*急*想問2,3線財仔既破產問題!!

waiman123

各位師兄師姐你地好^^
雖然我係新手一名,但因為最近家人紛紛都為左呢件事而煩惱
所以希望呢度會有熱心人能夠幫助到我地解決煩惱!!

我阿哥好唔生性,直至佢近日佢失業我地先知道佢借左多條財仔數
一共借了8條2,3線財仔數,佢一直每星期供開而最近因為失業供唔到
我地一家都知道呢d 2,3線財仔會好麻煩,
阿哥最後打去律師度問話呢d係比較麻煩,但只要有放債人牌照既都可以做破產
聽完我地一家真係鬆一口氣呀,因為好彩呢d都可以搞到破產,因為佢實在太多條數啦
之後亦都快速地上星期係律師度做左申請同埋因為阿哥諗住破產就無交果一個星期既數都好多人打來追,
而好彩律師亦幫到我地做到即日宣誓.
當然,我地一家都知道呢d 2,3線財仔數係比較麻煩同複雜,
律師都講左申請破產期間一定會繼續有好多追數既電話及上門等等,我地一家人亦已經有心理準備.
係呢一星期裡面當然每日都有好多收數既電話,同佢地講我申請左破產佢地都唔會理會或者會講申請破產唔洗還數呀等等.


(問題1)
而其中一家財仔就打比我阿哥話唔還錢可以告佢欺騙罪,話佢申請填form時無填曬佢所有借既財仔,
打比律師問,律師竟然呢家先話咁樣都好麻煩,跟住叫我地不如供番呢條數先??!!!
連律師都話麻煩叫我地供數,搞到呢家令到我地好擔憂唔知點算,我阿哥係咪真係會比人告??請問有冇人有咁既經驗呀!!!!!


(問題2)
我check過阿哥d財仔合約有幾份係有條條例叫"一年內不得破產",但阿哥申請時問過律師佢話呢樣無問題,
因為呢家有財仔話告欺騙罪所以想問下有冇人有簽過呢d合約如果一年內破產咁會點呢,會唔會比人告呢??


另外,昨日有財仔開始打電話騷擾我既親戚啦,我地都唔知點解會有我地親戚既地址同名同電話,
係大迫供之外先知原來係阿哥申請果陣報左2個親屬既地址及姓名and電話,
唉,我同媽媽雖然有心理準備d人會上門會騷擾但真係誓估唔到呢家連親戚都會連累埋
之後呢家媽媽問律師點做佢就話如果有d咩事就報警,
跟住佢竟然係呢個時候再一次同我地講叫我地不如還左d錢佢,話因為呢d財仔真係幾麻煩架,
話破產果度一日未上庭都可以取消申請!!!


我地一家人真係無諗過連律師呢家竟然都叫我地還左d錢佢,
講真如果真係有能力還錢既就唔會選擇申請破產啦,
點解律師係申請果日就話可以,呢家交左錢比佢就叫我地選擇還左d錢佢
我同媽媽真係好心傷呀,如果真係選擇還錢既話咁當初破產果萬幾蚊就已經可以用黎頂住d數先啦,
因為呢家已經申請左破產已經用左萬幾蚊,律師話就算退都只可以退番佢既律師費用2,3千比我地,
而財仔果面,因為一心諗住破產當然無入過數繼續供啦,如果呢家先選擇繼續供番,
我地不但要損失申請破產果萬幾蚊,仲有咁多條財仔數既利息呀,遲還既費用呀,同上門果d咩上門費呀
我諗真係要交double添喇,唉
我同媽媽呢家真係好心傷呀,呢一刻律師竟然講呢番話,我地呢家真係唔知可以點做呀T___T

所以係度非常希望有好心人or有經驗既人可以教我地一家點做嘛?? T_T


(問題3)
我其實最想知道既係有冇人同樣借過呢d 2,3線財仔錢再去申請破產,
當然期間佢地會照樣追數啦,仲會追得好勁添,
但請問當上庭後破產令頒發之後,可以制止到他們嗎??
因為d人成日講2,3線呢d破產都無用,
但又上網搵過話如果頒左破產令之後可以同破產官講又或者向破產管理署投訴.
我同媽媽呢家真係無寧兩可,真係唔知點做
究竟應該繼續堅決等上庭頒破產令定還是真係如律師所言要走回頭路還錢向黑社會勢力低頭呢T___T

真係好希望大家可以提供下意見比我地一家!!!


