新住客不停收到"舊住客"的銀行信感到滋擾....

bb_q_888

我今日行過樓下的"退信箱",有一封信"突左"出黎.....非常吸引著我既目光,

信封面上面有大大隻字 "無此人~再來信即報警!!"

其實我都登佢可憐,我知舊住客最少搬左三年,因為我日成都見到佢d退信,
要知銀行為左追數,話之你啦~照寄!
但身為住客經常都會受到追數無形壓力....條數仲唔係自己.....

大家覺得佢報警又會唔會有用呢?

van仔

如有人追數而債務人不是你 你可以直接拎封信去銀行 搵經理同佢講 要記低經理姓名 電話 同卡片 同佢講呢個地址已搬走好耐 而我係唔識呢個舊住客 而你銀行既收數滋擾到我 而家我黎同你講清楚 你地因收數滋擾到我(第3者) 我會保留追究既權利 仲有一定要錄音 如收數佬再有行動 拎收數信 卡片 同電話錄音副本 去信銀行主席 金管局 私隠專員公署 投訴

mochida_elt

我諗如果佢知道係邊間公司或銀行追的話都有得搞既。因為有d追數唔會講自己係幫邊間追嘛。

如果正常黎講，報警係冇咩用.....除非佢刑毀或恐嚇。不過如果佢做得刑毀或恐嚇，咁呢間即係唔係正當銀行啦....咁即係有排煩。{:4_209:}

bb_q_888

我諗如果佢知道係邊間公司或銀行追的話都有得搞既。因為有d追數唔會講自己係幫邊間追嘛。

如果正常黎講，報警係冇咩用.....除非佢刑毀或恐嚇。不過如果佢做得刑毀或恐嚇，咁呢間即係唔係正當銀行啦....咁即係有排煩 ...
mochida_elt 發表於 2010-9-23 21:17

因為過左咁耐,其實我都估銀行一早就知到個債仔搬走左,每月寄月結單只係為左保留追數權利.
我諗唔會再派人上門,只係個新租客....感到煩擾同不滿.

以前我同d會員傾計,講過下單野....
係正常情況下,無可能拆舊租客信件,咁好難得知係邊間銀行寄黎,銀行信無"記認".
其次相信佢都不知每月收幾多間月結單,我估起碼4間或以上.....我見過佢一次退五封信.
報警.....但香港警察好咩咩囉~ (自己幻想下囉)
一定話無刑毀或恐嚇幫唔到佢.

bb_q_888

2# van仔

信封只係 "月結單" ,唔係追數信 .

mochida_elt

4# bb_q_888


如果唔係追數信，只係月結單，o個條友又點解o係信封面寫話要報警?

先假設追收既係銀行or正當財務先，收到唔係你既信最正確既方法係退返去郵局而唔係寫[冇此人]放o係度。

當你正確地退左幾次信之後，仍然有呢d信寄來，即使你唔係收信人你都有理由去拆，因為可能有人用你個地址從事非法勾當，你好擔心被犯罪分子利用云云。

拆左如果係真係銀行信，咁就搵返o個間銀行搞。通常銀行都會停ga啦，最多投訴多幾次，煩一排。

如果佢真係唔停，咁就唯有向法庭申請禁制令，唔俾佢再寄信黎。

所以，報警係冇用既。香港警察咁咩咩;P

bb_q_888

如果唔係追數信，只係月結單，o個條友又點解o係信封面寫話要報警?

先假設追收既係銀行or正當財務先，收到唔係你既信最正確既方法係退返去郵局,而唔係寫[冇此人]放o係度。

當你正確地退左幾次信之後，仍然有呢d信寄來，即使你唔係收信人你都有理由去拆，
因為可能有人用你個地址從事非法勾當，你好擔心被犯罪分子利用云云。

拆左如果係真係銀行信，咁就搵返o個間銀行搞。通常銀行都會停ga啦，最多投訴多幾次，煩一排。

如果佢真係唔停，咁就唯有向法庭申請禁制令，唔俾佢再寄信黎。mochida_elt 發表於 2010-9-24 09:31

收到唔係你既信最正確既方法係退返去郵局..... 你試過未?你知唔知郵局會點答?
我見過一個人去郵局投訴(唔知佢係咪樓上果個),佢都係不停收到d唔係佢既信,要職員幫佢通知對方停信.
個郵局職員話佢地只可以退信,其他都唔係佢地權限/責任.
最後個職員算好人,睇左信封面地址,話佢聽呢封信係邊間公司寄,同建議佢報警.
因為職員話折非自己信都係犯法,叫佢搵警察見証同備案.

你話啦.....香港一日有幾多人收到d唔係自己信,但又唔可以拒絕來信,你話有幾痛苦?

攪上法庭,我諗一般人都唔會.但如果申請法律援助又會唔會批呢?:P

mochida_elt

7# bb_q_888


1.我試過，有一排仲經常tim;P

2.去郵局投訴係冇用既，去郵局只係話俾郵局知呢個地址冇呢個人。

3.郵政既工作係派遞已付郵資既郵件，佢絕對冇能力通知或要求任何人唔好再寄信(明知佢犯法例外)。

4.法援主要係確保所有有充分理據提出法律訴訟或抗辯的人士不會因欠缺經濟能力而沒法尋求公義。所以只要有理據加埋過到佢地資產審查都會得到法援。不過申請法援既時候如果你不服佢既批核，係可以上訴。

5.情理上，正當銀行既數，如果真係唔關你事既。好少會上到法庭。打電話應該搞得掂。警察完全唔會幫到手...{:4_175:}

bb_q_888

8# mochida_elt

"打電話應該搞得掂。" 又睇下點,返正日日經過退信箱.....我唔係突登睇,
但三年啦~我未破已經見到呢信.....無意都睇過幾次.
"打電話"我就覺得無乜用.

mochida_elt

9# bb_q_888


如果打電話唔得，咁xx日報一定幫到手。{:4_201:}

昨天先有一單類似既新聞....;P

bb_q_888

10# mochida_elt

哈哈~以上新聞無日無之 .{:4_175:}