朋友今日出左no.... 但同日收到小額錢債庭傳票...

queenielamok

AEXN 真係快手... 佢封信係上星期二... 通知下月初上庭... 呢個情況好尷尬... 因為佢今日出左no... 理論上呢條數已經申報左... 應該等法庭頒令... 但呢封信個日期就偏偏前過佢出no.... 咁其實我朋友係咪都應該出席應訊... 話俾法官知佢已申破？... 定係唔使理佢... 等律師樓通知AEXN已經申破... 由AEXN取消聆訊呢？

温sir

你朋友嘅實際情況我哋唔清楚，好難講話使唔使理佢。
而家最好方法係扲封信比搞破產嗰位律師，佢會知道點做！
多口一提，破產法例嘅保障，並唔包括刑事案件。

lulumason

你同你朋友講 破產大過天 祗要一批破 咁什麽債主都要行埋一边 如果你有報佢

dopod123

冇所謂架，AXXX知佢申破未？

未就通知已出NO，上小額冇問題咪同個官講已經申破，佢入小額都係想確認條數，電信公司都會告人上小額。

佢有6C申破最好通知6C樓

301

佢被入禀前,
人家必會查左有無破底既.
佢出得信梗係早過申破日啦.

而家收左信,
唔可當唔知,
除即交負責破案既律師keep record外,
要通知AEXN,
(可經自己或律師通知,當然並非祇口講)

當日必要依時到小額庭,
係門外有登記主任登記,
都要循例過堂,
否則"唔到"亦算藐視法庭.

**除非,
被告一方有足夠時間通知左原告一方,
讓對方有足夠時候主動撤回.

queenielamok

朋友今日拎住封信上左律師樓... 佢地叫我朋友帶齊所有文件... 去申請延期聆訊... 希望可以延至佢頒破之後... 咁就可以明正言順由破署管理佢要唔要還...

pre-bankruptcy

問題放這裡唔知有無錯？

想問一下：我準備申請破產，如果我要填寫信用卡欠款，我是否需要把收數公司條數填上去定系信用卡月結單條數就得？（因為銀行以轉交收數公司）

lulumason

pre-bankruptcy 发表于 4-10-2012 16:55
問題放這裡唔知有無錯？

想問一下：我準備申請破產，如果我要填寫信用卡欠款，我是否需要把收數公司條數填 ...

我个人認為是你欠佢的真實債款即月結單上銀碼 因當批破後 你欠佢條數 佢地会用最高利息計 去逞報破處 有冇其他人分享吓?

301

lulumason 发表于 4-10-2012 21:08
我个人認為是你欠佢的真實債款即月結單上銀碼 因當批破後 你欠佢條數 佢地会用最高利息計 去逞報破處 有 ...

  無錯，
贊同既。

温sir

pre-bankruptcy 发表于 4-10-2012 16:55
問題放這裡唔知有無錯？

想問一下：我準備申請破產，如果我要填寫信用卡欠款，我是否需要把收數公司條數填 ...

.....其實你可以開新帖發問吖，
等我又答句，在頒令時債權人要提交你嘅實際欠款資料，那個才是真數，因銀行等的利息會計到頒令當天，另加各項費用等，所以同你申報嘅一定有出入，如果有 巨大 差額，可能會開債權人會議！

queenielamok

等我又update 下我朋友的新消息... 之前律師教佢申請延期聆訊... 可惜過左幾日佢收到法院來信... 拒絕左佢個申請...

咁琴日佢就按時到法庭等候聆訊... 未到佢的時候... aexn 已有代表搵我朋友... 叫佢出去傾settlement... 最初佢諗住死硬... 可能真係要佢還錢... 唔還就反對佢申破...

點知... 原來佢地都話知道朋友已申破... 只係收到佢申破封信時... 上面唔夠時間截到小額呢邊... 而佢地都知朋友還唔到... 會等頒令後由破署決定還款安排... 不過就話... 佢地琴日其實係想睇下我朋友有無出現啫... 如果唔蒲頭... 就真係由法官決定... 咁真係唔知後果會點囉...

搞掂左小額呢邊... 睇來朋友都可以等月底頒破lu...

301

queenielamok 发表于 5-10-2012 12:04
等我又update 下我朋友的新消息... 之前律師教佢申請延期聆訊... 可惜過左幾日佢收到法院來信... 拒絕左佢 ...

無錯,庭一定要到,

而家入左紙可定過抬油喇,
對方唔會亂來,
否則影响佢將來有機"分豬肉".