至於我阿哥果8間財仔分別係(X通,X業,X富,X信,X溢,X裕,X達,X益)
在此希望有人借過呢8間財仔而有申請過破產既人可以和我分享一下經驗!!!


唔好意思我都唔知自己不知不覺打左咁多字,
因為呢件事我真係唔識得用三言兩語黎作為問題問大家
我只希望盡量將件事交代得清楚D令到大家可以幫到我多d


最後,在此非常非常感謝有心人既回答 T__T

301

唔需要打明財仔全名.

呢幾間何止2,3 線,

簡直係....:Q

有空才答你,

希望有經驗既會員可俾 d 意見.

pppw

我無借過財仔，純講程序。

(問題1)
而其中一家財仔就打比我阿哥話唔還錢可以告佢欺騙罪,話佢申請填form時無填曬佢所有借既財仔,
打比律師問,律師竟然呢家先話咁樣都好麻煩,跟住叫我地不如供番呢條數先??!!!
連律師都話麻煩叫我地供數,搞到呢家令到我地好擔憂唔知點算,我阿哥係咪真係會比人告??請問有冇人有咁既經驗呀!!!!!

按情理，都呈請左應該唔使理 d 財仔喎，不過騷擾就更有多少！
點解個律師會不分莊閒架！

(問題2)
我check過阿哥d財仔合約有幾份係有條條例叫"一年內不得破產",但阿哥申請時問過律師佢話呢樣無問題,
因為呢家有財仔話告欺騙罪所以想問下有冇人有簽過呢d合約如果一年內破產咁會點呢,會唔會比人告呢??

呢條例個立論據點好弱架，唔使理佢，純靠嚇！
個律師廢！！

(問題3)
我其實最想知道既係有冇人同樣借過呢d 2,3線財仔錢再去申請破產,
當然期間佢地會照樣追數啦,仲會追得好勁添,
但請問當上庭後破產令頒發之後,可以制止到他們嗎??
因為d人成日講2,3線呢d破產都無用,
但又上網搵過話如果頒左破產令之後可以同破產官講又或者向破產管理署投訴.
我同媽媽呢家真係無寧兩可,真係唔知點做
究竟應該繼續堅決等上庭頒破產令定還是真係如律師所言要走回頭路還錢向黑社會勢力低頭呢T___T

頒左令係唔會有銀行及有商業登記財仔追數，除非係無牌財仔！！
(呈請)同(頒令)係兩個階段，你宜家係呈請緊，對一 d 財仔黎講，係追得幾多就幾多囉，總之有乜唔妥，報警！

放心啦，有好多師兄師姐會俾議見架喇。

waiman123

唔需要打明財仔全名.

呢幾間何止2,3 線,

簡直係....:Q

有空才答你,

希望有經驗既會員可俾 d 意見.
301 發表於 2010-2-27 17:42

唔好意思呀板主><
因為初黎報到唔知道唔可以打全名@@"

其實呢8間財仔我都未聽過架
我只係知道呢d小型既財仔一定好麻煩架喇
而2線都係我阿哥講,我本人就諗住2,3線..
估唔到板主認為連2,3線都不如...!!
咁就真係大穫啦!!!

好希望有經驗既師兄師姐可以幫下我!!!!
衷心感謝各位!!! T____T

waiman123

我無借過財仔，純講程序。

(問題1)
而其中一家財仔就打比我阿哥話唔還錢可以告佢欺騙罪,話佢申請填form時無填曬佢所有借既財仔,
打比律師問,律師竟然呢家先話咁樣都好麻煩,跟住叫我地不如供番呢條數先??!!!
連律師 ...
pppw 發表於 2010-2-27 20:04

PPPW:
好多謝你既回答呀^^
我都知道呢家呈請左一定會追得更加西利,
因為佢地就係想追得幾多得幾多
我都覺得我個律師好唔得,
申請前打比佢就咩都話OK
到申請左交左錢之後好似所有野都唔再理了
呢家仲要叫我地不如取消呈請還左D數先
搞到我地呢家更加無寧兩可 ><
唉,我阿哥排左期3月30月上庭呀.
呢家最想知既就係上完庭頒左破產之後阻唔阻止到呢類既財仔呢?!
再次多謝你既回答呀!!

