找回密码
 註冊
查看: 3719|回复: 36

業主加租50%

[复制链接]
发表于 9-10-2010 11:56:45 | 显示全部楼层 |阅读模式
琴晚收到業主電話... 話來緊要加租... 因為呢間屋係前男友的親戚租比佢... 所以租金係比市值平好多好多($2000幾百呎)... 幾年都無加過租... 後來前男友遷出... 得返我一個租... 咁佢都話可以比我繼續租... 但琴晚佢話要加50% (即係加$1000... 變左租金$3000... 但依然係比市值租金平)... 佢比一個禮拜我考慮... 如果ok就下個月開始加租... 如果唔係就比多一個月我搵屋搬...

佢話其實佢可以大條道理唔再續租比我... 因為佢收返間屋... 求其翻新下... 係可以租到4-5千蚊一個月的... 但佢見我一路都無乜點煩到佢... 又準時交租... 所以先費事煩繼續租比我... 佢宜家收我3千蚊已經好平... 其實我都知... 宜家樓市好... 好多都加哂租... 出面就算一間200呎唔夠的套房都要$2000-$3000... 更何況我呢間唔係套房...

琴晚諗左成晚... 亦計過下數... 如果我出去租過第二間... 平極都要$4000... (我唔想搵套房... 因為單身女仔住好似好唔安全)... 又要按金/上期/水電按/經紀佣金... 又要搵人搬屋 (我住唐樓頂樓... 上樓梯費都收幾百蚊)... 多多少少都要買d傢俬... 加埋都要成萬蚊啦... 咁同我宜家交新租差唔多... 但我就唔使一次過拎成萬蚊出來 (我亦無能力一次過拎咁多錢出來)...

但間題係... 如果我同外判申請要求加生活費$1000... 佢會唔會覺得我玩野?... 因為之前d 數都未搞掂... 宜家又話要加租... 佢會覺得我好似有心想唔還錢咁...

仲有一個問題... 係呢個業主佢不嬲唔簽新租約的... 佢話每個月交租... 佢俾返租單證明比我就算... 一路都相安無事... 咁其實外判會唔會要我一定要簽租約俾佢keep record?

唉... 真係煩到死啦... 一波未平... 一波又起... 破左同未破都一樣... 都係咁煩...
发表于 9-10-2010 12:12:23 | 显示全部楼层
本帖最後由 mochida_elt 於 2010-10-9 12:14 編輯

其實會唔會可以,問諗個藉口叫你業主寫一封信話下個月要加$1000租,抬頭唔使specific,寫 to whom it may concern咁,籍口我一時間未諗到,諗到再話你知

外判唔使理佢,你而家俾人加租就一定要報俾佢知,唔係大拿拿一千蚊你邊度個個月嘔出來??

你個外判咁衰格,你做咩佢都會同你玩野啦。而且佢要諗咩你又控制唔到既,你唔接受加租對你影響仲大,拎成萬蚊出來。

就算第時個外判一定堅持要你俾新租約俾佢睇,我諗你都係諗下點乙水業主會好d...
发表于 9-10-2010 13:18:14 | 显示全部楼层
以你情況....你外判實叫你搬返去同呀媽住.
发表于 9-10-2010 18:24:22 | 显示全部楼层
我建議你照租, 因為3K出面租套房都唔得, 不過一定要有文件証明你係幾時開始加租, 可唔可以同業主傾下租約有彌印...
 楼主| 发表于 9-10-2010 19:31:52 | 显示全部楼层
2# mochida_elt


其實上次上去外判度,佢都有問我有無租約,但我話無,得租單,咁佢都話ok,無要我一定要補返俾佢。但今次加租,業主唔想立租約,我懷疑佢係想避稅(純粹係我估),講真,佢無租約我係ok,反而唔使縛死大家。係宜家擔心外判唔知點諗咋...
 楼主| 发表于 9-10-2010 19:37:05 | 显示全部楼层
3# bb_q_888


叫我返阿媽度,無可能啦,我同家姐唔啱的,平時返去都係睇完阿媽就走,要我地同住,我諗我地日日嗌交都似。
发表于 9-10-2010 20:15:44 | 显示全部楼层
5# queenielamok


目前,我覺得外判點諗你唔使理佢。佢係唔係都玩野ga啦。

應該諗下有咩辦法(乙水)你個業主出封信又好,整個租約又好,總之black and white既野,報俾外判知。因為,就算加左50%,都只係$3000,比你出去租一定平一截。而且你搬一搬,又拎錢出來,又有pack野咁,煩到嘔,到時你仲辛苦。

外判叫你搬返屋企更加唔使理佢,香港而家仲有人權法,香港公民享有居所自由(不過破產人不可享受奢華生活),你先$3000租,點都唔係奢華啦,係咪?? 佢建議你搬返屋企,你唔一定要跟佢咁做。更何況你同屋企人唔係咁岩...

最緊要你同業主有計傾,再諗下點(乙水)佢。
{:4_191:}
发表于 10-10-2010 01:00:55 | 显示全部楼层
6# queenielamok


其實你個外判之前都話無租約無問題,你業主每個月都會俾返收據你就ok

之前師兄都話自己住係無問題,就算你個外判幾衰都奈你唔何...唔使咁擔心

我個外判趁我就黎返大陸開工,都叫我租第度平D/搬返屋企得唔得...我話唔得...叫佢咪再講
发表于 10-10-2010 02:07:31 | 显示全部楼层
我之前搬新屋, 屋租加0左60%, 外判都照批, 不過就要有租約證明
发表于 11-10-2010 09:47:43 | 显示全部楼层
QUEENIE...你真系几黑。。一波未平一波又起。。。。

不知你睇下搵番你以前男朋友。。或者搵个男朋友照顾下你。。可能会好D(真心的)。。。

因为咁好多野都可以SHARE。。。或者你可以唔洗同外判讲。。因为租单只有你个名。。。

点做你自己行量。。
 楼主| 发表于 11-10-2010 09:58:48 | 显示全部楼层
本帖最後由 queenielamok 於 2010-10-11 10:01 編輯

10# macauranger


頭先打左俾個pk外判啦... 真係麻Q煩... 佢話要業主俾返份black & white 通知我加租... 之後fax 返俾佢地睇下批唔批...

