正想申請破產的人

yukiyau

各位: 我正想申請破產,已經到了沒路可行了,我欠銀行大約200萬.其中樓按約90萬.市值約135萬.只供了一年左右, 另朋友家人約30萬。我在大陸工作,每星期要回港3次.月入約32000 大陸每月交稅1800 我老婆沒工作,有2個兒子分別會考同6年級。請問有律師介紹嗎? 希望前人能幫忙解答同教下點填支出。另我有公積金百幾萬會不會被用來還債, 我現在50來了.怕冇晒公積金以後日子難過.工作又危危了。我不想做傻事,怕死了錢還是要還到時老婆同2個仔就好慘了.

yukiyau

我因在大陸工作,變相有2頭家,這樣填可以嗎?
大陸:
吃飯錢-$1500
車錢 - $2000包括每星期回港3次同國內車錢
電費 - $300
水費 - $100
煤氣費 - $200
上網費 - $200
手機月費 - $300中港2邊加埋
什項 - $300
屋租 - $1500
供養父母 - $2500養埋老婆父母
交稅 - 1800人仔月月交有單$2000
衣服 - $500

香港這邊:
供養老婆同2個仔-$7000
電費 - $600
水費 - $150
煤氣費 - $300
上網費 - $200個仔上學用可以嗎?
電話回網月費 - 110
什項 - $1500(好多參考書)
屋租 - $6000
衣服 - $500個仔大得好快
學校午餐800(2人)
醫療1500
個仔車錢300
預留書籍費5000
預留學校什費1500
還有什麼遺漏可提供嗎?十分感激
計埋一個月$30360
我人工約33000,年終花紅約40000
那我是不是每月還3千左右,年尾扣左40000-6500=33500
這樣我是不是4年就甩身了.我還欠朋友20萬,想報大少少還朋友

[ 本帖最後由 yukiyau 於 2009-3-30 07:09 編輯 ]

温sir

Hi.....Yukiyau..
你問題好複雜，非三言兩語可解決，首先定啲嚟，咪心急....
公積金極有可能被提出來，始終欠債還錢，無可厚非。
其它嘅....我估你都未去搞破產，無須急住諗同問，而家第一步建議你先同律師商量了解吓先，稍後我將律師資料PM比你，你同律師分析清楚你財政狀況再作考慮，好嗎？
你有否決定都歡迎你隨時上嚟傾傾同分享....^_^

yukiyau

我個心真系好亂,都唔知點算好,今朝打去一d律師事務所問,佢地只系叫我快d做
我昨晚一夜都睡不了。我的問題我感到很沒路走了。

温sir

你試吓同..律師商量吓先，將你情況詳細分析清楚，未必如你所想沒路行的，情況再差，都還有破產這條路！
就算破產，也不是什麽大不了的事，輕鬆些吧！諗多無謂‧‧。‧

温sir

律師資料已Pm咗比你，收到嗎？

yukiyau

收到了,打去冇人聽,一陣再打.再3多謝了

温sir

加油！ ....定的嚟...^_^！

yukiyau

債務重組好還是破產好呢?如果要用公積來還,是不是債務重組好d,因我的公積金加埋樓夠還債啦,使鬼破產

yukiyau

如果要拿晒d公積金出來還,我們死左佢好過,幾十歲到e+先什麼都沒有了。

yukiyau

計過數,債務重組要還17年。不可能的了

ely07

破得,就預咗一無所有啦,欠人錢吾洗還,重想有資產留低??

nokia

原帖由 yukiyau 於 2009-3-30 10:29 發表
計過數,債務重組要還17年。不可能的了

yukiyau
你冷靜 d 先, 條數而家咁大, 我諗都唔係一朝三日ge 事。 晦氣 ge說話唔好講住先, 搞到今日咁, 唔多唔少都係你有責任ge, 就算要死 , 都唔會係

我們死左佢好過:) ;  想問你條數係點計出黎先 ,計過數,債務重組要還17年 ,你說欠銀行200萬有90萬係樓按, 咁即刻 其他欠款係110萬, 咁呢110萬係咪全部都係咭數同財仔數, d數有幾家銀行同邊個係你債主都好緊要,每個數ge比重係多少 ?  唔係話你想做債務重組就可以, 重有其他好多因素都會影響你 ge 批核情況 ( eg 你ge 年齡、職業等). 以其只怨自艾, 不如積極d, 搵律師 問吓先, 你屋企而家三代同堂, 重有二個有為ge 青少年 , 你做每個決定都會影響到佢地, 你要三思 ?!!!?