真係好希望大家可以提供到意見比我
因為我同媽媽呢家真係唔識得點行呢條路T__T

dopod123

冇辦法你哥哥唔生性去呢啲所謂財仔借,個律師可能只係知邊個煩啲,又驚你地頂唔到所以先叫你地還錢.
事情到此,又已經申破中,照做啦,財仔話告欺騙罪由得佢都冇辦法,佢地會告先算.
至於財仔追數就要忍到頒令先.都係有咩事報警你要有心理準備可能日日要報警.
其他要等吓各師兄仲有冇好方法

{:4_209:}

301

文不對題,
財仔又點會破產!

多謝你描述問題咁詳細; 但主角係你阿哥, 佢背景及前因就完全無講. 收入低或不固定月薪致會求助呢 d 財仔既. 呢8間唔止係 3,4線財仔, 有牌等於無牌, 其中一兩間又衰左改左招牌, 佢地做法大都係九出十三歸之類. 係比較麻煩既, :Q 上述有一間都足以致命, 內裡有部分好似係同派同老細背景既. 你家人要有心理準備, 對方有過分行為即報警. (應該會有) :curse: 律師係會變臉既, 以前都講過, 收左錢後講句野都唔負責任既 ! 既然已呈請左, 發展至今唯有忍至頒令日, 事實上,頒令日前追你數唔係犯法, 你亦可在呢灰色地帶可還可唔還. 簽過'一年內不得破產'合約唔駛驚,法律上告唔入,財仔大你啫,我已前都簽過. 當前應付非法追數喇. 肯定有滋擾, 呢度個個都經過呢個階段, 不過你阿哥既3,4線財仔就難講d, 上庭日之前可合理追數; 但頒令後仍追就違法, 破署及警方必受理. 儘量搜集証據也. :dizzy:

waiman123

文不對題,
財仔又點會破產!


多謝你描述問題咁詳細;
但主角係你阿哥,
佢背景及前因就完全無講.
收入低或不固定月薪致會求助呢 d 財仔既.

呢8間唔止係 3,4線財仔,
有牌等於無牌,
其中一兩間又衰左改左招牌,
佢地做 ...
301 發表於 2010-2-27 21:46

非常感謝板主你既解答!!

另外首先要講聲唔好意思我個標題可能會令大家誤會左..@@"
我意思係想問有關借左2,3線財仔錢而去申報破產既問題先岩!!

唔好意思可能我太急於去發問我現在煩惱梗既問題沒有將我阿哥既背景講清楚,
其實因為佢結識左個女朋友同佢一齊搬左出去住1年到,
屋企得番我同媽媽2個住,佢都什少番來架
佢係做散工既,一星期番4-5日(日薪)
其實我同媽媽一直都唔知佢欠財仔錢架
係直至新年早1個星期,佢份散工唔洗開工,跟住直到初九佢先有工開
跟住大拿拿年初四佢就番黎屋企同我媽媽借錢,
先知道佢借左財仔錢要供數,初初佢都講大話,話只要2間
跟住過左2日度媽媽執野摷佢個bag竟然見到一大堆入數紙同財仔卡片!!!!
d財仔卡片每間仲會印住每星期邊日入數同入幾錢
後面會寫埋如果遲1日交錢罰幾多,如果想拖遲1日又收幾多等等.
當時我同媽媽睇到呢堆卡片同呢堆入數紙既時候真係覺得好恐怖
之後係嚴刑迫供既時候佢先肯承認同埋先講呢個星期d數全部都供唔掂
因為散工果度無工開
問佢點解可以借到8條數咁多仲要全部都係呢d財仔
其實真正原因我同媽媽都仲未真正知道!!!!
但我地知道自從佢搬左同佢條女一齊住之後先開始有呢d數既
所以應該都係有好大既關係!!
另外一d數佢就話係用黎數襟數既...唉
因為要借既數實在太多同埋佢又已經有d遲左幾日係度加梗利息
如果要供住果一個星期既數先就要5千幾蚊
但供得呢個星期下個星期又會好快到,
所以之後先決定問律師意見再申報破產既事宜.

至於板主你頭先所講既有d財仔直頭係同老細既問題
我就立即醒起之前check佢d合約果陣係有3間都係同一個顧問公司架
不過老實講呢類3,4線既財仔,我諗我阿哥果8間其實大家都有聯繫架喇,唉

岩岩聽完板主你話以前都簽過果份"一年內不破產"既合約都無事就立即安心左d..
但請問你又知唔知欺騙罪果個又會告唔告得入呢?
因為我阿哥係借錢申請時填form果陣問佢有咩借貸公司既時候
只係寫左2,3間(呢d係一段債仔既心態啦,因為如果真係寫曬出黎你地又點會借呢)
但其實呢班咁既人禁一禁部電腦根本就知道曬你爭幾多條數啦講真
所以到左呢家話申請破產時就洗出呢招欺騙罪啦,
咁究竟呢個條例又有冇問題呢???

