好驚呀~~~ 有關手提, 上網, 收費電視合約問題.

Poey

唔好意思, 雖然我都煲晒D FAQ, 同精華, 但有其他問題仍唔係好明, 煩請指點~ 十萬個感激~ {:4_207:}

我有2張SIM咭痴埋同一個手提戶口, 兩張SIM都有合約, 但兩張SIM個號碼我都唔可以轉. (一張SIM係朋友聯絡, 另一張係搵工聯絡). 成個戶口每個月要$5xx(因為有張SIM有無限上網), 我知破產後一定唔會批成$5xx電話費.

1) 有咩辦法可以合法, 但破產後仍可用到兩個號碼? :victory:

2) 若破產前比錢轉名比朋友, 呢個動作是否合法?

3) 但轉左比朋友後, 咁我以後每個月既月結單咪唔係自己個名, 而係朋友個名囉, 咁去到申請每個月合理開支時, 我咪冇月結單比主任/外判囉~ 咁咪連可能有既每個月用$200都冇埋? 定係外判唔駛要求電話費單?

4) 可唔可以話朋友借張SIM我用, 但我每個月要象徵式比返$200比朋友, 所以冇單? {:4_178:}

5) 若係唔係都要毁約, 要賠合約費, 咁要毁約先? 定係申請左破產先?

6) 若申請左破產先, 咁等到主任/外判唔肯批我$5xx電話費時, 佢會唔會迫我停某一個號碼, 甚至停晒2個號碼? 定係迫我轉台(有合約轉唔到台個噃)? {:4_185:}

7) 會迫的話, 咁佢到時會唔會先替我將賠償合約費加埋落破產條大數度?

另外, 我有Netvigator & Now TV 都有合約. 我既月結單一向好奇怪,
Netvigator 張單會係上網費$190 + 其中一個台$18 = $208.
而另一張 Now TV 張單就有另一個台 $25.
我兩個台都唔cut得, 因為**** 唔可以比同屋主知道我破產 **** . 同屋主不嬲同我share呢兩張單. 而問過 Netvigator & Now TV, 佢地都唔可以一齊/分別做轉名手續.

8) 有咩辦法可以合法地用繼續用到那 $18 + $25 的台? :victory:

10) 定係可以唔駛報 $25 的Now TV? 唔報會唔會犯法? {:4_182:}

11) 咁 Netvigator 張單點算? 可唔可以唔比張單比主任/外判睇? 就咁申請$190上網費, 咁咪唔駛煩那$18囉. {:4_178:}

12) 若主任/外判一定要睇單, 佢實見到Netvigator那 $18. 佢唔批合理開支那 $18 唔緊要, 但佢會唔會因此迫我停左$18個台, 而賠合約費架? {:4_183:}

13) 就算我說服到/求其搵個理由和同屋主講我唔鐘意睇 $18 個台, 所以要cut 左佢. 但若响Netvigator毁約玩野, 我死梗個噃, 因為呢度村屋, 我地只係收到Netvigator, 其他 ISP 全部都上唔到網架. 咁搞法, 若我cut左$18個台, 咪隨時搞到 Netvigator blacklist左我. 咁我地全屋以後咪上唔到網囉 ?  {:4_184:}

麻煩晒各路高手/英雄呀~~

nokia

唔明樓主煩乜{:4_182:}

你唔報呢啲嘢作為生活費咪得囉{:4_208:}

smallcat

師兄, 我見其它師兄同板主唔在, 我幫忙頂住先, 有錯其它師兄指正::lol

唔想成日頭耷耷 入嚟一齊隨口噏 老温金句一系列 句句都可當秘笈唔好意思, 雖然我都煲晒D FAQ, 同精華, 但有其他問題仍唔係好明, 煩請指點~ 十萬個感激~

我有2張SIM咭痴埋同一個手提戶口, 兩張SIM都有合約, 但兩張SIM個號碼我都唔可以轉. (一張SIM係朋友聯絡, 另一張係搵工聯絡). 成個戶口每個月要$5xx(因為有張SIM有無限上網), 我知破產後一定唔會批成$5xx電話費.

1) 有咩辦法可以合法, 但破產後仍可用到兩個號碼?
老破後, 你係可以繼續用你兩個手機號, 只係主任同外判一定唔會批你咁高既手機費, 你預200左右, 其餘自己食 (即係報翻一個號碼大概$200既手機費就OK! )

2) 若破產前比錢轉名比朋友, 呢個動作是否合法?
理論上係可以, 因為唔算重要資產, 但主任外判唔會批你$500呢個數咁解

3) 但轉左比朋友後, 咁我以後每個月既月結單咪唔係自己個名, 而係朋友個名囉, 咁去到申請每個月合理開支時, 我咪冇月結單比主任/外判囉~ 咁咪連可能有既每個月用$200都冇埋? 定係外判唔駛要求電話費單?
唔係, 你唔係全部轉晒, 你有兩個號, 一個號報翻上去, 比如你一個號用$300, 批你可能批$200, 但無話因為批你$200而要你取消, 無咁既事

