本帖最后由 smallcat 于 18-1-2012 11:53 编辑
:lol 終於去左債權人會議 現簡單說明一下比將來有機會去既師兄師姐有個心理準備
會議前
只需要早5分鐘到已經好足夠, 太早去都係要等, 其實好易搵, 去到政府大樓中間既位置, 有自動電梯, 長長又黑黑地咁, 就衝喇, 真係幾長, 無估錯都有3層樓咁, 上到去頂就會見到有個大堂, 咁去翻左邊就係上10樓既lift! 到左10樓有兩邊, 好簡單, 唔係主任做野個邊, 係去詢問處個邊, 直接問個詢問處職員佢會叫你搵個位坐, 等夠鐘有人叫名! 基本上個邊係唔夠位坐既, 不過, 都無所謂, 在等途中會見到有D類似顧問既男女,會教D人點攪, 大家唔使理當睇下戲咁得喇!
到夠鐘, 會有個職員叫名, 基本上叫左好似10個名, 但有一半人係無出現:lol, ok喇, 有名就跟職員去翻另一邊, 即係主任工作個邊會有個會議室, 入去會望到有主任坐, 有外判職員坐, 房間唔係好大, 咁D師兄師姐大家就坐在一排既椅上, 自己揀個靚位, 等聽主任講野!
主任發言: 基本上係話呢個會議係債權人要求, 同埋會判比XXX律師樓做, 同埋講以後有野搵就搵外判, 主任自己唔會跟的了! 好喇, 主任會每個人叫名, 叫到你就出去主任那張台前面坐下, 主任會話比你聽, 係XX銀行 及 XX銀行要求開債權人會議 (我見D師兄師姐都係比兩間銀行同時出信要求會議 - 好大隻lion呀, 好大個兜呀咁大家知邊兩間, 仲有第3間星星:P), 有佢地銀行既信, 信下面有銀行負責寫信人既名, 如果D師兄要搵情人, 咁好記性就記住佢個名同電話喇, 哈哈, 不過, 佢都係幫銀行做野姐, 封信係唔會比你, 只係比你望下, 好喇, 無問題就簽個大名代表你出席左呢個會議!
外判
見完主任回坐位等外判叫名,叫名就去外判台前坐下,會有文件比你簽,３份,同解釋下入面文件既野,當中有份係你有額外收入就唔該交翻晒出來:shutup: 同埋,如果申請左同用左六千蚊, 都係同你講要交翻出來, 文件例明左邊條條例;P, 太詳細唔寫喇, 另外就係問翻你Ｄ資料，職員會一邊問, 一邊tick－tick左就係你下次見外判要帶既文件, 大概一個月後就會通知你上去外判處傾生活費,簽左文件就走得要幾耐睇你係排先定排後,一般一個人都要20分鐘左右, 加埋等下真係要45分鐘.
給跟了主任而未過３個月的師兄師姐 （根據dop123師兄資料,多過３個月都有機會,但依家貌似係唔係都會出信等你開心下,時間可能快過以前,記得以前睇過網上文章由一律師樓職員寫,係資產較多既人先會開,但依家感覺唔係,總之你有少少錢或無乜錢還都走唔到）
在現場所見, 大部份師兄師姐都衰在lion同大兜既兵器下, 所以, 如果師兄師姐在頒令後跟左主任, 而欠左lion,大兜既人情既話, 咁真係要有少少心理準備佢會幫你開個靚靚債權人會議幫你沖下喜:$ 同埋如果單身既師兄師姐自問人工高過１皮,相信都準備定車錢去金鐘都要的了(星記,痕記,花記都有機會wor 小心小心)！（聽dopod123師兄講, 就算人工唔高都有機會, 哈哈, 咁我就唔知了, 就以我來說, 我只係個在 ＂華兄＂樓下賣下魚蛋牛肺雞蛋仔既小哥:P, 收入只夠糊口, 突然間感覺自己變左唐僧, 真係 high high 地:lol）
六合彩揭曉
:sleepy: 講左咁耐, 大家都想知我中唔中頭獎, 當然係六合彩就無得中, 中到應應棍就有, 因為lion同大兜對各位欠佢人情既師兄師姐都會好好服侍, 送禮送藍罐曲奇, 外判當然係要有體面,:victory: 各位要有心理準備, 如果中左lion同大兜既箭,會有份大禮回敬比你 :lol就係史上最強外判 沙＋石 :'( ＜－－喜極而泣
特別嗚謝以下師兄在出發前等我有心理準備:loveliness:（排名不分先後）：
小林林:handshake, lulumason:handshake, macauranger:handshake, bbq_888:handshake, 華兄:handshake......等
dopod123:handshake (有關債權人會議可能在３個月後會發生）
３０１板主:handshake（有關邊幾間債權人最常見會要求開債權人會議－
資料非常準確, 匯，渣，星，花）
|
狗仔卡
发表于 17-1-2012 23:20:18
提升卡
置頂卡
沉默卡
喧囂卡
變色卡
顯身卡
发表于 18-1-2012 00:39:36