到左呢個梗張關頭,我同媽媽其實係前日已經暫時搬左去親戚度住住先
始終我地2個女既,講真真係一拍親門就會心驚膽跳架喇,話唔驚都係呃你既
因為呢家搞左破產,又無供數,我同媽媽都唔想係屋企迎接呢8間財仔一齊拍門既時刻囉
琴日早上同媽媽諗住番一番屋企拎埋d重要文件
已經比人貼左大字報仲要有齊我媽媽全名,我全名,同我阿哥全名,仲有我地3個既電話號碼!!
成層樓一共都有7張,門口一張,之後發現門匙孔同鎖匙孔已經比佢地用膠水痴實左
其實呢d已經係預左會發生既事,跟住我同媽媽已經去左警署備案先
d阿sir又係有d話呢d數好麻煩叫我地同朋友,親戚借錢還左先好喇
搞到我同媽媽又開始煩惱點算啦,
但跟住就有個高級d既CID同我地講你地搞左破產就唔洗驚,唔洗還,唔洗接佢地電話
聽完呢個阿sir講既野就有小小安慰
最後果句都係有咩事就報警啦,阿sir見我地2個女既都叫我地咪去親戚朋友度避下風頭先喇.

至於到左呢家呢個moment,我同媽媽有家歸不得 T__T
比左錢破產律師又轉口風叫我地不如還錢
真係唔識點做..所以呢段追得咁梗要既時期暫時同媽媽都係避一避先
希望可以一直捱得住到3月30日安全上庭及頒令.
但其實最擔心都是頒令後繼續追既日子,
所以真係好希望可以有師兄師姐和我分享近似既經驗

再次多謝大家既幫忙!!!!!小妹感激不盡!!! T___T

dopod123

你知唔知你哥哥一共欠多少錢?
你地備案定報案,滴膠水已經可以係刑事?
你話驚比人告但呢啲數你亞哥係還唔起,你可以試吓問律師該些財仔是否真的有牌.

waiman123

冇辦法你哥哥唔生性去呢啲所謂財仔借,個律師可能只係知邊個煩啲,又驚你地頂唔到所以先叫你地還錢.
事情到此,又已經申破中,照做啦,財仔話告欺騙罪由得佢都冇辦法,佢地會告先算.
至於財仔追數就要忍到頒令先.都係有咩 ...
dopod123 發表於 2010-2-27 20:55

多謝ching你既解答!!

我阿哥今次真係錯得好交關,我同阿媽每日一諗起佢借左8間,仲要8間都係呢d最麻煩既財仔就心酸
一個大好青年點解我阿哥會搞到今時今日咁
點解律師申請時睇完8間財仔個名都仲話ok,話只要有放債人牌照都可以搞到,
但到呢家財仔打黎話告我阿哥欺騙罪佢就叫我地不如還錢
我同媽媽呢家都好絕望呀
比左萬幾蚊搞破產點知呢家連律師都叫我地還錢,即係點喎
如果係咁我地一早拎果萬幾蚊去頂住D數先咁呢家都可能仲未去到咁嚴重嘛
呢家等到D數成個星期每日已經越積越多先黎叫我地還錢,唉

現在同媽媽暫時都係決定等等上庭日啦
呢家番屋企同出門口都真係好擔心呀
仲要8間添喎
所以同媽媽都暫時搬左去親戚度避下風頭到頒令為止先喇

8間財仔係呢段時間真係唔知會唔會拆左我地間屋呢,唉
雖然都好擔心屋企既問題呀,但同媽媽商量過後都係覺得自身安全重要得多
所以暫時都只好寄人離下先喇 T__T

admin

樓主所列左幾間，都相當肯定係黑財。

其實有D唔好意思講：
1.  我好難理解律師點解會接你呢個 case。
2. 一年內不破產>>唔駛理。
3. 欺騙呢下，我諗你聽見律師咁講，你心中有數

你要留意個幾間係黑財，大耳牛定係乜。你家人係邊度借。如果係街邊，又要推薦人，又要手續費，如果重係澳門的，你就要小心！

如果差到係澳門的，咁你就唔駛擔心啦。因為條數基本上永遠還唔完。

你不如問清楚佢點借。查下個幾間有無牌。利息幾多。

另外，我建議你唔駛幫佢還任何錢。我直覺估，有D數你可能重未知！你估佢而家重有係出面借緊錢？

實際D講，我諗，你快D去搵議員幫手重實際。

dopod123

10# waiman123


正如301版主話,律師有啲真係只要搵水,你地決定都正確既嘅.
不過你地真係知唔知欠幾錢同財仔個牌真定假.

