解除破產後成功申請信用卡分享

小浩南

小弟都係破產過來人, 係到分享下解除破產後成功申請信用卡分享。 好多人都話破過產呢世都唔駛指意用信用卡, 其實唔一定既。 我係破產完結後試過係網到問下人點可以攞得番一張信用卡, 結果就係換黎冷言冷語, 例如" 你又想破多一次產?" " 破過產無信用重想學人用信用卡?" " 破過產一次都唔知驚?" 等等難聽說話, 其實要番張信用卡唔係為左再欠銀行錢或者再破多次產, 而係為左生活方便, 例如俾電話費,上網費、去旅行時酒店亦有機會要你俾信用卡造按金等, 完全係為左生活所需。

簡單講下我破產歷程:

2007年1月破產

2011年1月完成破產令

2014年8月先去申請解除破產令

2015年5月走去環聯UPDATE 資料

2015年7月成功出到信用卡

我係申請 AE?N 信用卡 , 我係2015年5月先去環聯查下我自己信貸評分同UPDATE我解破資料, 結果係H級, 都幾低分下, 而且之前欠銀行D數都係到, 係撇帳帳戶。

咁我無理係2015年7月頭照去申請AE?N 卡, 唔需要特別方法 , 我係係百貨公司取張申請表照正常程序申請, 我無交過解除破產令, AEXN 亦都無問過我。

結果係7月尾就收到張卡, 限額係一萬, 我只係造份低級工作, 人工只得一萬零幾百。 開得番信用卡真係好開心同方便, 希望幫到大家啦

清風

多謝分享

等我都去試下先

慘慘仔

2014年8月先去申請解除破產令?????

點解o既???係2011年已經可以申請定係點???

301

多謝分享，
稍後遷移往'信用卡討論'，
thanks.

Alex2233

批一萬已經夠晒，網上卜到野已經夠，唔夠咪找數後再碌過

未破前張張十幾萬，唔碌到破都幾難

小浩南

慘慘仔 發表於 28-7-2015 07:57
2014年8月先去申請解除破產令?????

點解o既???係2011年已經可以申請定係點???

2011年已經解除破產,,不過當時無去申請解除破產令,因為無特別需要, 去到2014年我想開一個普通銀行儲蓄戶口都開唔到, 銀行點都要我交出解除破產令先肯開俾我, 所以係2014年我先去申請番張解除令

小浩南

301 發表於 28-7-2015 08:23
多謝分享，
稍後遷移往'信用卡討論'，
thanks.

好,多謝, 因為我係信用卡討論個區發唔到文,所以先貼係呢區

小浩南

Alex2233 發表於 28-7-2015 10:10
批一萬已經夠晒，網上卜到野已經夠，唔夠咪找數後再碌過

未破前張張十幾萬，唔碌到破都幾難 ...

點都好啦, 已經過左去, 以後唔再犯以前既錯就係啦, 而家我一定會月月清

慘慘仔

小浩南 發表於 28-7-2015 21:04
2011年已經解除破產,,不過當時無去申請解除破產令,因為無特別需要, 去到2014年我想開一個普通銀行儲蓄戶 ...

有解除破產令先係完全解破定係一到2011年出信/打電話比你講,呀浩南哥你今日開始解破,可以去申請解除破產令,

hohochi

慘慘仔 發表於 29-7-2015 08:06
有解除破產令先係完全解破定係一到2011年出信/打電話比你講,呀浩南哥你今日開始解破,可以去申請解除破產 ...

到期收到電話或信反而唔係好事，一般到期都係要自已同受託人確認要求佢出不反對解破信以便向高院申請解除破產令，收到電話或信通常係有D問題hold住左

小浩南

慘慘仔 發表於 29-7-2015 08:06
有解除破產令先係完全解破定係一到2011年出信/打電話比你講,呀浩南哥你今日開始解破,可以去申請解除破產 ...

正常情形夠4年期係唔會有任何電話或信通知, 收到通知一定無好野多, 更加唔會有任何通知叫你去申請解除令,要你自己去問, 我2011年解除之後無任何通知, 直到2014年我因為開過普通戶口都開唔到, 我先主動去搵個主任申請番張解除令

lionpig

我都想申請番張信用咭,我於二月時申請姨昂唔批,之後去update tu,而家評分係D, 心大心細想試下但又怕佢試下但又怕佢reject

just4me

我今年2月破解攞埋解除令後，未通知TU睇過自己記錄係無評分，交表格及解除令比TU後只係公眾記錄個欄加咗過discharge之類記錄，但都仲係無評分，四條壞賑write-off記錄都仲係度，請問要幾耐先會有返評分呢？

lionpig

好似係解破、

lionpig

冇記錯係解破起計5年先可以清除撇賬紀錄

小浩南

lionpig 發表於 29-7-2015 23:45
我都想申請番張信用咭,我於二月時申請姨昂唔批,之後去update tu,而家評分係D, 心大心細想試下但又怕佢試下 ...

我去申請AEXN 之前查過評分, 我當時係H級