4) 可唔可以話朋友借張SIM我用, 但我每個月要象徵式比返$200比朋友, 所以冇單?
呢樣唔會理你, 一般批你$200, 你做乜唔關佢地事

5) 若係唔係都要毁約, 要賠合約費, 咁要毁約先? 定係申請左破產先?  唔係毀約, 只要你唔係信用卡找數 (因為你信用卡已經唔可以用來轉帳), 咁比現金係可以, 唔算犯法, 因為比現金可以你家人幫你代比

6) 若申請左破產先, 咁等到主任/外判唔肯批我$5xx電話費時, 佢會唔會迫我停某一個號碼, 甚至停晒2個號碼? 定係迫我轉台(有合約轉唔到台個噃)?  你報翻一個上去, 無人叫你報晒2個號, 報晒當係會叫你取消一個, 佢地唔會同意你用咁多在手機費上

7) 會迫的話, 咁佢到時會唔會先替我將賠償合約費加埋落破產條大數度?
唔會理你合約, 合約你自己要理掂, 斷既係你既問題, 主任同外判唔會理你

另外, 我有Netvigator & Now TV 都有合約. 我既月結單一向好奇怪,
Netvigator 張單會係上網費$190 + 其中一個台$18 = $208.
而另一張 Now TV 張單就有另一個台 $25.
我兩個台都唔cut得, 因為**** 唔可以比同屋主知道我破產 **** . 同屋主不嬲同我share呢兩張單. 而問過 Netvigator & Now TV, 佢地都唔可以一齊/分別做轉名手續.
其實netvigtor+now都係上網plan, 大部份netvigator仔既客都係咁局住用, 所以, 唔使驚, 照報上網費$230

8) 有咩辦法可以合法地用繼續用到那 $18 + $25 的台?
唔使理咁細既野, 你照報上去(上網費) 就可以

10) 定係可以唔駛報 $25 的Now TV? 唔報會唔會犯法? 呢種係連鎖式綑綁, 唔代表係用now

11) 咁 Netvigator 張單點算? 可唔可以唔比張單比主任/外判睇? 就咁申請$190上網費, 咁咪唔駛煩那$18囉.照報$230   

12) 若主任/外判一定要睇單, 佢實見到Netvigator那 $18. 佢唔批合理開支那 $18 唔緊要, 但佢會唔會因此迫我停左$18個台, 而賠合約費架?  唔會, 因為係綑綁, 最多你退翻個now比pccw 基本個少少唔會係問題

13) 就算我說服到/求其搵個理由和同屋主講我唔鐘意睇 $18 個台, 所以要cut 左佢. 但若响Netvigator毁約玩野, 我死梗個噃, 因為呢度村屋, 我地只係收到Netvigator, 其他 ISP 全部都上唔到網架. 咁搞法, 若我cut左$18個台, 咪隨時搞到 Netvigator blacklist左我. 咁我地全屋以後咪上唔到網囉 ?  無事既:handshake:loveliness:

麻煩晒各路高手/英雄呀~~

smallcat

我都用緊netvigator  單都有now少少既數, 其實我都無用now, 呢樣係pccw既綑綁銷售, 想你用多D now, 先比個now機你, 但好多人好似我同你咁唔會, 只有最基本新聞台, 其它全部無, 咁最多係扣翻你個十元八塊, 唔會咁叫你取消, 佢地都無咁得問理你D小數, 最主要係D大數, 同D數合理, 即係老破人士, 唔應該有好享受, 比如, 手機費, $200左右, 上網費$230左右, 有線你就唔使指意會批, 所以, 有都唔使報 ;P

cc4321

其實好簡單,唔想CUT果d數自己哽左佢,即係唔報入生活費度,你就算轉其他人名都係要你比錢,唯有自己硬食左佢,無計喇 {:4_180:}

smallcat

cc4321 发表于 5-11-2011 23:20
其實好簡單,唔想CUT果d數自己哽左佢,即係唔報入生活費度,你就算轉其他人名都係要你比錢,唯有自己硬食左佢, ...

無錯, :lol

温sir

smallcat 发表于 5-11-2011 23:09
師兄, 我見其它師兄同板主唔在, 我幫忙頂住先, 有錯其它師兄指正:

唔想成日頭耷耷 入嚟一齊隨口噏 老 ...