waiman123

你知唔知你哥哥一共欠多少錢?
你地備案定報案,滴膠水已經可以係刑事?
你話驚比人告但呢啲數你亞哥係還唔起,你可以試吓問律師該些財仔是否真的有牌. ...
dopod123 發表於 2010-2-28 01:02

我阿哥8間財仔總數大約8萬,
因為佢係做散工加上呢D細財仔每間都唔會批好多
同埋全部8間都係借幾多錢都只可以拎到總數既一半再小D
即係借5千拎2千度,借7千拎3千度
我聽完都覺得好唔明點解咁唔著數咁樣借法都仲要去借
但到左呢家因為已經申請左破產都無再供過任何一間
如果呢家先真係叫我地走去還錢,
我諗真係8萬變16萬都會喇
因為你知D呢D財仔既利息啦,唉

我同媽媽去左警署備案跟住阿SIR同我地番屋企睇仲有睇埋D大字報
仲有落口供,咁算係備案定落案呀
係呀,係刑事但阿SIR話因為你呢家有8間呀
所以好難幫到你查囉

至於欺騙罪一事,果日間財仔打黎已經立即打去問律師
律師就話咁樣都幾麻煩,就叫我地不如還左條數先啦
即係佢意思係如果佢要告,都可以告,入唔入刑律師都答唔到
另外初初申請破產時已經問過律師呢8間做唔做到破產
律師當然都有講過始終呢D 2線係比較麻煩就一定架喇
但只要佢有放債人牌照既話都係可以搞破產的.
所以我地當時至安心咁去申請咋..
但呢家反而好似搞到一穫泡咁...唉 T___T

waiman123

樓主所列左幾間，都相當肯定係黑財。

其實有D唔好意思講：
1.  我好難理解律師點解會接你呢個 case。
2. 一年內不破產>>唔駛理。
3. 欺騙呢下，我諗你聽見律師咁講，你心中有數

你要留意個幾間係黑財，大耳牛定係 ...
admin 發表於 2010-2-28 01:21

多謝ching你既解答呀!!!

唔好意思當小妹愚昧,想問下黑財實際上係咩意思呢
當然我知道=黑社會財務,但其實唔係間間財仔都係黑社會操控架咩??
咁黑財樣即係點呢,佢地會做d咩呢??
咁係咪即係破產都真係搞唔掂呢???? T____T

係呀,起初我同媽媽搜到佢D卡片同超大堆既入數紙真係覺得好恐怖好恐怖!!
我同媽媽都覺得今次實死梗都得喇借呢D錢!!
但後尾竟然係佢提出申請破產我地先係度諗乜呢D財仔都可以申請架咩咁架咋
之後同佢一齊問果個律師又話OK喎,
個律師最識講就係只要有放債人牌照都可以破產的呢句說話囉!!
跟住申請果日仲8間咁問佢係咪真係得架,
之後律師都有講當然會麻煩D,你係上庭之前都一定會追架喇
跟住佢又講呢D財仔都有好多人上黎搞破產都搞到呀咁囉
仲好記得之前打比佢詢問果陣講完D財仔名比佢聽佢仲叫我阿哥"快D問親戚,問朋友借錢黎搞喇,唔係追到你瘦呀!!"
等到我地覺得真係可能搞左破產先可能過番一D安落既日子..
真係無諗過搞到今時今日咁呀..
搞左又好似無搞過呀,呢家真係搞到2頭唔到岸,唉

雖然我唔知我阿哥仲有冇呃我地有第2 D數
但MACAU數佢就一定唔會掂既我知道
佢點搞都唔會搞到過去果邊既
但佢仲有冇其他數,但我諗應該係呢8條啦
因為竟然同佢搞破產,雖然未知搞唔搞得成,但佢無理由仲要隱瞞唔一次過報清條數架嘛
我同媽媽都問左佢好多次,你究竟有冇問大耳X借錢,但佢又誓神X願話真係無!!
咁雖然我阿哥真係好唔生性,但我諗佢應該唔會敢去借大耳X既..唉
講真如果佢有借大耳X既話,我屋企應該已經比人X紅油鎖大閘啦.
不過呢D黑財又會點做既呢......唉 ><

