新手崩潰問：破產+離婚+工傷……30／8臨令，所有戶口涷結，自動轉帳／劃線支票入唔到

Yannycc

本人新手入學，

30／8有臨令號碼，
現在所擁有的幾間銀行戶口已涷結……

正常公司是自動轉帳出糧，今月已要求出支票（只可劃線支票）
但現有的劃線支票入唔到，是否keep到下月正式領令後，有開戶信先可以入?

如果現在去小新／永0 開戶，作為出糧之用，ok嗎?因為有d數是會在下月頭autopay..
-------‐------------------------------------------------------------------
另外，我之前工傷整親，而家仲放緊病緊，如果之後傾的賠償，是否要充公哂?真的需要筆錢，因公司暗示會炒……

現在又因破產問題，另一半對我好差想離婚..其實結婚後都無比過家用我，我先想賺多d，點知整到而家咁地步。佢之前借過比我，都月月追，還唔到話會追我屋企人，想告我……
---------------‐----------------------------------------------------------

朋友又追數（幾年前借過幾萬給我，當中我有問佢令戶口no.,諗住逐少還，但佢當時唔肯，要我還現金，又作大個數，之後我當時保障自己，要有戶口先還）

到現在知我破產，就叫我即還……

我身邊都無個係值得傾訴的人，就睇精神科……唉

thanks

Anmi2019

去小新同職員講話只係畀公司出糧用，想開個#普通存款戶口，頒令後可向受託人要求解凍繼續用

Anmi2019

唔想還畀佢哋，咪係#26頁P.18～其他無抵押債權人果度分別填埋佢哋d數落去，不過頒令後你要提供到佢哋個地址同聯絡電話號碼，受託人之後會聯絡佢哋同佢哋對數

Yannycc

Anmi2019 發表於 10-9-2024 13:18
去小新同職員講話只係畀公司出糧用，想開個#普通存款戶口，頒令後可向受託人要求解凍繼續用 ...

想問下，佢地會唔會check到已申破唔比開？開左會唔會對正式頒領有影響？


另外，是否即日用到戶口入到票，有提款卡？

thanks

Yannycc

Anmi2019 發表於 10-9-2024 13:24
唔想還畀佢哋，咪係#26頁P.18～其他無抵押債權人果度分別填埋佢哋d數落去，不過頒令後你要提供到佢哋個地址 ...

有諗過4年後先慢慢還，點知佢地明知而家無都照追..
諗緊填唔填..

thanks

mirror0822

因為公司開現金票會扣錢。同公司講願意扣10蚊人工做手續費就可以出現金票了。

Yannycc

mirror0822 發表於 10-9-2024 14:41
因為公司開現金票會扣錢。同公司講願意扣10蚊人工做手續費就可以出現金票了。 ...

公司一定要劃線支票的

傑拉爾

我16/8頌令 20/8中x銀行已凍結我戶口，今日去招商永x銀行同佢講想開個普通存款戶口，坦白同佢講24號就要正式頒破產令。佢地都好好咁照幫我開戶口 整埋網上銀行，提款卡就要2-3星期內先寄到比我。仲溫馨提示我一拎到信就拎正本比佢地幫我保留返信戶口。

startzero

Anmi

startzero

你好，樓上見到話填朋友，想問屋企借過錢比我，可以填嗎？到時上繳，屋企人可以收到還款？ 可以提供到證明

Yuyuyuu

startzero 發表於 11-9-2024 08:36
你好，樓上見到話填朋友，想問屋企借過錢比我，可以填嗎？到時上繳，屋企人可以收到還款？ 可以提供到證明 ...

有過數紀錄同借據你就可以照報，受托人接唔接納就另一回事。佢地四年後有冇錢收都要睇情況，邊個收錢先都有次序，要睇你有咩債主。

Yannycc

想問下，原本供緊的危疾及儲蓄保險要cut嗎?可轉名嗎?

Yannycc

另外，有些股票戶口，都要上報處理?停用不可買賣?