{:4_191:}貓仔解釋得好清楚！唔該哂{:4_178:}！....似乎可以做版主喎{:6_368:}

其實樓主嘅担心，同大部份新加入嘅人一樣。寫咁多字，其實答案好簡單。
電話費、上網費等，帶埋單去照報支出，佢要Cut時，你就"誠懇"啲解釋比佢聽，求吓佢手下留財........
真係傾唔掂，你咪自己搞掂囉。
記住！佢哋只可以Cut你嘅生活費，絕對唔可以Cut你嘅生活！{老温金句}{:4_186:}

smallcat

温sir 发表于 6-11-2011 10:48
貓仔解釋得好清楚！唔該哂！....似乎可以做版主喎

其實樓主嘅担心，同大部 ...

;P 溫sir, 我未夠資格, 但代答住先可以, 因為一般師兄都心急想知, 頂住先係可以的
最後個關指正當然留翻比各板主同資深既師兄 :handshake:D

dopod123

最簡單方法,全部照報,佢cut你先艋

上網及電話費一定批比你

wahtung

樓主咪照報囉，上網費及家用電話實批，至於手機兩張sim咭咪報一張囉，其餘果張咪自己搞掂去囉，有乜咁驚啫:o，我都有幾張手機太空咭啦（不過無合約咁解之嘛;P）放心啦{:1_1:}

dopod123

wahtung 发表于 6-11-2011 17:02
樓主咪照報囉，上網費及家用電話實批，至於手機兩張sim咭咪報一張囉，其餘果張咪自己搞掂去囉，有乜咁驚啫: ...

太空咭仲有咩

wahtung

dopod123 发表于 6-11-2011 17:08
太空咭仲有咩

果啲儲值咭囉,好駛好用,關電話後開番電話仲有失call提示,其實而家香港好多人用架(當然係啲較用量少啲人啦)又唔使受合約約束,不過就唔係咁啱我哋啲老破人士用:lol

smallcat

noeyec 发表于 6-11-2011 23:22
你地比較e+幸福,我07年申破時上網費唔批(個師爺話),理由係上網不是必需品,
但手提電話實批(理由手提果時普 ...

07年上網都唔叫普及, 你叫佢食X 啦 ;P
X =糖  我無鬧佢呀, 哈哈:lol

smallcat

noeyec 发表于 6-11-2011 23:22
你地比較e+幸福,我07年申破時上網費唔批(個師爺話),理由係上網不是必需品,
但手提電話實批(理由手提果時普 ...

個D人真係 X 街 :lol

smallcat

上網唔算普及, 最多都只係講應該係 2003年之前     2003年基本已經開始普及, 07年更加係好多人已需要上網, 07年都叫唔普及, 咁叫個師爺屋企唔好上網咯 :@:curse:

Poey

nokia 发表于 5-11-2011 22:42
唔明樓主煩乜

你唔報呢啲嘢作為生活費咪得囉

可以唔報當然冇所謂啦. 只係我怕我明明有手提No. , 但又唔報, 個主任會唔會覺得我好古怪啫...

Poey

smallcat 发表于 5-11-2011 23:09
師兄, 我見其它師兄同板主唔在, 我幫忙頂住先, 有錯其它師兄指正:

唔想成日頭耷耷 入嚟一齊隨口噏 老 ...

真係唔該晒小貓貓呀~

你真係好有心機呀~ 多謝晒你呀~{:4_192:}

Poey

温sir 发表于 6-11-2011 10:48
貓仔解釋得好清楚！唔該哂！....似乎可以做版主喎

其實樓主嘅担心，同大部 ...

我仲未搵律師, 諗住呢幾日搵喇. 但搵之前想做定晒功課先.

高手果然高手, 一睇就知我新人. 你真係好勁呀~~{:2_135:}

原來真係我諗多左, 我以為佢會強迫你cut你D野, 原來答案係咁簡單, 等我仲因此引伸左咁多問題出黎, 之後苦惱同驚左咁耐~~~  {:4_193:}

好啦! 咁我唔轉名喇, 批就批, 唔批就算, 總之唔好cut我D野就冇所謂啦~ {:4_208:}

小貓貓真係好人, 真係咁有心機答我D無聊問題~ 多謝晒佢呀!  {:4_186:}

好彩仲有呢度有D支援, 否則都唔知點算.... 曾經因為要破, 仲諗過死 {:4_198:}, 因為我做開的行頭若一破, 我呢世都唔駛撈返那一行, 即係之前努力過既咁多年經驗、人工要通通白費, 轉行要由頭黎過, 由搵返幾千蚊開始, 所以接受唔到..... 唉... 加上窮到嘔, 又被追數煩, 想逃避問題又逃唔到, 想解決又好似解決唔到....

Anyway, 真係多謝溫SIR你整個咁既forum出黎, 做福萬民, 救人於水深火熱之中. {:4_192:}

Poey

noeyec 发表于 6-11-2011 23:22
你地比較e+幸福,我07年申破時上網費唔批(個師爺話),理由係上網不是必需品,
但手提電話實批(理由手提果時普 ...

咁你又真係灰左D ~