與家人同住可否報租金

lpk412 · 发表于 20-3-2011 15:43:34

我同家人住,間係係媽咪既
其實每月都有比開3000 家用,不過冇報係生活費度
請問我可唔可以報返比3000租金比媽咪既呢?
另外.水電媒差餉等收費可唔可以用屋企既帳單去平分返
我媽係低收入人士,底薪得6200 蚊,但佢日日都係咁ot,連星期六日都做埋先有7000幾蚊
如果外判要我提交媽咪既糧單會唔會將個ot 錢當埋係佢收入咁睇?

cc4321 · 发表于 20-3-2011 16:10:02

如果家庭成員有收入,家庭開支係平均攤分,你都破左年幾,家用點解唔報係生活費度?而家先報我諗你有排解畫

lpk412 · 发表于 20-3-2011 16:50:08

本帖最後由 lpk412 於 2011-3-20 17:05 編輯

因為一直唔知可以報家用,
我既外判同我講過我媽咪有做野,佢可以自己照顧到自己所以唔會批我家用,
所以而家想知d 家用可唔可以係屋租咁報~
其實係樣樣都係支出,不過樣樣都唔報得
細佬20 歲做埋d 散工又要養,
大陸既婆婆又要養不過佢係拎大陸身份證,又唔報得,
今年年頭又中風,醫藥費比左唔小,但又唔可以報要照顧佢,跟本冇d 咩可以證明-,-
另外而家佢無啦啦因為我轉左分工低人工d 工而減左我生活費,
我想睇下可唔可以一次過重批返,有需要既話我會直接向破署申請由法官批
有冇人試過申請由法官批生活費呢?
要點申請

beleba · 发表于 21-3-2011 11:36:06

因為一直唔知可以報家用,
我既外判同我講過我媽咪有做野,佢可以自己照顧到自己所以唔會批我家用,
所以而家想知d 家用可唔可以係屋租咁報~
其實係樣樣都係支出,不過樣樣都唔報得
細佬20 歲做埋d 散工又要養,
大陸既婆 ...
lpk412 發表於 2011-3-20 16:50

你想報開支有太多令外判可以不批理由,
1, 你母親在職, 家庭開支需共同分坦, 家用佢批極有限
2, 你與家人同住, 物業屬於你母親, 你想報屋租, 既無租約又冇租單, 你估外判批唔批 ?
3, 你細佬巳過18歲, 是成年人, 你估外判又批唔批你耍養佢, (徐非佢傷殘, 弱智)
4, 養你大陸個阿婆, 更加荒謬, 批你個外判都有問題
你巳老破年多, 踏踏實實捱埋佢算啦
連你自己都覺得有問題, 唔好攪啦

lpk412 · 发表于 21-3-2011 14:51:20

我都知個d 開支係唔報得,
所以我一直都冇報過,不過呢d 都真係我每個月要比既支出黎,
macauranger 如果你覺得回覆左係晒你時間既你可以睇下就算,唔駛咁講野的
我只不過想睇下有冇人可以比d 意見姐

bb_q_888 · 发表于 21-3-2011 16:45:23

你想報開支有太多令外判可以不批理由,
1, 你母親在職, 家庭開支需共同分坦, 家用佢批極有限
2, 你與家人同住, 物業屬於你母親, 你想報屋租, 既無租約又冇租單, 你估外判批唔批 ?
3, 你細佬巳過18歲, 是成年人, 你估 ...
beleba 發表於 2011-3-21 11:36

beleba 我覺得好有道理,只有2..... 有得試下傾.

因為之前有會員講過,與家人同住, 物業屬於其家人....
但家人說不給租.....請佢搬.
結果.....批左少少租比佢.

因為佢家人話點可以白住?現在大廈要定時維修,錢從何來?

唔批你咪搬.

diyhard2002 · 发表于 21-3-2011 17:21:15

6# lpk412
我覺得屋租系可以share,如果吾比報,搬出去啦,比租包租婆好過

beleba · 发表于 21-3-2011 18:19:18

beleba 我覺得好有道理,只有2..... 有得試下傾.

因為之前有會員講過,與家人同住, 物業屬於其家人....
但家人說不給租.....請佢搬.
結果.....批左少少租比佢.

因為佢家人話點可以白住?現在大廈要定時維修,錢從何來 ...
bb_q_888 發表於 2011-3-21 16:45

最幣樓主一開始無擺呢條數落開支度, 過咗年幾住嘅地址無變, 突然話要俾租, 如果你真係耍交租俾阿媽, 佢質疑你之前点樣生活
要你逐條數列俾佢睇.
可从試, 但最好只去到外判度, 不耍鬧上法庭, 否則餘下日子會好難過.
這祇是我個人意見, 僅供參考

bb_q_888 · 发表于 21-3-2011 21:24:17

10# beleba

你都講得岩,呢個可能係佢失策之處.

