完破產4年後...可否做業主?

worry123

各位好,
我由2006年開始已經由she.com 度開始睇, 但平時都好少參與討論. 真係唔好意思!
不知不覺, 已經就快 4年了 !  我過埋2010年就滿4年期喇 !  
有幾下煩惱及問題, 想請教各位高手 & 專家比 d 意見.... thank you so much!
1.  成日見到大家提及 "滿4年後申請不反對通知書及解破令" ... 其實心裡成日有個question ,
     係咪完左 4年一定要申請"解破令" 架?  唔申請就代表我仲係破產人仕 ?  如果唔申請咁有咩後果架?
     我見大家話, 即使完左破產期之後, 都係申請唔到 credit card, 亦申請唔到按x  等等... 咁申請呢個"解破令" 有咩用途?

2.  其實我同男友已經拍左6年拖, 我地一直都有個共識, 到我完左破產後 , 我地就會結婚.
     我地已經ready 緊明年3月結婚喇, 但佢父母&屋企人係完全唔知我係破產人仕架, 費事影響形象啦!
     但.... 而家問題黎喇, 本來我男友間屋係佢同佢媽咪聯名既, 一直由我男友供樓既 !
     佢媽咪叫我地結婚後, 想cancel 佢個名, 加番我個名 (佢媽咪好錫我的) , 而家間屋每月供緊 8千蚊 ( 樓價值2百, 尚有70萬未供完 ) ,
     但結婚後, 因為都想生bb & 開支會大左, 又有d 長遠d既plan ! 所以想申請將個供款期加長... 等每月既供款可以平d , 希望每月供 5千蚊左右.
     我想問下大家一些問題 , 現時我平均月入 15k , 我男友平均月入 11k .  請問:
     a.  如果咁樣加左我個名做業主, 係咪即使我已過左4年, 銀行都唔會批我地加按 / 加長個供款期 ?  因我曾破產 ?!
     b.  如果加左我個名, 銀行係唔批 咁我地係咪應該唔加我個名住, 等我男友自已申請左加長供款期之後先再加我個名??
     c.  但如果業主只係我男友, 以佢平均月入 11k , 請問申唔申請到加長供款期 ?  ( 我男友 30歲, 信貸紀錄良好, 冇試過拖欠任何咭數或貸款 )

其實加唔加我個名, 我都冇所謂!  因為都唔係為左d 錢!  只係驚佢媽咪會奇怪, 點解佢想加我個名, 保障我個名份姐, 但我竟然拒絕 ?!
另一方面, 我又擔心如果只以我男友既收入, 銀行唔會批佢加長個供款期喎!  其實我地仲有 70萬未供完層樓, 而家每月供緊 8千, 10年內應該供完!
以佢既入息同年齡, 有可能申請加長到供多20年嗎 ? 咁係咪就可以每月大約供 4,5 千蚊??  

唔好意思呀! 咁長, 咁多問題, 其實我o係呢方面真係唔識架, 因為之前都係同父母住公屋, 完全冇想過會有自已既物業,  所以對呢d 我真係一無所知.
希望各位幫幫忙, 比d 意見, 唔該晒!! 先感謝大家 !!

301

1# worry123

多謝詳細分享,
綜合祇係有兩問題...

1..'解破令'用途?
2...解破後可否做業主?

1..個人解破後唔一定須申請"解破証明書"既.
    但視乎你自己需要,
    如你要開銀行戶口,就要呈交才獲開戶.
*銀行或未必第一時間查到你有"底",
  但稍後可要補回才續用戶口.*
  至於信用卡,大有人在申請到.



2..解破後如常人係可做業主,
  但如'樓按'係會查你銀行底,
  知又如何,以前我post過...
  解破後亦有做業主案例,批唔批係銀行話事啫.
  而且,你和朋友做聯名業主添,
  朋友乾淨底,雙方又有正職,應無問題嘛.
*但應資詢律師確認一下.


破產期過後,
無人會用有色眼鏡睇你既,
即使釋囚亦應有改過自身機會;
何況破產並非甚麼"刑事罪行".


祝你幸福

worry123

301,  謝謝你的解答!!

zbridgehead

1# worry123

呢排興用 銀行同業拆息(HIBOR) 做按揭！大約 1%利息，你去銀行搵下資料做下功課先！
你地最盡可以做到25年按揭！(唔係唐樓的話)，當然要睇工種及穩定性！

有問題再問！