小弟申請破產之歷程

rangocheung · 发表于 31-3-2012 01:11:45

小弟剛岩加入了老破呢個大家庭.

首先同大家分享一下自己既經驗:

自己搞左間無限公司, 衰左單工傷無勞保, 比傷者追十幾萬賠償, 開始時同佢傾SETTLEMENT, 但佢大咬唔肯, 甘當然無錢比啦, 佢去勞工處度追, 我就拖字訣! 之後勞工處入紙法院告我, 甘就焗住上庭, 老爺當然判我輸, 念我初犯兩張傳票罰5K. 呢筆數硬食. 但經三姓搞, 問左佢, 工傷賠償屬民事訴訟, 可經BR一筆勾消, 甘就搞埋佢~ 甘當然仲有大筆街數, 就一次過搞左去唔駛煩.

年頭上三姓搞, $14500全包宴, 第1次放低2K, 律師問一大堆問題寫一大堆數目等, 半粒鐘搞掂走人. 律師教路, 即日CUT 晒全部銀行/ 馬會戶口, 費事入左紙後比銀行主動凍結戶口甘麻煩, 自己CUT 仲可以攞返些少錢. 過左3日再上三姓宣誓, 又係搞左半粒鐘, 佢將上次問我D 問題全部用電腦打好再PRINT出黎, 我睇過OK就簽名, 簽十幾個名, 比埋尾數又搞掂走得.

一入左紙即刻無晒收數佬D麻很煩既電話, 過左一個禮拜度收到三姓寄來既野, 包括我簽過名既文件副本, 仲有破產管理局比我既REF. NO., 再加上庭日期等. 當然唔小得既, 28頁既問卷… 睇到個頭即刻大晒… D 內容都好很煩下, 不過唔係好難填, 係煩囉, 仲要一大堆單據, 稅單, 糧單, MPF單,……. 九十幾萬樣單都要比副本出來, 好彩屋企有影印機, 唔係的話淨係影印都成舊水呢. 填呢份問卷足足用左我5粒鐘先搞掂, 真係搞足一晚…

然後就等上庭果日既結果, 我2:30 左右打去三姓問, 佢既職員用好唔肯定既語氣同我講:”如果無咩大問題都應該會OK”, 我心諗, 你唔好玩啦老闆, 呢D 叫答案咩? 答左我等於無答啦. 不過我都相信應該問題不大既, 我4:30 再打去三姓問, 今次另一個職員聽電話就好肯定甘答我: “你既申請已經成功了!!”, 我又心諗, 你好似講到我中左獎甘做咩呀? 不過都唔緊要, 最緊要就係搞掂左, 唔駛煩!!

rangocheung · 发表于 31-3-2012 01:12:21

之後我即刻約外判, 就約左2日後上佢度. 我一心諗住, 呢個外判係我以後要跟既人, 我係見面當日,早左大約10分鐘上去, 佢搞緊另一位BR人士, 好正常我就只有等架姐. 呢一等, 就等左我足1粒鐘!! 我頂佢個制, 你叫我呢個時間上黎, 應該晨早預左時間比我架啦, 仲要我等?? 玩咩? 好, 忍你, 到我入去, 把一把佢之下, 我發現呢條友根本唔係外判主任, 而係外判收文件人, 我問佢好幾個我比較關心既問題, 佢根本同我耍大極, 廢柴一條也. OK 算, 小事, 我問佢攞開戶口信, 佢就話, 你應該約信上面所提及果位人士, 甘我即刻明白晒, 之後4年我都係直接跟返破管局主任, 我一搞掂眼前呢條廢柴要交既文件, 一落樓就即刻約主任, 佢就要我帶銀行簿仔+糧單去搵佢, 約左之後1日先上去. (打個小插曲, 我搞掂文件一出來, 見到在我後面等緊廢柴既人足足有5個甘多, 真係估唔到老破都甘好生意!)