yukiyau

我破唔系問題,而系我想破左d利息會停.那我還得心甘命抵..
點知律師現在說利息要照佢銀行計.4年後才會停,然後就到你退休時再系你戶口拿錢。
那我不是錢照還,利息照付.律師費,
破產費...一大堆的..那不是逼我離職拿公援好過,做都唔使做

yukiyau

心裡好痛苦,真的不想做算了,以為破產可以解決問題.點知根本唔系路,銀行借錢太容易了,當年董建華借錢你買樓,
你發現自己供了10年,越供越多債。

温sir

律師現在說利息要照佢銀行計.4年後才會停,然後就到你退休時再系你戶口拿錢？

我希望你可以幫幫手，簡約咁公開一下你條數同公積金，律師係幫你點計？
期滿後仲要還？唔係而家就要cut出嚟轉強積金咩？
相信你情況可以幫到後來嘅人.......多謝合作。

yukiyau

另朋友家人是否有資格分錢

温sir

？唔明？你講到好似分身家咁！
你係公務員？以下情況....你參考吓啦

2008年 07月 24日 00:00 香港商報

【商報專訊】津貼學校教師28年來為公積金供款，本可於退休后獲得近250萬元長俸，惟教師在退休前申請自動破產，破產管理署以其破產信託人身份悉數沒收其公積金作還款之用。教師指《教育條例》可保障其公積金免被沒收，但高院法官昨日裁定，條例的保障範圍并不伸延至破產，即使沒收公積金對教師來說太苛刻，但只能夠期望立法機關檢討現行條例，讓公積金供款人可以得到像公務員及司法人員的保障。
以《教育條例》拒沒收
公積金化為烏有的吳自77年起入職津貼學校教書，一直按《津貼學校公積金規則》為公積金供款，同時政府亦以捐助形式撥款到其公積金內。98年吳轉任學校的圖書館館理員，直至05年正式退休，共工作28年，其長俸共計為245萬餘元。
共9債主欠193萬餘元
98年11月吳申請自動破產，其4年破產期由同年12月開始至02年12月完結，破產管理署其后成為吳的破產信託人，并證實吳共有9名債主，拖欠共193萬餘元，但吳的財產只有9000餘元，在破產期間，吳亦一直還款，共清還了14.5萬餘元。
公積金250萬元交破產管理署
99年初署方指吳的公積金同樣須扣作還款，吳多次反對，指按《教育條例》第85條，公積金不應用以還債；但署方回應指根據《破產條例》第2、43及58條指他們有權扣起其公積金，結果吳近250萬元的公積金悉數交到署方手上。
署方有見問題涉及兩法例，特意向高院索取指示，高院法官關淑馨昨日於判詞中支持署方的決定，先指吳的公積金雖然仍未落入其手上，但亦屬於其財產的一部分。
條例無列公積金不可交破產署
法官指，適同於公務員或司法人員的《退休金條例》可讓他們在破產時免將退休金落入破產信託人手上，但吳所倚賴的《教育條例》，并無清楚寫明公積金不可落入破產信託人手上，只說明公積金不可用作還債。
法官又謂，雖然將所有公積金交予信託人是不合理及令當事人難以接受，但《教育條例》未有保障破產人士也是事實。法官又指吳不可能以受法律誤導為由要求取回公積金，也不能說假如早知公積金會被扣起，就不會在破產期間仍然繼續工作，變相為債主儲起公積金來償還；因為法例并無錯誤，他頂多只是對相關法律存疑而選擇冒險繼續，而且事實上吳在須要供養家人的情况下亦不容他停止工作。
法官最后認為，英國自同類案件出現后，已於99年增加法例，因此認為本港亦應檢討現行公積金制度上的不足之處，認真考慮是否須修改法例將公積金的保障伸延至破產中。

[ 本帖最後由 温sir 於 2009-3-30 15:39 編輯 ]

nokia

原帖由 yukiyau 於 2009-3-30 15:22 發表
心裡好痛苦,真的不想做算了,以為破產可以解決問題.點知根本唔系路,銀行借錢太容易了,當年董建華借錢你買樓,
你發現自己供了10年,越供越多債。

哎呀 ! 說話真係唔可以咁講, 董建華借錢你買樓, 身邊有幾個朋友已經大屋一間換一間了,例子多不勝數. 你從來有沒有檢討自己的理財概念先, 讚同溫sir 講法, 你可唔可以 俱體d 講你ge 情況出黎, 又或者, 可能你理解錯左律師ge 意思, 集思廣益一切拆解佢 , 我相信你成日依依唉唉, 身邊的人也不好受呢!

[ 本帖最後由 nokia 於 2009-3-30 15:40 編輯 ]

温sir

nokia老温所見略同！