好彩佢無要簽新租約啫... 不過又要業主寫返份野... 唉... 希望業主唔好話我煩啦... (佢係做多少少野都話煩... 會gi gi guk guk 的人)... 最慘係... 宜家又唔知外判批唔批喎... 叫業主寫完份野... 佢就預我接受新租... 但如果到時話唔批... 咁唔通又通知業主話唔租咩... 好玩野囉... 唉...
发表于 11-10-2010 13:14:03 | 显示全部楼层
12# queenielamok


佢叫得你俾野佢,佢應該會批掛

唔批你就同佢講,好,我而家搵地方搬,要申請一皮野搬屋....
 楼主| 发表于 11-10-2010 14:07:05 | 显示全部楼层

佢叫得你俾野佢,佢應該會批掛

唔批你就同佢講,好,我而家搵地方搬,要申請一皮野搬屋....
mochida_elt 發表於 2010-10-11 13:14


個pk外判諗野係異於常人的... 我都唔敢擔保佢批唔批... 頭先搵左業主... 真係不出我所料... 佢話我做乜咁麻煩要寫乜鬼信... 咁多年來都係口頭通知架啦... 係咁一輪咀一路寫一路講... 我都費事駁佢... 因為我知我一駁咀... 佢有排都唔停口... 有排先俾份野我... 啱啱fax 左俾外判... 希望佢唔好又話份野唔ok... 唔好要我又要人地再寫過...

我都無月供一皮野... 何來申請一皮野搬屋呀?...

希望唔會唔批啦... 唉... 擔心ing...
发表于 11-10-2010 14:20:59 | 显示全部楼层
14# queenielamok


都係o個句,希望在明天丫嘛

撐你~!!
{:4_186:}
发表于 11-10-2010 14:50:55 | 显示全部楼层
14# queenielamok


轉個角度睇,加租可能係一件好事呢,你可以主動要求再傾生活費,就算之前簽過咩都可以推翻哂,宜家既你更加有理由分24期還錢,之前師兄/姐都講過,好似租呢類實報實銷既開支如果唔過份佢無可能唔批俾你,如果佢真係唔俾,我諗你真係要考慮下交俾法官去判。

我都好明白你既心情,見步行步啦...祝你好運
发表于 11-10-2010 15:05:05 | 显示全部楼层
本帖最後由 bb_q_888 於 2010-10-11 15:13 編輯

14# queenielamok

我問你既問題,外判都可能會甘同你講,
你都諗到解釋....又洗乜怕?
外判所睇都係利益,如果搬返去同呀媽住要交$5000租/月,佢都唔睬你啦~

你咪講$3000租,出面都租都唔止,你又無錢搬.....唔通去打劫?
搬屋費係咪可當特殊支出另計先?
你睇外判點答你.
你無辦法咪照住....照交租....外判唔係大哂架!

如果有租單都唔信你,問外判你洗唔洗去"宣誓"?
http://www.had.gov.hk/tc/public_services/public_enquiry_services/faq.htm#1

你業主唔係老破,無義務聽佢點,你明白個中道理嗎?
 楼主| 发表于 11-10-2010 15:21:25 | 显示全部楼层

轉個角度睇,加租可能係一件好事呢,你可以主動要求再傾生活費,就算之前簽過咩都可以推翻哂,宜家既你更加有理由分24期還錢,之前師兄/姐都講過,好似租呢類實報實銷既開支如果唔過份佢無可能 ...
boro211 發表於 2010-10-11 14:50


除非佢唔批新租金... 要我搬... 而我又唔搬返原區.. 咁都有機會再傾生活費... 如果唔係... 都無乜可能可以再傾 / 分返24期還錢... 佢呢d 無賴... 利字當前... 佢實會一單還一單同我計... 只批租金... 其他免問...
发表于 11-10-2010 15:31:05 | 显示全部楼层
18# queenielamok


我覺得2者都會有關係,之前你話如果分12期係等於每月還多7xx-8xx...你都話無能力還,宜家你加左成千租咪仲大影響...就算佢幾無理都係要同你傾...

外判點都好,你係有道理有單有據佢都奈你唔何,之前都講過,最worst既case就係法庭判...如果你已經有心理準備...咁就唔需要怕佢喇...
 楼主| 发表于 11-10-2010 15:32:27 | 显示全部楼层
17# bb_q_888

你講的... 我當然明白啦... 我都係咁諗的... 講真... 加租呢d 錢又唔係我食... 我都無著數呀...
但你都知我個畸型外判啦... 佢無論諗野同做法都唔正常... 所以我先咁擔心... 我真係好唔想再搵佢... 但個天好似玩我咁... 我宜家一諗起要打俾佢就會好驚... 一聽到佢把聲就有恐懼感... 咁搞法... 我遲早黐線...
 楼主| 发表于 11-10-2010 15:39:01 | 显示全部楼层
19# boro211


我會睇下佢點覆我先算... 不過頭先2點幾打左去... 睇下佢有無收到我fax... 點知佢又見緊人... 唉... 希望今日搵到佢... 知道個結果啦... 搞掂呢度... 起碼煩少樣...
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 15-11-2026 22:19 , Processed in 0.032700 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表