另外想問下ching你我可以點查佢地究竟有冇牌照?
咁想問下黑財係咪無牌照?
如果我查到佢地有牌照既話係咪就唔係黑財呀??
因為都唔係好清楚呢d野,我只知道所有財仔都係d黑社會集團架喇,唉

另外想問ching你我去搵議員可以有咩作用架??
唔好意思呀因為小妹真係唔係好識呢d野架@@

另外琴日報案個cid見議我同媽媽拎住有我地名既大字報去"方"屋署到比佢地睇同話想申請轉屋事項
但我又小小猶豫如果我同"方"屋署講我地欠數想掉屋,佢會唔會批呢
定係還是唔講欠錢就咁講下其他因素想轉屋會比較好呢
另外又想問下大家係咪會建議我同媽媽如果可能既話真係掉屋會好d呢?
係咪真係有咁既需要呀???
真係以後都再番唔到屋企??? T____T

在此再次多謝各ching既回覆!!!感激不盡!!

301

轉貼舊Post..

有乜依郁就報警,

並剪存以下備用投訴,


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


有關放債人的投訴
可向以下部門提出投訴：

香港警務處牌照課放債人牌照組
地址:	香港灣仔軍器廠街1號警察總部警政大樓12樓
電話:	(852) 2860 3574
傳真:	(852) 2200 4514
公司註冊處放債人註冊小組
地址:	香港金鐘道66號金鐘道政府合署14樓
電話:	(852) 2867 2634
傳真:	(852) 2526 9495

關於不當追收債款活動方面的投訴，請到就近警署作出舉報。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
其他財務機構
《銀行業條例》(第155章) 所指的認可機構(包括銀行、有限制牌照銀行及接受存款公司)是受香港金融管理局監管。

查詢
如欲查詢申請放債人牌照及有關的註冊事宜，請聯絡公司註冊處放債人註冊小組：

電話:	(852) 2867 2634
傳真:	(852) 2526 9495

http://www.cr.gov.hk/tc/public/moneylender.htm

放債人牌照持牌人及放債人牌照申請人目錄可在本網頁查閱 (pdf格式)。

http://www.hkiva.org/viewthread.php?tid=1531&extra=page%3D1

....................................................................................................................................................
舊Post..

破產申請期間&破產後細型財務公司追數問題


http://www.hkiva.org/viewthread.php?tid=290

301

係呀,
大膽講句,
以上全是黑財,
即使申破左,
佢地係照做野.

你在光,佢在黑,
防不勝防,
唉,
黑財唔係依正軌辦事,
唔識教你咯.
避開下至上庭日喇.
:dizzy:
**有牌照又點!唔續牌佢可改招牌及持牌人再申請之嘛.

waiman123

多謝板主提供既資料,
我已經跟左條link去check左有關牌照既問題
就check到8間裡面有3間係有牌照,1間續梗牌
另外有3間都過左期好耐無續過,另外有1間就完全搵唔到,果間係(金x)
咁想問下板主咁係咪無續牌果d就為之無牌照呀?
咁佢無牌照咁我即係點呢???
係咪即係有續牌果d就破產令頒左之後如果佢繼續追同滋擾破署同警方都可以監管到
但未續牌果d即係無牌就即係頒左令都無作用呢?? T__T

dopod123

17# waiman123


我覺得你應該先同屋署講搬屋.你現在應知呢啲係咩數.唔係黑財噤簡單.
再叫你亞哥自動現身去報警講清楚全個過程,報警係唯一方法


{:4_180:}

waiman123

18# dopod123

我同媽媽已經約好明天會去"方"署嘗試申請掉屋既事項架啦
雖然搬屋可能會好d,可以阻止到破產之後繼續追數既麻煩
但我同媽媽都好擔心佢地會繼續搞我地既親戚呀
佢地係無辜,我同媽媽最唔想就係拖累到d親戚朋友,唉

另外我同媽媽去警署報案果日哥哥都係度架
佢已經落左份口供,我地都已經備曬案架喇
個CID仲留左佢手提比我地話有咩事可直接聯絡佢架!

301

19# waiman123

見唔到在名單內,
可能名單未 update ,
昨晚望一下你呢八間,
都話有 d 轉左招牌名咯.
但地址無變,你留意比較就知,

但總言之,
對方有違法行動追數,
就可向警方求助及向牌照課投訴.

相信你向房署能申請掉屋無乜可能成事,
但如有區議員或傳媒推波助瀾協助,係有 d 機會既.
:Q