剛交完文件，恐懼中

cafe

咁多位師兄師姐，小弟剛交完文件比外判，原來重傾埋生活費，佢話我破產原因係過度消費，但係要我書面解釋點解洗左咁多錢，重話我解釋唔到要咩b我，咩叫b我？，我好驚佢話唔接受我解釋，佢會唔會告我，真係好驚，佢又話查我呢樣又嗰樣，我心諗，佢嚇我係咪想我生活費炸，如果要告我，唔洗同我講埋咩生活費，要話幾時開錢扣錢添，重比埋四年年報表格同出入境張紙我。我真係好驚唔知邊度會出左問題比人告！究竟我而家個程序去到咩地步，我好擔心，請問有冇人幫到我，解答到我問題，唔該你地！

笨笨狼

樓主, 其實不要太害怕, 要不要開債權人會議, 要看你收入高不高, 有沒有資產, 可以讓債權人盡可能要你的錢來還債, 如果你什麼都沒有, 根本沒有什麼好擔心的了, 他們也不會花錢去盯上你.
反過來說, 如果你有能力, 還一點吧, 不要想太多, 因為就算要還, 都好過老破前, 全部收入都給了債主吧.

至於生活費, 文件單據都充足, 合理的生活費是不會不批的, 當然數字遇上不同破官/外判都會有分別,
不過他們都會有一個準則, 比方大多在膳食費, 一天就不要超過一百, 手機費用每月一百來也沒有太大的問題.
不同個案批的生活費都有差別, 有人批了快二萬, 有人批的是七/八仟, 也有人少於五仟, 不能盡論.
十個破產的, 有半數都有消費過渡的問題, 反而是在老破前你是否仍有大量消費, 造才會被盯上, 如果是有盡力還款, 也不能說什麼的了.

另外, 收初步收支表的應該都是外判, 而是否有外判跟, 要看兩個情況吧, 個案是否太複雜和是否被債權人盯上要求債權人會議...........

笨笨狼

話說回來, 就算是拿綜援, 有師兄說過有案例也要還錢的, 如果遇上殺手真的會不好過,
而且四年長, 又不能轉受託人, 他們想玩什麼也可以....... (多看其他師兄的分享)
當然, 如果太不合理, 又或要簽交換條件等, 當然不要答應, 答應了就會定案.
其實什麼才叫合理生活費, 以前官方有一篇文章說, 有錢人是否破了生活就要像貧民呢?
他們說不是, 只會要求當事人不能生活奢侈, 但仍大約可以有中收入人士的生活水平...........

到底是多少呢? 不同的案件, 不同的受託人, 不同的條件, 答案都不會一樣,
正如有人每月要還三四仟, 有人一元也不需要, 真的要學嗎? 大家的條件都不一樣,
可能要學一元也不用還, 代價是很大很大, 不是真一般人可以忍耐.

至於大家可以忍受底線如何, 大家心中都有一把尺吧, 其實只要順順利利四年畢業就是樂事了.

笨笨狼

擔心的心情是正常的啊, 當初的老破時, 我的心情也一直擔心, 會亂想一通喲.
不過, 當事情過去了, 才明白乖乖誠實的面對, 其實不是很可怕的, 我個案比較簡單, 寧靜的就過了四年順利畢業.
像我的同學, 因為破產, 人變成了另外一個人了, 他那四年真的不易過, 仲使他其實也很順利, 每月還得很少.
其實, 如何去看一件事, 是由我們來選擇的, 就像我同學每年的雙糧都要交出來(其實破了產, 這是正常事), 可是他就很不開心,
如果像你說: "生活費我預左點都要還啲錢負番啲責任", 只要有這個覺悟, 再難的事情都可以跨過的.