但佢之前入不敷支.....根本無錢出數.就算上寫去都唔會批.

diyhard2002 · 发表于 22-3-2011 22:52:54

10# beleba
以前亞媽話吾使比,依家亞媽話無錢,吾比叫搬~~~你話如果真系有甘既情況,又應該點處理呢?????

bb_q_888 · 发表于 23-3-2011 08:47:28

本帖最後由 bb_q_888 於 2011-3-23 09:05 編輯

12# diyhard2002
你既說話,令我諗起父親.....

有幾年我沒有收入,我老父默默支持頭家....直至我們找到足夠收入.
於是有一天.....他對我說希望我能乘擔一部份開支.
又說他老了.....總有一天沒工作(收入),父母是不能養子女一世.

樓主你明白內裹含意嗎?
我諗你唔止18歲.

雖然我唔知樓主是否開支很大,但慳的確是老破人士第一選擇,
其次先考慮搵外判再傾生活費.

beleba · 发表于 23-3-2011 10:43:19

10# beleba
以前亞媽話吾使比,依家亞媽話無錢,吾比叫搬~~~你話如果真系有甘既情況,又應該點處理呢?????
diyhard2002 發表於 2011-3-22 22:52

你可以点樣對外判講都可从, 佢信唔信及批唔批就佢話, 如外判好人唔抽秤, 兼批番多小俾你, 恭喜哂.
反之, 主動權在佢手, 你要計佢逐日逐蚊同你計, 大家要想一想, 外判的角色不係你保母, 係監督你在破產期財務的人
法院授權俾呢喲人, 全部都係專業人士,佢接得破產case,甚麼古靈精怪未見過、如你肯定自己所陳述, 百份百係事實, 而所有嘢百份百依足法例
你点攪都得, 就算你贏咗,但唔保證佢之後唔攪你,到解破前唔玩係, 因外判都係人, 呢類case 佢哋會認認真真特特別別咁, 待候你餘下2-3年.
从上講都係俾大家參考, 唔一定啱, 只不過希望大家在破產期內, 行事先想後果, 破產已是我等最後一着
連破產都有問題, 唔通仲有破中破

bb_q_888 · 发表于 23-3-2011 15:39:36

1# lpk412
我都想問....到底外判批左幾多比你....負擔家中開支?
或你覺得那裹批得太少?

你之前其他主題說過.....出左雙糧,之後又點...洗唔洗還錢?
http://www.hkiva.org/bbs/viewthread.php?tid=5795&extra=page%3D1

你今次想法同果件事有関?
(參考你其他主題)不過理論上收入減少,係無可能加.....
其實大家都知出數項目,都係加減遊戲.

lpk412 · 发表于 24-3-2011 20:43:39

首先雙糧係唔駛還既,
因為當時我同外判傾3個月還款一次既時候其實已經搞到去破署跟我case 既主任到,係主任幫我手同外判傾,
我問得好清楚就算出左雙糧都係咁計,所以佢應該冇辨法叫我還掛
另外,我已經係21 號寫左封信比外判反對佢地減我生活費,外判話14 日內唔覆我即係我既申請佢地唔接受
其實一開始既目的並唔係要佢加我生活費,只係我反對轉左工佢地就無啦啦減我生活費,而佢地冇詳列佢點計呢個數出黎,所以我先要求佢地重批過
老實講,我已經好慳架啦,但而家減我千幾蚊喎,我都要生活架,
今日我再打去外判到追一追佢地啦,因為我係月尾出糧,咁今個月咪可能已經要開始還錢,
我同外判講我而家反對生活費既更改,所以未傾掂前應該都係維持返舊數...
點知外判極無禮貌同我講佢地唔需要得我同意,佢地話係就係wo,我呢間外判改咩都唔駛得我同意,又唔駛簽字個d
跟住唯有再打去破署跟我case 既主任到,佢話會打去外判幫我同佢傾返要佢地話返比我知點計條數
星期一再覆我喎~

beleba · 发表于 25-3-2011 12:00:51

首先雙糧係唔駛還既,
因為當時我同外判傾3個月還款一次既時候其實已經搞到去破署跟我case 既主任到,係主任幫我手同外判傾,
我問得好清楚就算出左雙糧都係咁計,所以佢應該冇辨法叫我還掛
另外,我已經係21 號寫左封信 ...
lpk412 發表於 2011-3-24 20:43

你個外判就有啲過份, 就算唔使你同意, 最小都話你知基於セ野原因扣減
post 你外判資料出來, 等啲新加入brother 有所防備

lpk412 · 发表于 25-3-2011 22:08:07

你個外判就有啲過份, 就算唔使你同意, 最小都話你知基於セ野原因扣減
post 你外判資料出來, 等啲新加入brother 有所防備
beleba 發表於 2011-3-25 12:00

呢個都係破署主任會幫我打去外判既原因,
破署主任平時唔係下下都會幫手同外判傾的
佢一定要有合理既原因先會幫你,
至於我既外判係理x倫~大家要小心~

		自动登录	找回密码
密码			註冊