2014年已頒破產令，仍被安X上門追數:'(

kawy1333

每月也準時入錢入破產戶囗，但半年前仍被安Ｘ上門追債，對方話冇收過破產令和會計師樓還款(無語中，2014年頒破産令和開債權人會議通過及開始還款啊)！！我打去破產署問，佢叫我問翻律司樓(破產署外判)，打去律司樓問，佢叫我自己再fax破產交件比安Ｘ(又無語中)，之後隔了半年的今天，安Ｘ又派人上門追債和放底追債信(還使我80多嵗的母親受驚血壓暴升)！！依照信上打電話去投訴，對方竟然答你破產我們都可以追數！！！！我即時再打去外判律師樓尋求協助，對方竟然回答“這都無辦法，你有需要可以去報警！！”
我現在感到十分無助又害怕，有無師兄大人可以教我怎麼辦呢？
破產署和外判律師樓是否玩我？求下有冇人幫倒我！！

kawy1333

有冇朋友幫倒我??沒想過破產了年半，每月又準時還款，仍比上門返債(還要是大公司“安Ｘ兄弟”！！)今天安Ｘ上門時還嚇倒母親而被弟妹指責，現在都没面回家了....

flypig

安x 係唔係一二線，有無牌。如果有牌，
好簡單！！件事就係：2014 安x搵收數，收數博大霧。
你要針對安x。安x會收收數皮。你照信上打去根本聽電話唔係安x，係收數。你call安x，問佢點計。呢間野犯法的。佢想點。跟住你番黎講下安x點講

smallcat

  破署及外判唔係玩你  只係人家要做乜佢地真係無法阻止  不過  你破產有錢都要交比外判去分配  又邊有閒錢還比安X  唔明佢地追得咁勁

flypig

如果安x 係黑財，那就麻9煩。只有錄音與報警

kawy1333

“安Ｘ兄弟”唔係黑財，係渣Ｘ銀行付屬機構！！

kln747

好似賣咗盤

Alex2233

佢唔係大耳窿，有牌就得

可以報警

高院頒左破產令再收數係違法，所有財產係交由主任/外判分配再還

佢而家追你數即係藐視法庭既頒令，可以報警

alalfred913

勸你搞上生果啦

alalfred913

呢間野變晒質  我都係比佢玩到要搞破  你打去投訴熱線同send email到投訴  佢網頁有的  enquiry@ 那個  好快有人覆你的  最好語氣講嚴重d. 佢地會馬上跟進  叫收數停手的

Heihei

我之前係呢度睇過D舊文，如果係正財可以打去唔知邊到投訴的，但我又唔記得左係邊到。有無C兄C姐有印象?

ken2542de

Heihei 發表於 24-6-2015 21:09
我之前係呢度睇過D舊文，如果係正財可以打去唔知邊到投訴的，但我又唔記得左係邊到。有無C兄C姐有印象? ...

香港警務處牌照課放債人牌照組
地址: 香港灣仔軍器廠街1號警察總部警政大樓12樓
電話: (852) 2860 3574
傳真: (852) 2200 4514
我都有欠佢,申破中

alalfred913

因為佢地5月由存款公司轉左做放債人  所以要投訴  如果係收數公司犯法  就向警方（即樓上師兄講）那度  如果本身手法有問題  就向放債人公會投訴

alalfred913

補充 如果係銀行/存款公司  係向金管局投訴 先打去投訴熱線 有職員聽你講個 case再教你點做  通常係填份表詳細講述  連埋d文件單據（我個時連電話錄音都比埋）  跟住金管局會跟進 要間銀行於60日內覆結果  不過 始終不能救近火 但都有拖延或阻嚇作用既

ken2542de

alalfred913 發表於 24-6-2015 21:58
因為佢地5月由存款公司轉左做放債人  所以要投訴  如果係收數公司犯法  就向警方（即樓上師兄講）那度  如 ...

樓主可能申破前安x已判左比出面收數公司.樓上flypig講得岩
摶大霧居多,或條敷已賣到二.三手了

alalfred913

都無關的  因為安x係有責任監控佢地委託公司所作所為的

Heihei

ken2542de 發表於 24-6-2015 21:18
香港警務處牌照課放債人牌照組
地址: 香港灣仔軍器廠街1號警察總部警政大樓12樓
電話: (852) 2860 3574 ...

有用資料，謝謝提供。

ken2542de

Heihei 發表於 24-6-2015 22:34
有用資料，謝謝提供。

吾使客氣,互相幫忙Je

ken2542de

alalfred913 發表於 24-6-2015 22:33
都無關的  因為安x係有責任監控佢地委託公司所作所為的

這個當然啦!但可能樓主脫期太耐比安x賣斷左,真係收數點會半年後,一個賣比一個,會有博大霧情況出現

flypig

其實呢d收數，多數段job收佣。佢用不法手段，安x要上身