希望大家比D意見

Jacky89826

我的情況如下：安x 10000 12期 每期1100 已供3期
大陸銀行 160000 60期 每期5400 已供3期 遲供1期
日本xx通 剛剛加碼到40000 24期 每期2800
安x 張信用卡現金透支爆左17000

已經知實死得嫁了，做緊心理準備做老破，但最近收到個痕身電話話可以一筆清，但好初步今報左以上資料俾佢之後話做唔到，因為有日本通條二缐數係度，批既成數唔高。今念住算了，佢跟手同我講供得今大壓力有冇興趣試下個「政府免供計劃」，5000供12期，佢同我搞老破產同4年年報表，而4年後佢可以幫我洗TU。叫我上HK財務顧問控股 度簽名即搞

我想問下各位知唔呢個係咩計劃？同佢所講既野幾多係真？信得過？

301

政府 邊有免供計劃 ?
破聯就有免供計策.

幾可肯定你必要申破,
有此幾條數不用看你背景及負擔也難還清.
早點打算吧.
中介公司甜言蜜語祇想抽你水,勿近!

flypig

政府免供計劃===唔還俾銀行,但要俾黑社會.
你幫趁==叫D大耳LOAN 上門,去搵你,上門你公司,同理你父母,大姨媽,三叔公,四表嬸,仲有其他親朋戚友...

佢收你60K.... 你去搵律師,不過15K樓下. 唔同係,佢有黑社會去招呼你同你公司,你屋企人.

cc4321

政府免供計劃?咩黎?佢同你搞老破又叫你分期付款?你老破要例哂債權人出黎,咁佢借錢比你老破,都係其中一個債權人,D錢唔到你話事還比邊個先,咁你用咩還比佢?私底下?咁做好危險喎,我覺得你真係諗老破就正經經搵律師做或者自己搞,呢D中介財仔算吧喇

MITKAN

我的愚見如下：
第一，打比你個條友仔，我覺得係冒銀行名打比你，其實佢係某黑店顧問公司，
從佢推介你去某顧問公司搞就睇得出，邊有銀行會叫你去搞老破嫁！？
佢可以從好多途徑收集到你既債務資料，但有資料唔代表佢係銀行代表！
唔信？！你可以打去痕身客服熱線去問下有冇呢回事！
第二，呢個世界根本唔存在「政府免供計劃〕，佢用政府名義是為了來騙取你的信任！
第三，搞老破自己搞1萬元，揾律師幫手搞都係1萬5千元，根本不需要6萬元！
而且破產費用必需一筆過比，不可能分期付款！
第四，佢話幫你洗TU根本就不可能，就好似話幫一個刑事犯人洗案底般不可能！
分別在於TU會自動隨時間更新，除左時間，冇人可以洗到TU！
第五，千奇唔好簽任何文件！簽左就手尾長！佢地最鐘意話不成功不收費等昆你簽約，
簽完就算搞唔到，都會要你比錢，你唔比就會搵收數佬（極有可能有黑社會背景）去搞你公司，你家人，
就算老破左明知犯法都照搞你，論壇有好多活生生例子比你睇！
最後，佢講既冇句真，由頭頂昆到腳趾尾！

樓主都係踏踏實實搞老破，祝順利入學，洗心革面！

dove00dove

其實之前報紙都講過，銀行係唔會主動打電話叫人借錢，打親就一定係出面財仔。

唔信？我破了後仲有呢D人打比我就知啦！大家記住小心呀？

hohochi

唔洗諗100%昆水