我個人覺得解破後更新TU報告係冇乜義意？

.時光倒流

之前自己未解破前都諗定解破後上去TU搞下，諗住就算個人信用冇可能去返舊時咁，都希望往後會好少少咁多啦

點知上到去之後等睇號碼入房，入房之後對話如下........

職員: 先生有乜幫到你

我: 想更新信貸評級，之後比張解破紙佢地睇

職員: 你想更新信貸評級.....(佢好似唔明白咁)

我:你明我意思嗎

職員: 哦 .....明白

之後寫返 D 資料比佢，最後佢叫我比錢買信貸評級報告，佢話呢一年更新完之後再睇返自己評級，不過我冇買到

總結我想講，其實我地呢類破過產人士上去 TU 佢地都會覺得奇怪，佢覺得你地破過產 D 人仲講乜鬼信貸評級報告

事後自己諗返又係，其實上去都只係滿足返心理上問題，實際作用不大

flypig

.時光倒流 發表於 7-12-2015 15:27
師兄講呢個情況都係正面訊息

不過我識得一個人舊時又係破產人士，之後破完都冇上過 TU

申唔申請到 CREDIT CARD,有好多因素.

我睇法係, TU 唔係一D 好 AUTO UPDATE 的 DATABASE. 只會係某種情況 UPDATE!!!
所以對某D人有幫助.
但由於 成本唔高, UPDATE 無壞.

.時光倒流

更正了

flypig

我朋友申請 CREDIT CARD 俾人 REJECT.講緊 破後4年...
我叫佢UPDATE TU, UPDATE 完半年,已經兩張 CREDIT CARD 在手了.

理想上,你解完破,TU 會按時自動 UPDATE 紀錄.現實上,未必有呢樣野
好多時只係 解破人以為人地個system 係點點點....現實上,TU 個SYSTEM未必咁樣.可能只係非常被動的...

.時光倒流

flypig 發表於 7-12-2015 14:51
我朋友申請 CREDIT CARD 俾人 REJECT.講緊 破後4年...
我叫佢UPDATE TU, UPDATE 完半年,已經兩張 CREDIT CA ...

師兄講呢個情況都係正面訊息

不過我識得一個人舊時又係破產人士，之後破完都冇上過 TU
到最後都開到信用卡，不過有一個分別就係佢破產前冇錢，破完之後搵到好多錢
所以我覺得你講個情況事實又好正面
不過我都覺得要睇返多少情況

師兄不要介意，純粹討論

cc4321

影印解破令填左張表寄過去,算係了左件事

DW123

自己破前比環聯D阿姐水左我買了個兩年內可以免費額外拎兩份TU既Plan
頒左令後，見佢免費就FAX左張申請書叫佢掛號寄比我

睇完個內容，令我覺得出奇的就係環聯原來係靠對法庭公開資料去知道你有冇老破，而唔係破處/銀行通知環聯
用個咁既方式去知你有冇老破，真係唔使旨意解破後環聯會自動Update 你個TU

flypig

DW123 發表於 7-12-2015 21:18
自己破前比環聯D阿姐水左我買了個兩年內可以免費額外拎兩份TU既Plan
頒左令後，見佢免費就FAX左張申請書叫 ...

我朋友俾我叫佢去 update tu.咁佢順便買左 report 睇。
未update 前 ， credit score I ,update後幾個星期，係 C.
但如樓主所講，唔係所有人都一樣。可能有d 朋友，唔需要自己update,會自動update 到。其實我地，亦唔瞭解tu update 個system 係點！！幾時會update!!!但既然 update 唔駛錢。我就建議，如果你解破後幾年，都申請唔到信用卡，不妨一試。

重新戰士

你唔更新，你既TU 既記錄會一直維持不變。
你更新左，過左4年之後，欠債既戶口記錄會自動無左！
第5年你就可以重新做人，有冇機會自己做業主；現在呢刻黎講一定冇可能，將來有冇機會修例好難講！
你可以話冇用，過左4年之後你就唔會咁講。
如果你已經60歲，層樓又已經係老婆名。咁真係冇更新都冇咩用！
如果你已經放棄你既人生.....咁你更新 TU 都冇咩用。
如果未.....我希望所有已經完成破產既朋友都不妨行一轉，上一下環聯更新一下自己記錄。

macbrush

我覺得，更新又唔洗錢，更加唔需要好多時間。 破得除左走數都係想重新尼過，咁就算有幾細可能幫到自已既未來都應該上去更新。

.時光倒流

其實我講呢個問題不是一刀切，當大家睇完都會有各自想法
同埋純粹討論請大家不要誤會
我只想講出當日職員對話同面部表情問題，而得出另一種想法，所以大家話我多心又好或者我估錯都好啦，不要介意

