有關填寫初步訊問問卷的問題

JanJan · 发表于 27-12-2011 11:48:57

各位好，有事很煩想請教各位：

我爸爸因做小生意失敗,欠下舖租及信用卡數廿多萬元申請破產。到最近收到一份叫"初步訊問問卷"的表格, 呢份問卷有個問題係問我爸爸是否自僱人士, 若填 "是", 要交三年報表。但我爸爸其實是一個很亂的人, 他做生意以來, 從無任何記錄, 只知收入根本不夠交租。而當其時, 佢係用佢自己個名租舖, 但係用親戚既商業登記。

想問下, 可否填 "唔係自僱人士" , 因佢真係交唔出任何資料。若見破產處的律師時, 佢會唔會問點解咁奇怪, 佢租舖, 做生意果個唔係佢? 若我地答, 佢租舖, 親戚做生意, 咁會唔會連累個親戚俾人追還債嫁？

另外，之前我找了某大律師行幫佢搞破產, 但佢話唔會就填寫問卷俾意見。咁我地收到有d 顧問公司話可以幫我地填表, 收1,500蚊話跟4年果D, 呢D公司又幫唔幫到手呢？

我真係就黎俾我爸爸激死, 咁樣做人都得, 管又管唔到佢, 但見到佢搞到咁既地步, 唔幫又好似太不孝..唉。謝謝各位的意見。萬分感激。

smallcat · 发表于 27-12-2011 12:59:23

jan jan兄, 你既律師咁架, 攪破產都唔比少少意見! 個D 顧問係有D幫助, 但值唔值就見仁見智, 1500蚊4年其實無乜野做, 不過, 你既case 我建議你不如睇下有無區議員係律師, 睇下可唔可以免費詢問到, 咁就可以慳翻, 各大政黨都有律師區議員, 唔知得唔得喇!

smallcat · 发表于 27-12-2011 13:07:57

你爸爸係自顧人士, 咁就照填咯, 3年報表唔緊要, 最重要係條數根本就係虧錢, 而親戚名登記, 咁睇你地想點做, 不過, 我都唔建議你拖親戚落水, 始終老破係你爸爸, 唔係你親戚, 但你親戚又會咁奇怪開個商業登記, 但又唔係佢自己做, 好攪笑! :handshake;P

smallcat · 发表于 27-12-2011 13:11:51

本帖最后由 smallcat 于 27-12-2011 13:15 编辑

若我地答, 佢租舖, 親戚做生意, 咁會唔會連累個親戚俾人追還債嫁？ <---呢個問題要睇你做生意時係點做, 但商業登記係你親戚, 都會有D麻煩,
法例上商業登記係那個人擁有間公司, 所以, 你最好真係問律師, 先會知道點去拆解個問題 :handshake

追唔追你親戚, 係睇你爸點攪個D生意, 比如, 你爸可以以私人名義去租地方, 咁人地當然會追你爸
但如你爸私人名義但人地又知你公司名, 咁當然亦有權追你親戚喇

所以, 你既問題基本上好難答, 因為你既資料唔夠詳細:shutup:

JanJan · 发表于 27-12-2011 23:18:19

唔該晒你. 我其實都唔係係好知我阿爸 , 之前搞生意D細節 (因之前佢根本不會理我地意見). 佢都好"懞"下, 自己都唔清唔楚. 但知道係佢私人名義租地方的. 個排頭就掛人地個公司名咁. 所以我頭都痛埋.

smallcat · 发表于 27-12-2011 23:26:39

JanJan 发表于 27-12-2011 23:18
唔該晒你. 我其實都唔係係好知我阿爸 , 之前搞生意D細節 (因之前佢根本不會理我地意見). 佢都好"懞"下, 自 ...

如果你爸租地方, 來做生意, 睇你爸點攪, 如果佢打工又做生意, 自己做生意D租又交齊, 同欠錢破產個邊無乜關係, 咁填唔填自顧人士睇你爸點選擇, 但如果你爸租地方, 交唔到租, 又因生意欠錢, 好難唔寫自顧人士, 佢唔寫如果查到仲煩, 寫只係無辦法之中辦法, 只要你爸唔係轉移資產, 都無問題既, 做生意失敗, 破產, 唔會被人告的 :handshake:lol

JanJan · 发表于 27-12-2011 23:35:17

謝謝。

301 · 发表于 28-12-2011 12:47:59

既係"係用親戚既商業登記。"就更易話為啦.:victory:
:lol

"初步訊問問卷" 似難實易,
唔好被嚇倒,:dizzy:
絕大部分人都無生意紀錄啦....來備用申破 !

"顧問公司"係商業化賺錢為目的,
唔值光顧.:curse:

"問卷"唔識填或有疑問,
漏空至交收文件時,
該文員一定教你填妥俾佢收貨,
勿擔心.:handshake

dopod123 · 发表于 28-12-2011 15:31:51

有啲唔明?你爸爸是現在申破?還是已呈請中?