笨笨狼

四年的年報表是交給他們公司, 就已經是外判處理了. 其實也不要太擔心, 除非債權人要求開會, 不然不會轉殺手的. 他們只是希望你可以盡量還款而已, 只要是他們判合理的生活費支出,
四年內就乖乖還款, 準時交年報就可以了, 另外就是, 如果收入有任何大轉變, 記得第一時間通知他們.

PS: 真的不要太擔心啦, 法官不是已經判了你破產了嗎? 受託人只是保護破產者不被債權人追討和幫債權人盡量得回債務而已.

cafe

佢叫我有咩事就聯絡佢公司，咁我係咪已經跟了外判，唔需要開債權人會議呀？有冇人可以有回應，唔該大家！

cafe

佢重話有個人一家三口都係批八仟，人哋都生活到，你有咩理由唔得先，你而家破產，只會比最低水平嘅生活你。我想問咩唔係合理既生活而係最低既生活咩？咁攞公援未好過做？

笨笨狼

另外一問, 就是那四張年表有沒有說要交給誰, 如果當時的外判說是寄給破署, 就是破署暫代/或由破署直接跟案.

cafe

謝謝笨笨狼你的回覆，我只係好擔心佢話我點解可以洗左咁多錢。我早幾年響大陸同一個女仔同居租屋住，吃喝玩樂洗大左，一直都有借錢還錢，直致我結婚生仔，結婚生仔係要洗好多錢，我冇得一樣一樣去解釋點洗，佢又問我點解冇錢重要結婚生仔，大佬呀，有諗到就唔會攪到過度消費理財不善啦！到開支越嚟越大，財務出現問題，我都盡力還，申請了一筆清數，因為攤開長時間還，息口好高，最後連信用咭都透支埋。信用咭息口同手續費都好高，到最後連生活都出現問題，而家破產。佢重問我N年前到而家點解可以洗左咁多錢，我真係答唔出，洗左就係洗左，我而家超擔心佢會告我，話我解釋唔到啲錢洗左去邊！好驚！你地話我應唔應該照講算，因為佢之前就係唔信所以先要我解釋原因，多謝大家指點一下小弟迷津。

cafe

年報表係話交去佢公司

cafe

生活費我預左點都要還啲錢負番啲責任。但係我最驚佢話我唔受理我解釋破產原因！

笨笨狼

不用太擔心啦, 樓主的案例和我的朋友很近似, 最終他也順利破產和畢業. 其實在銀行的月結單中已經可以證明你是否有盡力還債了. 當然, 收件的如此說, 也是他的責任而已.
當你交足了文件單據, 信不信已經不在你的能力所及了, 一般而言, 最終只是按文件單據的資料影響到生活費判多少和要還款多少而已.
除非是有心人, 在老破前把資金外轉, 又或是老破前有大量欠債出現, 不然, 不會被追討款項的. 只要是誠實, 不用害怕的, 加油吧, 四年很快就過.

說真的, 香港的銀行卡利息是三到四年就會翻上債務的一倍, 還不清是常見的事情.............

cafe

笨笨狼，謝謝你的鼓勵，不過心情常依然好擔心！

cafe

謝謝你，我本身係一個乖乖的人，冇諗過逃避啲咩，加上都要向太太囝囝負責任，我點都要頂住，真的謝謝你，衷心的

smallcat

cafe 發表於 24-4-2014 22:36
謝謝你，我本身係一個乖乖的人，冇諗過逃避啲咩，加上都要向太太囝囝負責任，我點都要頂住，真的謝謝你，衷 ...

你呢個外判入面既職員, 嚇下你咁解

破產唔係過度消費, 唔通係有幾千萬存款跟住同佢講話悶悶地, 海貓公園迪迪尼都玩過晒, 無野夠刺激, 玩破產

佢都傻既, 你聽佢講完你當佢精神分裂算了, 唔介意比埋精神科熱線佢打去

smallcat

cafe 發表於 24-4-2014 22:36
謝謝你，我本身係一個乖乖的人，冇諗過逃避啲咩，加上都要向太太囝囝負責任，我點都要頂住，真的謝謝你，衷 ...

