本人非常非常頭疼想問問題........希望各位解答...

mixson

本人非常非常頭疼想問問題..
本人今年25

月入20000元,不過唔係AUTO PAY 出糧 ,現在總差財務270000-280000左右(連利息)

7月尾係XX會計樓簽了合約申請了IVA ... 全部手續費用: 總共25000 分5期, 每期5000 (交了2期)

但係今日開始睇到呢個討論區,見到好多ching話IVA同破產之後既分別其實係冇咩分別..(之後可能會買樓買車,銀行借錢方面)..依家好後悔...因為簽合約時會計師話IVA好過破產好多好多...(銀行借錢方面)(因為做左IVA申請不可以做DRP)


因為本人有打算同女朋友結婚(女朋友同是破產人)..


問題一: 如果破產期間是否不可能去working holiday?


問題二:IVA是否真的沒用? (本人不是公務員就算破產都不怕影響工作)


問題三: 破產會否影響保險(保險供了6年了,但完全不是本人銀行供,供款銀行是老豆的,但保險持有人是本人)


問題4:現在轉破產是否很傻?

問題5:如果我是IVA 我女朋友是破產會影響將來買樓嗎?

希望各位解答....

lulumason

首先你未報你每月生活費及点解要做iva 而照字面解你不需做iva及申破呀 這樣難同你分享 第2 你巳做iva 還想什麽申破 保險用你名去供破產就一定有影响 破產者如一筆過付錢買樓有何不能 按揭就難iva者都有一定難度

smallcat

iva 係好過破產少少, 唔係都無人做iva

但師兄以你既數, 其實唔使做iva, 應該搵銀行傾掂, 因你債務都係月菥十幾倍, 唔算少但亦未至於還唔到

不過, 唔做都做左, 依家後悔無用既, iva 點都好過破產既, 正面D去想, 會心情好D

mixson

lulumason 發表於 5-9-2013 21:00
首先你未報你每月生活費及点解要做iva 而照字面解你不需做iva及申破呀 這樣難同你分享 第2 你巳做iva 還想 ...

thanks! ching多謝你回答! 其實我點解咁想再做破產原因係今日有間行打比我,話佢可以幫我做到唔影響份保險之下可以幫我做破產...加上我今日睇左呢個討論區,十個有9個ching都話做左IVA之後最後都係要破產...我本身都想破產但最怕會影響份保險(因為份保險係我老豆係我18歲開始幫我供)我唔想浪費左佢既心血...
AND 我公司應該會係明年十月份會結業,我怕到時我搵唔返依家既收入..我又冇一技之長(我做左4年珍珠奶茶舖)
加上之前間IVA公司收錢就好理人,問佢野又好小答..我怕最後又整唔到收晒錢之後又要破產...佢幫我整到我人工得$7500(因為我同老細好熟佢肯幫我出公司信) 7年大約每個月供$4500 ,我又要比屋企家用大約一個月$6000,我怕呢份工冇得做之後搵果D都可能係10000~12000...我就諗7年好似好辛苦.....唉...成晚訓唔著..聽日仲要返早...真係好頭痛..好辛苦...今個月13號又要比第3期5000蚊IVA手續費....真係好難選擇..........help...

mixson

smallcat 發表於 5-9-2013 21:12
iva 係好過破產少少, 唔係都無人做iva

但師兄以你既數, 其實唔使做iva, 應該搵銀行傾掂, 因你債務都係月 ...

thanks! ching多謝你回答!

smallcat

咁如果你公司之後會結業, 那不穩定因素太多, 係可以考慮破產
其實iva 係有D搵老襯, 佢地主要係比D 唔破得產既人, 包括金融機構個D

smallcat

另間行話唔影響保險, 別百份百信, 之前攪間行都係話保險可以保留, 人壽儲蓄個份, 結果最後都係唔得

至於醫療, 如果你有病, 又有合理原因, 咁外判或主任可能會比你保留

所以, 保險呢樣野, 你要問得更詳細, 因為你要知道, 破左產後, 你既所有資產係交比主任或外判去跟, 佢地先係最終決定你份險可唔可以保留既人, 而不是幫你攪間行

所以, 師兄要注意呢一點, 問清楚多, 及最終決定權在主任或外判手上, 特別係外判, 佢地比較辣的

bb_q_888

我答比較認識題目;
問題二:IVA做左就算啦~不過唔你係要供幾期及幾錢個月?

問題三: 破產一定會影響保險,假若你想破...現在你有2個選擇.
一係CUT左佢(一般好似供滿7年先有錢攞),攞來供IVA.
二係轉返比老豆,但供款銀行是用誰人戶口?
你可能要証明,之前都唔係你供(唔係你錢)....因為破產係會沒收.

問題4:你計過供唔到,幾時都可以轉,但你應該唔想破,你有冇同家人/女友傾過?
無錢可以搵過,但你之前欠錢原因,你又有冇反省過?


問題5:用老豆名買,只要佢夠多積蓄應該都無問題,再立平安紙. (個人想法)

devilfish

IVA 最大分別係環聯記錄唔會花，生活費唔會有限，唔會唔去得旅行，用錢唔駛上報。
你要借錢買樓都冇咁大問題，老破後聽講好難會有銀行 so 你

你搵兩皮野爭 28 萬，仲有女友，我諗唔到點解你要老破