因我見你話條總數20幾萬.請問鋪租每月幾錢?佔20幾萬幾多?卡數共幾多?

自己租鋪用別的BR(但是否有限公司?),可視為該公司的分判商(自僱人仕),但又冇可能冇公司户口出入數記錄

佢自己做了幾耐生意?

smallcat · 发表于 28-12-2011 15:41:49

本帖最后由 smallcat 于 28-12-2011 15:42 编辑

dopod123 发表于 28-12-2011 15:31
有啲唔明?你爸爸是現在申破?還是已呈請中?

因我見你話條總數20幾萬.請問鋪租每月幾錢?佔20幾萬幾多?卡數共 ...

我睇佢應該唔係有限公司係sole proprietorship {:1_1:}
sole proprietorship BR持有者要上身的

dopod123 · 发表于 28-12-2011 15:50:00

smallcat 发表于 28-12-2011 15:41
我睇佢應該唔係有限公司係sole proprietorship
sole proprietorship BR持有者要上身的
...

唔知佢條數點計.但睇上去應該未必一定要申破

smallcat · 发表于 28-12-2011 15:54:50

dopod123 发表于 28-12-2011 15:50
唔知佢條數點計.但睇上去應該未必一定要申破

但樓主其實都唔知佢阿爸條數同攪緊乜, 所以, 好難答佢既問題 :handshake:L

JanJan · 发表于 28-12-2011 23:21:40

dopod123 发表于 28-12-2011 15:31
有啲唔明?你爸爸是現在申破?還是已呈請中?

因我見你話條總數20幾萬.請問鋪租每月幾錢?佔20幾萬幾多?卡數共 ...

呈請中.
卡數約8萬到. 舖租十幾萬到

JanJan · 发表于 28-12-2011 23:23:58

dopod123 发表于 28-12-2011 15:31
有啲唔明?你爸爸是現在申破?還是已呈請中?

因我見你話條總數20幾萬.請問鋪租每月幾錢?佔20幾萬幾多?卡數共 ...

應該係有限公司. 不過我唔係100%肯定.
3幾年到.

JanJan · 发表于 28-12-2011 23:27:06

dopod123 发表于 28-12-2011 15:50
唔知佢條數點計.但睇上去應該未必一定要申破

但已呈請. 而之前話佢資不抵債就可以申破. 因我爸已頗大年紀, 現在只做散工. 今個月有工開, 下個月都未必有.

JanJan · 发表于 28-12-2011 23:29:46

smallcat 发表于 28-12-2011 15:54
但樓主其實都唔知佢阿爸條數同攪緊乜, 所以, 好難答佢既問題

所以我都覺得好鬼煩.

JanJan · 发表于 28-12-2011 23:35:11

我有諗過佢一路還唔到錢, 若果又申請唔到破產 (因佢交唔到資料). 一路俾人追債. 咁拖多3年, 到時真係寫打3年散工, 或者分分鐘係失業3年. 咁先破到產.

dopod123 · 发表于 28-12-2011 23:40:29

JanJan 发表于 28-12-2011 23:21
呈請中.
卡數約8萬到. 舖租十幾萬到

鋪租你地是否將欠的租金加乘下租約期計算出來？

卡數8萬多是否沒有辨法？

因我見總數不大如果可以不用申破會好一點說真的律師費都萬幾

欠租如果業主要追因十幾萬佢要上高院告你爸爸才可排個快期都一年半載，

還有要追剩餘租約租金是要該幾個月都吉鋪冇再租出才可全數計否則不可

除非業主已排期告你，否則佢成本好貴，正常唔會告你爸爸的

至於欠租如低於5萬可向小額庭追，那就可能要清還，但你租時應有按金即業主只可收回有限，

如業主真的入高院告那由他吧最好等業主申請你爸爸破產，律師費都唔洗比。

dopod123 · 发表于 28-12-2011 23:49:36

JanJan 发表于 28-12-2011 23:23
應該係有限公司. 不過我唔係100%肯定.
3幾年到.

有限公司雖不會另你親戚在金錢上上身但就要証明你爸爸是該公司的分判商（假自顧）

但你爸爸毎月的支出收入一定要有，如冇就變出來，除非該公司每月或不定期有一定數入到你爸爸戶口。

我想你爸爸有數的，只是沒有正式做數（會計師）的。

乜數都冇前幾年怎樣報稅？

dopod123 · 发表于 28-12-2011 23:55:45

JanJan 发表于 28-12-2011 23:27
但已呈請. 而之前話佢資不抵債就可以申破. 因我爸已頗大年紀, 現在只做散工. 今個月有工開, 下個月都未 ...

咭數比較重點，你們一家人要想想可否合力了

未判還可取消。

當然如你們無力清還去申破並無不可，只因單看你說的表面申破冇問但要交數可能有問題

		自动登录	找回密码
密码			註冊