放心啦, 呢D就係  成哥講既 無能力人既爭住做,  松哥講野 無德既人最危險

佢話你幾多就幾多?  你信佢一成都死, 你唔滿意去比官判佢仲驚過你, 因官係中立, 唔會唔比合理生活費你的

個官如果知佢刻意為難你  唔比合理生活費你 (你記下佢點恐嚇你 )  個官唔炳佢都傻   

flypig

佢話我破產原因係過度消費，但係要我書面解釋點解洗左咁多錢，重話我解釋唔到要咩b我，咩叫b我？，我好驚佢話唔接受我解釋，佢會唔會告我，真係好驚，佢又話查我呢樣又嗰樣，我心諗，佢嚇我係咪想我生活費炸，如果要告我，唔洗同我講埋咩生活費，要話幾時開錢扣錢添，重比埋四年年報表格同出入境張紙我。我真係好驚唔知邊度會出左問題比人告！究竟我而家個程序去到咩地步，我好擔心，請問有冇人幫到我，解答到我問題，唔該你地！

邊間殺手?
你月入幾多,借錢幾多? 係幾耐時間欠債大增
查你即係懷疑你資產轉移: 你覺得對方點解生疑?
結婚用左幾$$ ??? 生仔用左幾$$$ ??

除非你有資產轉移,外判告你唔入.不過要合作對方查數.
1 如果盤數有大問題,根本唔俾你破,你亦頒唔到令
2 外判無咩可以阻你.搞上法庭,佢唔制.
個職員玩下你,大下你,壓你一下生活費.

當佢話人地8K 都得,大家要明白,人地係人地,你係你.
破產每個個案都係獨立去傾生活費.有個人地,兩個女大過18歲,仲係外國讀U.
最令外判條氣唔順,係其中一個本來係香港,點知要去讀Y1屋企仲有賓賓.
點知法官一判,書照讀.賓賓留.的士費有 BUDGET

佢真係會同你上庭.那位職員老細D9佢LM 喇.

謝拉特

個個破產都系過度消費啦, 好多人都是用來賭錢輸左去, 咪又系照破, 只要來緊4年準時交報表和還錢, 不會加你監的

cafe

多謝晒各位嘅意見，真你多謝你地既回覆！

kumiko1030

8K喎，傻的！佢再嘈你你大佢一句，按照返最低的生活水平，綜援一家三口一個月最標準金額都有6.4K仲未計其他津貼，你問埋佢係咪好似社署咁俾埋D租金津貼，水費津貼你！租金津貼3個人都4040，水費都10.9，個細路如果係0-3歲仲有個幼兒中心費用津貼0-2有5810，2-3有4031就算大D的都有書簿學費津貼同埋小朋友飯錢津貼。你問佢係咪想我唔做野去拎綜援，你係咪仲同我傾我的生活費8000？你話我接受唔到你的安排，我唔打工喇XDDDDD 我拎最低生活水平的綜援都可能有10K一個月，你係咪連最基層的綜援生活都俾唔到我？如果係我去拎綜援喇，我去拎綜援你仲叫我要交還生活費，咁不如等官判係咪破產人仕連綜援人仕生活都唔可以？


對唔住我係較為寸咀同激進

flypig

kumiko1030 發表於 25-4-2014 16:41
8K喎，傻的！佢再嘈你你大佢一句，按照返最低的生活水平，綜援一家三口一個月最標準金額都有6.4K仲未計其他 ...

唔寸咀.

我可能會叫個外判想一下,大家不同意最後係點,駛唔駛法官判.
一拗兩野,下次佢會縮. 佢都係打份工.一陣法官判佢輸,佢老細唔見人工,錢亦無多到.
仲唔炳7佢?? 不過呢招係最後先用.

樓主記住,你OPPORTUNITY COST 細,無咩好輸.