|
大家好, 之前我發過一個貼, 請看下貼:
http://www.hkiva.org/forum.php?m ... id=11723&extra=
我6月中已feel到自己唔係好掂, 差出面成200幾個... 我是做生意的, 有一間有限公司, 因我在做生意時有一位相熟的律師, 他都建議我如果搞破產找律師會比較好, 那我就讓他幫我搞了,
律師收我15000, 這是非常值得的, 因為很多法律上問題他們都可以解答到你, 律師亦會比較專業, 我亦有問過出面的顧問公司, 有些說什麼30000 包沒人追數等等... 我個人就不是太信所以最尾都是選擇專業的律師,
好 在6月30日 上去律師樓帶齊晒所有差人錢的文件到律師樓, 這時你可以問一些你想問的東西, 例如邊間會唔會追數什麼什麼, 之後就是去宣誓, 宣誓亦好簡單...講幾句野簽名就得了, 之後就等上庭的日子(律師代辦我是不用上庭的)。
在等上庭的日子中, 律師都幫我fax及發信給債權人, 唯獨有一間2線的財務, (日本仔)不斷打黎滋擾, 及打去我咨詢人那裡, 之後我就在這個論壇上抓文, 終於找到方法, 就是我打了一封說明我已申請破產的信, fax到放債人公會cc埋比呢間財務,
之後, 他都沒再找我了, 如果佢再找你, 你可以到警察網站上, 有一個放債人牌照的投訴的, 我有查詢過他們是會紀錄及有機會影響發牌的。記住各位 和他們講電話記住錄音, 而家電話很方便 我用安卓求奇都搵到個錄音是一通電話就自動錄的。
你已申請破產了, 不需要再怕這些2線以上的, 因為你真的沒能力了, 他會軟硬兼施, 千其唔好話怕麻煩就去還比佢, 因為我是有差兩間財務, 我有聽過, 如果你還得一間, 第二間又走黎搵你, 而且你在申請破產後私下還款, 兩邊都犯法的,
其實你只需要跟住法例走就可以了。最好有咩事都搵律師問問(幫你代辦那個) 因我都有問過, 如果情況持續律師是會出信的。
到了8月5日, 無人反對, 頒令了, 頒令前收到封信是說外判了, 要去交文件, 要你在頒令後5日內預約, 我就約了8月14日上去外判那裡, 大家請記住盡量帶齊他要的文件, 如果真係搵唔到或唔見左, 照直講就得, 唔通我唔見電話費單我唔洗用電話咩?-.-?
最緊要係如果你係搵律師代辦, 他會有2份很重要的給回你, 就是你一開始申請時的宣誓書 和一份初步詢問表, 初步詢問表識填就填, 唔識填留空到時去到才填, 因為可以改的只需簽回名就可以, 呢兩份是最重要的。
我就在8月14日懷著很緊張的心情去見外判, 之前一晚真的睡唔到...太緊張了, 好了上到去, 唔洗等好耐5分鐘左就入去見他, 嘩.......
氣氛非常好, 有講有笑, 我在支出表上是寫了12800左右...因為怕太多會比佢吊, 因我和家人住公屋, 我不敢寫全都是我交, 我寫了300....... 佢好像好想笑咁... 我話我和家人夾.... 唔知係唔係我太誠實, 他就直接寫了租金全數落去... 成條數變左13500幾
他會在初步詢問書問問題, 過程很快, 最緊要盡量帶齊文件, 而且記住整齊執好佢, 比如佢要身份證副本 你要立即可以比到佢 有禮貌地, 不要太亂啊^^
之後30分鐘就見完, 我臨走仲係到諗...我係唔係已經見完, 我問佢, 洗唔洗再見那個破產主任, 佢話應該唔洗架啦, (我問)咁生活費就係呢個? (她說)係暫時就係呢個啦。 之後我就走了, 感謝上天 遇到個好的。
後話, 走時...心情真的輕鬆很多了, 再回想反昨晚睡不到, 這真的很講運氣, 就算遇到唔好既你都無得選擇, 所以都係要堅持著! 大家加油啊~~
|
評分
-
查看全部評分
|