公司及個人

PwP

想請教各位，之前有個人公司，但已經冇再營運，公司之前有獅子戶口同信用卡，失業大半年最近搵到一份工作，因為公司債項加上個人債務實在頂唔住，呢幾日想去舉手伸破，想請問我係咪需要分開公司同個人伸破？因為冇錢搵6C，諗住自己填表申請，感謝各位回覆

sosadnow

你個人公司有冇欠債？如有要申請清盤，去公司註冊處問下

PwP

sosadnow 發表於 26-2-2024 14:04
你個人公司有冇欠債？如有要申請清盤，去公司註冊處問下

個人公司欠獅子卡數同正苦百份百貸款，之前只係還息仲頂得住，三個月前開始要供款就好吃力

PwP

好似個人申破已經可以包括，我見表格3要填埋公司資料

PwP

因為已經兩期未供款百份百，獅子已經開始打嚟追數

臨老至頭痕

同你情況差唔多, 又係因為中小企借貸, 自己公司借, 私人做擔保. 公司淨供息時, 期期有供, 但到咗要供本, 冇能力! 有三期冇供, 就收銀行信, 要我作為擔保人要立即全數還. 原本諗住即時舉手, 但同銀行傾完, 佢俾暫時仲係供息先, 依家諗住可以拖得幾個月再算! 你試吓再同銀行傾, 可唔可以淨供息!

tony浸信會

唔明當時政府已借錢比你     點解唔即時清哂D咭數        依家搞到兩邊都係債

Mark123456

百分百根本就還唔到 早舉早解決

jackywong

臨老至頭痕 發表於 26-2-2024 17:41
同你情況差唔多, 又係因為中小企借貸, 自己公司借, 私人做擔保. 公司淨供息時, 期期有供, 但到咗要供本, 冇 ...

如果真的還不到，政府和銀行會怎樣處理？

PwP

臨老至頭痕 發表於 26-2-2024 17:41
同你情況差唔多, 又係因為中小企借貸, 自己公司借, 私人做擔保. 公司淨供息時, 期期有供, 但到咗要供本, 冇 ...

因為公司冇再經營，之後一直都搵唔到相關行業工作，最近搵到份工頂住先，但人工只係夠交租同生活費，計埋私人數每個月要俾4萬幾蚊供款，之前頂咗差唔多半年，最慘係前兩個月仲俾正苦罰咗幾千蚊(未報公司稅)，真係冇辦法情況下，宜家已經冇晒錢所以想擧手入學

PwP

jackywong 發表於 27-2-2024 01:38
如果真的還不到，政府和銀行會怎樣處理？

我申請嘅係百份百正苦擔保，唔知道銀行係咪向正苦收錢

tony浸信會

PwP 發表於 27-2-2024 09:57
我申請嘅係百份百正苦擔保，唔知道銀行係咪向正苦收錢

原則上只係政府借錢比你       希望銀行唔會搵收數佬         疫情時幸好政府借了八萬給我     我用了其中一萬申請個人破產 ( 其實已有機會小小欺詐成份、但當時收數追到嚟迫不得已咁樣做)

301

PwP 發表於 27-2-2024 09:57
我申請嘅係百份百正苦擔保，唔知道銀行係咪向正苦收錢

應該是，政府包底的。

呢個疫情推既“百份百特惠”，
正式開始供款期了，借貸者背景根本冇改善，
不樂觀可還矣！
政府早預計以25%壞賬，
個人估計50%以上壞賬更似。

臨老至頭痕

講真, 嗰段時間, 生意唔好至申請百份百, 有幾多人真係可以捱過, 之後生意好到可以有錢賺仲有錢還. 能夠收支平衡已經偷笑. 我諗九成人借嗰時都諗住唔還. 就係咁銀行要政府擔保至肯借!

PwP

我公司做唔住主要原因係客戶拖數，大企業拖半年先找一次數，但仲好意思日日搵你做嘢，嗰陣要每個月出糧俾同事已經有壓力，最後只好同佢哋講叫佢哋開始搵工，搵到先走，等佢哋走晒之後我就同客講話公司做唔落去

PwP

tony浸信會 發表於 27-2-2024 10:16
原則上只係政府借錢比你       希望銀行唔會搵收數佬         疫情時幸好政府借了八萬給我     我用了其 ...

希望唔會有啦⋯⋯

tony浸信會

咁公司shut down 時你写字樓租約和業主已經 settle 好哂？

tony浸信會

同埋你公司連audit 都無錢做     咁如果銀行出律師信追欠款     你連法律援助署都申請唔到

PwP

tony浸信會 發表於 27-2-2024 13:08
咁公司shut down 時你写字樓租約和業主已經 settle 好哂？

已經 settle 好哂，上個月已經交咗前年公司報稅表

PwP

tony浸信會 發表於 27-2-2024 13:12
同埋你公司連audit 都無錢做     咁如果銀行出律師信追欠款     你連法律援助署都申請唔到 ...

我打算聽日去舉手，百分比百係正苦擔保，點解銀行仲出律師信追我欠款？