唔好介紹，要求介紹律師，顧問等

admin

一經發現，即 ban，唔通知，無情講！

包括任何形式，短訊，文章，曲線，等等。

要求同介紹同樣會 ban。

我就係咁無良！

------------------------------------------------------------------------

重有，通常個D 濕狗中介，師爺都會話實得，幫到你，又話自已都試過。

但跟住實係叫你 whatsapp，pm 傾，如果你想破產，佢就話自已都破產，如果你想 IVA，佢又會變左做左 IVA，如你想借錢，佢又變成借錢渡過難關，佢地一地唔會版要討論，因為易穿保！

最慘會員呢個時候通常6神無主，實會比佢昆！

所以，我只可以勸所有新舊會員，見到呢D，就通知我，見一個，ban 一個，我唔會理你係真係推薦，定係新狗顧問！

新舊會員都要留意，呢個世界唔會有咁多好人，話會幫你解決問題但係又懶勁咁，一定要 pm！whatsapp！見親一定得個D，你就即刻可以走人！

Alex2233

今日去破署拎表,都有顧問係門口搵食...真係狂妄...無處不在

301

嘩,今時今日仲咁環境,
証明有得做 !
所謂 '顧問'可能已經是破聯會員 !

Alex2233

301 發表於 16-5-2015 09:47
嘩,今時今日仲咁環境,
証明有得做 !
所謂 '顧問'可能已經是破聯會員 ! ...

不過都冇人pm過我呢個准入學生

admin

arm arm ban 左個顧問，真係吹到呢：

我有朋友同你case都幾相似 但我聽佢講佢起破產之前仲有一筆錢派比佢洗之餘仲幫佢清埋筆數。

我有朋友都破過産 佢吾但只一筆過清囇d卡數 之後仲有舊錢可以俾佢洗。

唔好講幫親佢個D，個個都中6合彩！

會員睇下啦，D 人就係咁，乜都講得出！等你簽左比5個，咁就唔同架啦！

admin

真係唔乜唔知身體好，唔見顧問唔知點樣吹！

講到人地重要比錢你駛，免費破產！痴痴地線。遲D顧問會吹到政府會分天更高比你啦！

amy126

所謂顧問公司的確無良, 為左收錢咩都會做,
我阿爸個case係2007年無拎到解破通知書, 宜家要搞廢止破產令,
顧問公司竟然叫我地先俾$3,000佢地, 叫我地搞左個解破通知書先, 話對我地無損失, 係咪都要搞,
之後我地搵到律師幫手, 律師話解破通知書宜家都唔重要啦, 要搞既話2007年就應該搞

admin

而家D會員真係完全漠視規矩！又一件！