破產後好怕搵工

kwanma · 發表於 27-4-2009 16:41:06

我08年8月申請左破產,而家想搵工.但..好怕搵到野做又要搵破產官搞戶口出糧.
又要比工作証明...唉...都唔知點好...

知唔知.如果破產期過左...到時係咪可以自己去銀行開戶口(多過一個)?

roy · 發表於 27-4-2009 21:16:54

去申請戶口出糧有幾麻煩呢?麻煩得過以前欠債日子嗎?

申請戶口手續好簡單,快D努力揾份工啦.

破產 FAQ 39- 如何在頒領後取得解凍信
http://www.hkiva.org/viewthread.php?tid=774&extra=page%3D1

遊戲 · 發表於 28-4-2009 22:46:08

原帖由 kwanma 於 2009-4-27 16:41 發表
我08年8月申請左破產,而家想搵工.但..好怕搵到野做又要搵破產官搞戶口出糧.
又要比工作証明...唉...都唔知點好...

知唔知.如果破產期過左...到時係咪可以自己去銀行開戶口(多過一個)? ...

嘩！你係咪08年8月到現在都未有搵到工呀，係就係好快 d 搵喇，如果唔係，人地以為你破產前勞左一大筆，唔使做，第日你真係有需要想開戶時就煩啦！

kwanma · 發表於 30-4-2009 10:59:49

我申請個時都係報冇做野既..而家我有2個仔女...話係老公養既...

柑拮 · 發表於 30-4-2009 19:03:03

破產真係好煩.............

civetkc · 發表於 30-4-2009 19:30:31

呵呵，唔使煩，一d都唔難。我舊年5月批咗破產，當時失業，7月底搵到工，當時都有d担心唔會唔比新公司知道我係破產人士呢？雖然我『只係破產，唔係毒販』，怕咩比人知呢？但係如果免得過，心理上始終都唔想比人知，尢其係新公司。當時怕兩樣野，一)攪出糧戶口，二)攪強積金戶口。但原來担心係多餘既，開一個用來出糧既銀行戶口好簡單，只要寫封信比你既破產主任說明有需要開一個戶口以作出糧之用，同時寫明你想在那一間銀行開戶口(只可申請一間)，佢就會發一封開戶信比你去攪。就算係公司同你攪強積金時，果間銀行都唔會透露你係破產人士比你新公司知的。所以唔使咁担心。

gpo4074 · 發表於 1-5-2009 10:15:06

通常d僱員再培訓課程要求學員係hk bank有戶口,方便發放津貼比學員.

咁你求其搵個再培訓課程讀,就算只係返頭二三日都無所謂,因為係斷日計津貼比學員.

之後收左津貼後,便可以搵工做,又吾駛再特登開一個新戶口.

不過法例規定當你失業後,便要立刻取消現有銀行戶口,當搵到工後才可以再開新戶口.

但如果你個主任係比較忙,咁你可以搏一搏偷雞扮吾記得或吾知道要取消戶口,可以keep個戶口一段短時間.

但期間最好久吾久搵d散工做吓,及再讀吓d再培訓課程.

柑拮 · 發表於 2-5-2009 00:55:57

破產都要搵食嫁..........日日係屋企唔係辦法

ngkawing · 發表於 7-5-2009 10:48:36

一d都唔麻煩
問破產處攞封信再攞去銀行咪得囉
好簡單唔會俾人知

kwanma · 發表於 12-5-2009 14:00:31

我之前痕生,獅子,宗銀都有account,獅子,宗銀都有欠佢$.
咁如果我第日搵到野做.去呢3間其中一間開戶口..咁係開過一個新既OR用番舊ACCOUNT?

仲有.如果4年後..我一路都冇野做.都冇開過ACCOUNT,
咁到時我點開戶口呀?到時又可唔可以開多過一個戶口?

bb_q_888 · 發表於 12-5-2009 15:59:41

破產期完結後開銀行戶口及申請信用咭

http://www.hkiva.org/viewthread.php?tid=186&extra=page%3D1

解除破產證明書

http://www.hkiva.org/viewthread.php?tid=184&extra=page%3D1

你有左"解除破產證明書"你可開幾多個戶口都得

		自動登錄	找回密碼
密碼			註冊

破產後好怕搵工

回復 #1 kwanma 的帖子