不過當日他比我感覺，覺得我做呢個更新舉動好似好無謂咁，反而到最後叫我比錢買報告呢一刻叫做正路 d 囉(幫公司搵錢)，所以從呢到開始我會諗佢地行內人一早就知乜事，只係我地行外人不知真實情況，同時只可以講句你人客上到來，佢冇道理唔幫我地做，只不過係成效問題囉

同埋開信用卡問題，我自己覺得如果破產後經濟情況可以有好大轉變，呢個先係重點
每間銀行都會有我地破產個底，難道更新完之後他們會冇晒個底
所以我覺得我地開卡時，佢地好視乎我地交得出乜野資料黎開

到最後如果有師兄師姐解破後都想上去我都不會反對，因為好似我上文所講呢個係我自己睇法
正如開始時我都有懷疑過成效問題，不過到最後都係去左，事實心理上係舒服左，因為果種舒服係比自己認清知道乜事果種舒服。

flypig

.時光倒流 發表於 8-12-2015 13:34
其實我講呢個問題不是一刀切，當大家睇完都會有各自想法
同埋純粹討論請大家不要誤會
...

你無講錯,最緊要有穩定收入,如果有 ASSET 如樓我包保大把銀行立即俾張金卡你添!!!
呢度講緊,係假設 收入不變,ASSET 又無.有無辦法可以增加申請 信用卡的機會呢??

信用卡申請,唔同銀行唔同玩法.N年前老破之人好難申請.今日已經變左. 好多時要睇 番 TU.
我親眼見到朋友TU 由I 變做C. 而呢招係我教佢.
緣因某日 SURFING, 見到 破聯CHING 所講,然後一試得手!!!

而 TU 職員表現,可能非你所想.可能只係:
哎!! 又要招呼佢地!!! 煩!!! 本來打緊 CANDY CRUSH.

just4me

flypig 發表於 7-12-2015 22:41
我朋友俾我叫佢去 update tu.咁佢順便買左 report 睇。
未update 前 ， credit score I ,update後幾個星期 ...

我今年2月通知TU已破解, 睇過幾次個人報告後個信貸評級都係「此項目不適用於本報告。因類似個案之代表性樣本資料不足用作評分，因此未能於本報告顯示評分。」。

我破產後一直用恒生出糧，幾個月前申請過恒X Enjoy 卡都申請唔到，TU報告又無記錄顯示恒生曾經查過我信貸評分。

真係唔知點可以提升返個評分, 係咪要申請其他銀行信用卡先可以調整到個分數呢?!

DW123

just4me 發表於 12-12-2015 12:46
我今年2月通知TU已破解, 睇過幾次個人報告後個信貸評級都係「此項目不適用於本報告。因類似個案之代表性 ...

你之前同痕身有冇牙印?? 如果有佢地靠內部記錄就連TU都唔使睇
你係點都要有返D信貸賬戶(除了信用咭相信別無選擇)比TU記錄到，個評分先至會有個參考去改變

flypig

just4me 發表於 12-12-2015 12:46
我今年2月通知TU已破解, 睇過幾次個人報告後個信貸評級都係「此項目不適用於本報告。因類似個案之代表性 ...

Good question!! 我會建議，做少少定期。唔好申請信用卡住。btw,我朋友係 4+4/5。即理論上初步洗底。你幾時解破？

flypig

如果有牙齒印，就建議去另一間銀行財務做少少定期先。say 20k.長路漫漫，大家要有耐性。

重新戰士

just4me 發表於 12-12-2015 12:46
我今年2月通知TU已破解, 睇過幾次個人報告後個信貸評級都係「此項目不適用於本報告。因類似個案之代表性 ...

<此項目不適用於本報告。因類似個案之代表性樣本資料不足用作評分，因此未能於本報告顯示評分。>
你上TU搞清楚係咩一件事先。
如果係記錄上有問題...要問下職員先！了解咩情況再講。
不過有件事我可以肯定，銀行連TU都DRAW一份睇。你已經係黑名單。你一定係同大貓或者痕行交過手。
如果係.....你有乜 ASSET 都唔會批，2間夠大夠串....
講真。一個好人好者申請張白金.黑卡都難批，一個老破左就去做份定期就批....... 真係...我保留！
我間公司前排搞出糧戶口轉賬，大把同事借機申請黑卡,一樣有好多唔批！
唔好問我點解，我只係知.....佢地唔駛跑數.....
唔好拗....你有冇見佢擺 ROAD SHOW ??
點解冇擺....因為佢用優惠多，希望D人因為優惠多而自己申請！
今時今日呢個世界會變，老破我唔敢搭口。
幾它我唔係"識少少扮代表"