交表後（不吐不快）

wingyi1107

一早都知曹xx衰架啦，估唔到真係衰到貼地！！
今日約左3點上去交文件。 我好守時地2點50分去到 。
一開門，坐低左，條友行出黎講，明明約你3點，你就早2個字上黎，還錢唔見你早。。。 哇。。我心中已經xyz 。。。 但我忍！！！
之後佢癈up 一大輪野，係咁捉錯處都算。。。 我係支出表填左養狗費。 佢之後就發火講，小姐，你養自己都唔掂啦，仲點養狗。我完全唔明你個腦想咩囉。
你覺得政府會批你養狗咩。你仲要住公屋。 已經犯法啦！ 就係你依d 人,搞到香港多流浪狗，烏煙瘴氣！！
我嬲到呢！但我都忍！！！
之後佢就話，如果你唔養狗，咪有錢比返政府囉！！
我都只係講：係既，明白！ 心中已經想xyzxyz 佢！
之後，仲衰，問我有咩問題要問，咁我真係唔知出糧花紅係點。咁我咪直接問佢： 我聽講花紅要申報，應該點申報呢？？
哇！！！！條友串到同我講：你聽咩人講，你唔識，唔係要聽人講，d 人唔係主任，唔係律師，佢地識咩野？ 一d 知識都冇！ 你有咩唔明，唔知就要打比主任問。唔係聽人講，聽人講
而家好多破產人，都上網搵資料。 根本就害死自己！！！
你唔明就問律師，唔好問旁門左道！！！！
之後我只係講，唔該晒，就走左！

cc4321

算喇,呢D人天生無家教,可能又撞啱M到咪咁囉,對弱勢就兇神惡殺,對有頭有面就成隻狗咁,要原諒

wingyi1107

cc4321 發表於 6-2-2015 16:45
算喇,呢D人天生無家教,可能又撞啱M到咪咁囉,對弱勢就兇神惡殺,對有頭有面就成隻狗咁,要原諒  ...

我原諒左佢啦！！！！

ac0213

呢條友就擺明想辣慶你啦.我個債權人都想屈我無通知[加人工]一事啦,比我大聲番佢.根本佢地好多甩甩漏漏.總之自己要定.

wing777

曹xx係好pk！雖已事隔多年睇返你嘅遭遇都有D火。
不過你又吾駛太擔心，如果有錯漏，主任會打俾你叫你補返，一般主任態度會好D，我嗰個已係算吾太好但問乜答乜有交帶。
交文件後2星期左右打來問我幾句，因我有間無限公司所以麻煩D，書面補返D資料就ok，佢仲教埋你點寫。之後半年只打過兩次來問我工作情況同埋問我收吾收到張破產令，最後一次係第一年交年報又填錯打來教我點填，之後三年都無打過來了。
所以呢⋯曹xx只係收文件，之後你再吾會見到呢D pk，以後4年都由主任跟進。

flypig

因為佢覺得你係社會底層,儘量鬧地底泥無問題,顯出自己係高你一等.

實際上,只顯示佢專業有問題.呢D CASE,全程錄音,拎去一仔,佢間外判都唔掂.

flypig

如果係我,我等佢廢UP 一輪,會問佢,
其實你地係唔係淨係負責收文件??
E... 外判唔係你BOR..除此之外仲負責D 咩野???

呢D 友一聽,就會收皮....

smallcat

  權力既恐怖  權力慾  如果大家去旅行同一團  見到佢  你又解左破 你估你會唔會忍佢?    佢夾魚時你快過佢  佢裝飯時你裝晒佢  佢夠唔夠薑吋你? 我睇佢驚過你
只不過現在破期中, 有乜心情同佢地玩? 咪就係咁咯

mmmmm

曹xx 真係好pk
我都受個佢氣

MITKAN

不要太乎他的說話態度啦～
因為他而弄到自己不開心就不值得啦～
雖然他說話態度有欠尊重，但當中某些點亦有道理，
公屋的確不可以養狗的，小心事件揚了出去會被扣公屋分及影響狗狗不能再留在家裡生活，
正因為公屋不可以養狗，如果申報養狗費的確很大可能不批，養狗的支出要另想辦法了～

wingyi1107

MITKAN 發表於 8-2-2015 01:24
不要太乎他的說話態度啦～
因為他而弄到自己不開心就不值得啦～
雖然他說話態度有欠尊重，但當中某些點亦有 ...

所以我咪忍。。。。。唔出聲！！

301

呢d就係師樓之"人渣",
係等天收佢,
而家出事之"比卡超"幣,
又係引公公婆婆落叠之"人渣".

keing81

如果係我, 真係吾知認吾認到

luluchow

我交件嘅律師樓非常有禮貌，ching真係唔好彩了