之後1日上到主任度, 佢只係我最最最近期1張糧單, 同銀行簿仔, 佢就二話不說即刻打信比我, 坐低都無15分鐘又搞掂. 臨走前我問左3個問題,
1, 幾時知我生活費有幾多? 佢答, 10日左右我會收到佢寄比我既信就會知. 都算快.
2, 我可唔可以買不含SAVING成份既人壽保險? 佢初時以為我指有SAVING成份既壽險, 反而係我解釋返市面上係有不含SAVING成份既人壽保險佢先知我問咩, 之後佢答, 1.保險既擁有人如果不是我的話, 2.我只係受保人, 3.保費亦不是我付出的話, 係可以購買不含SAVING成份既人壽保險!!! 我重申, 破產人士是可以購買不含SAVING成份既人壽保險!! 我再問佢我需不需要向佢地申報? 破管局主任回答, 是不用向破管局申報的!!
3. 我又問, 我可唔可以出境, 佢回答, 根據基本法, 香港居民擁有自由出入境既權利, 當然, 破產人士亦有義務通知破管局申報, 所以佢比左一張FORM 比我, 話出境超過1日我就要填FORM, 再FAX 比佢KEEP RECORD甘就可以出境超過1日.
然後, 我就走左了~

呢堆係小弟既小小分享, 我自己申請老破之前都有好多好大堆疑問, 都係黎左呢度老破討論區搵到答案, 所以我好願意分享一下小弟既經驗, 希望各位朋友可以參考一下啦~

各位老破既弟兄姐妹, 大家共勉之! 未有工作既努力搵工, 有工既其實仍然可以透過工作而搵到一條出路!! 破產並不是窮途末路, 唯有靠自己雙手, 自能打出一片天!!

dopod123 · 发表于 31-3-2012 03:40:18

希望你解除煩腦。從新開始:handshake。

清風 · 发表于 31-3-2012 08:15:58

多謝分享:handshake

roy · 发表于 31-3-2012 10:42:30

多謝你分享,有時間多D上來啦.

elevenbrother · 发表于 31-3-2012 12:24:37

3. 我又問, 我可唔可以出境, 佢回答, 根據基本法, 香港居民擁有自由出入境既權利, 當然, 破產人士亦有義務通知破管局申報, 所以佢比左一張FORM 比我, 話出境超過1日我就要填FORM, 再FAX 比佢KEEP RECORD甘就可以出境超過1日.

出境1日都要填FORM？當時我問主任佢話一兩日唔洗通知佢，更加吾知有form呢樣野。

301 · 发表于 31-3-2012 15:13:16

多謝分享.
大致上個個伸破大同小異,

離港須否呈報....:shutup:
係有灰色地帶且屬個別主任所需,
你報佢又做多少少野咯.;P

wahtung · 发表于 31-3-2012 16:15:33

有關離港要不要申報問題,真係每個主任及外判不同標準,我外判同我傾生活費時都有講如去强國一兩日係不必申報的,真係無一定標準
但其實現時好多人工作上都時常有中港兩地走(帶客睇廠,睇生產睇貨經常有的),根本呢啲呈報都不合時宜的{:4_178:}

lulumason · 发表于 31-3-2012 17:41:02

我外判都係咁話但如去得太耐比說三五七日即係話旅行咁又唔同佢関心嘅係边个比錢

someone1780 · 发表于 1-4-2012 16:14:59

我返上去一日都要通知佢....到時去旅行都唔知佢會唔會打去查幫我比錢條友:lol

mickey7100 · 发表于 3-4-2012 12:46:07

我外判就話除非去旅行,即超過4-5日先需要通知佢地,普通一、二日就唔需要{:4_208:}

smallcat · 发表于 5-4-2012 23:29:03

:sleepy: 沙石店出任何境都要先 fax! 唔係責任自負 :sleepy:

smallcat · 发表于 5-4-2012 23:29:39

主任跟真係好 :sleepy:

smallcat · 发表于 5-4-2012 23:30:46

本帖最后由 smallcat 于 5-4-2012 23:31 编辑

好多野要fax 出境前要fax 糧單要fax 有乜轉變要fax 多幾條毛先唔使fax:sleepy:

ranger · 发表于 6-4-2012 19:49:59

甩毛又駛唔駛fax??

elevenbrother · 发表于 6-4-2012 21:03:46

乜野係沙石店？

wahtung · 发表于 7-4-2012 14:54:19

elevenbrother 发表于 6-4-2012 21:03
乜野係沙石店？

外判殺手,啊石仔:Q

smallcat · 发表于 7-4-2012 15:32:35

wahtung 发表于 7-4-2012 14:54
外判殺手,啊石仔

:lol 華兄真醒 :lol:handshake

smallcat · 发表于 7-4-2012 15:33:17

ranger 发表于 6-4-2012 19:49
甩毛又駛唔駛fax??

甩毛唔使, 其它要 :lol

wahtung · 发表于 7-4-2012 15:53:14

smallcat 发表于 7-4-2012 15:33
甩毛唔使, 其它要

貓兄現時即要月報:o

		自动登录	找回密码
密码			註冊

小弟申請破產之歷程

评分

评分