己   只怪己不 ...

唉！！

咁樣既留言都有好大怨氣 ~~~~~~


我....晤識去拆  

wexchau

20202003 发表于 29-9-2012 04:42
唉！！

咁樣既留言都有好大怨氣 ~~~~~~

唔駛去拆吖,如果真係識諗,過一排就無事喇,人生本是如此...唉

温sir

20202003 发表于 29-9-2012 04:42
唉！！

咁樣既留言都有好大怨氣 ~~~~~~

...使乜拆吖！佢只係想你幫佢 POST 出黎，發洩吓啫......
你都做咗啦

dopod123

我理解能力差，完全唔明。

dopod123

wexchau 发表于 29-9-2012 08:15
唔駛去拆吖,如果真係識諗,過一排就無事喇,人生本是如此...唉

拆嘅意思係咩

20202003

温sir 发表于 29-9-2012 10:39
...使乜拆吖！佢只係想你幫佢 POST 出黎，發洩吓啫......
你都做咗啦  ...

我都係唔好再同 D 會員玩 FACEBOOK 咯！！

一唔妥爆晒我 D 野咪大濟！！！！！！我有咁多不同既情人親密相係個度 ~~~~