終於約左交文件

catcat0308

我下星期要交文件同傾生活費喇,好緊張呀~~唔知會唔會遇到個惡主任呢?
我生活費諗住咁報:

食飯:$3000
車費:$900
(我是參考須知的,因為我住西貢,返工返觀塘,星期六、日要返柴灣返學,
唔駛返果個星期六、日我會上廣州搵我男友來回要$160蚊車費)
屋租:$3900(同姐姐住,屋租要7800,姐姐情緒有問題不能住市區,同埋我AUTOPAY過數的,沒有租單,但有租約可以嗎?)
電費:$200(已除了一半,但我唔齊之前三份既電費單啊..怎辦,我姐弄掉了)
上網費:$190(我名字登記的)
(不過是我媽地址登記的,因為我才搬了大半年,之前簽左一年半約,如果停要罰款,而且我有時放工都會上去用來做下公司野同功課)
手機:月費$98
雜項:$800(家庭用品,基本護理及衛生用品,剪髮,化妝品等)
衣服:三百(有時要MEETING,同埋公司要求女同事穿裙/西褲)
MPF:$500(月入10,000)
返學NOTES、文具及PRINTING費用:$100
醫療費:$200(公司CLAIM80%,自費20%,因為我有坐骨勞損,醫生轉介我做物理冶療每星期一次)
供養母親:$1000
(其實我俾開二千既,她有工作搵$7000,但欠HSBC十幾萬,供緊DRP$3700,又要交房租$1000,唔俾錢佢,我諗佢都要破產)

一共報生活費$11,188.00
水費我們好似無交過,因為無時間煮飯,用水唔多,煤氣用石油氣(而且一個月都無用到一罐亦無單,我家姐唔會KEEP),所以沒報...
我家姐係自僱人士~~收入唔穩定(不過係咪唔駛証明佢睇架??)
就以上既情況,我報這些合理嗎?
各位可否給我一點意見,謝謝?
同埋除左佢叫我帶既野之外,我仲要帶咩野去SUPPORT??(例如:媽身份証?)

謝謝各位!!

dopod123

供養母親.母親id要copy.但可比多啲錢母親用~~其它差不多啦,你再睇吓其它post

lalaeveryday

我都覺得報大d你供養媽媽的費用,唔得再 和主任 談判{:4_174:}

dopod123

點解大部份人啲電費都噤平.2-400一個月{:4_182:}



{:4_185:} 我呢幾年最平個月都要800

BB5555

車費可以加到$1,000 - $1,200 啦. 阿媽有野做兼唔一齊住多數唔批供養.

dopod123

其實飯錢都可先報3500等cut

BB5555

不過以樓主人工$10,000. 應該可以唔駛還錢比債權人. 就算係要比都估大約$500- $1,000係象徵式交待羅.

dopod123

8# BB5555


佢有3900租要交都乖得6100再減.應該唔駛還

catcat0308

謝謝各位意見呀,如果唔駛還就好了,因為我每月都好緊,我家姐收入唔穩定有時鬧情緒唔開工,我又要俾多d..
再還既話就好慘,因為之前男友在港打工時都可幫手一起還(有些錢是一起借的),但自佢失業上廣州,佢少左好多收入,我才申請破產,生活也緊迫左...
咁我將供養母親果度寫高d寫兩千喇,我會帶埋母親既收入紀錄,身份証copy,drp協議書,租單,希望佢體諒我媽,真係唔夠錢生活喇
車費寫一千(我會盡量諗下d車程同埋拿埋呢幾個月上廣州d車票尾上去,睇下佢批唔批喇)
我出左份雙糧(但因為之前問左朋友借$交最後一期學費,要還返俾人$5000),我而家剩返$4500,
我要俾多$1500,媽媽過年買野封利是,同埋部電腦又壞左(因為部機係acer機同埋五年前買,我朋友話好難整返),我想搵人砌部機約$3000,
交文件果日,如果我同佢講想申請用份雙糧買電腦同埋新年駛費共四千五,其餘五千分期還俾佢,佢批既機會大嗎??點講較好??

我唔記得同大家講我個case係外判左俾律師樓架..會唔會批既難度高左???

dopod123

我出左份雙糧(但因為之前問左朋友借$交最後一期學費,要還返俾人$5000),我而家剩返$4500,
破產後唔可以自己還錢比人,唔得架,唔好報
我要俾多$1500,媽媽過年買野封利是,
我諗呢個理由唔會批
同埋部電腦又壞左(因為部機係acer機同埋五年前買,我朋友話好難整返),我想搵人砌部機約$3000,
真有雖要我會買咗先
交文件果日,如果我同佢講想申請用份雙糧買電腦同埋新年駛費共四千五,其餘五千分期還俾佢,佢批既機會大嗎??點講較好??
過年自己要用$5000過年駛費,+買電腦$4000+買手機$2000
我唔記得同大家講我個case係外判左俾律師樓架..會唔會批既難度高左???
你邊間外判?

catcat0308

11# dopod123


我果間係周XX李XX行,咁我係咪應該買左電腦先,之後拿單同佢申請??
其餘既就同佢講已經用哂?分期俾返佢?
我見有D師兄話可以申請一千左右既新年費用,如果俾媽咪錢過年唔得,咁可以用咩理由申請架?

dopod123

你申請過年錢包括所有特別支出,年貨,比亞媽,去親友家等等.電腦如果急需我會買先再上報.有乘7000等佢批.
你情況都未批生活費,最後批唔批供養媽媽都未知,佢唔會理你亞媽是否有債務,總之有野做,有人工.本身要批錢每月要供養媽媽其實好難,
你要有心裡有數,所以其他開支個人生活.租金.食飯.交通,等要想一想,你寫比佢唔代表會全數照批,如食飯一般最多3500一個月.你可能3000
明唔明?{:4_203:}

catcat0308

結果佢除左租單咩都無睇~~之後將我報左12000既支出cut到9500,
佢將我屋租夾硬話(4000蚊包水、電、煤),醫療費唔批,我話我唔做物理冶療訓唔到,因為背胸骨衰退劇痛,
根本無精神返工,我做會計,dayday都要計數~~佢話物理冶療唔計,因為可選擇性唔做(我諗佢想講除非我唔睇會死先批吧)
供養母親五百,其他我睇唔到佢點cut,佢亦無去解釋,只係話而家計到係9500,你收入10000就要還五百,
我話唔簽,佢話咁你即係唔合作,咁我們就會再約過時間傾,但中間妳都要供款,
而且其實就算傾,我們都只會解釋返個計法,同再同你講解多一次,妳係要有還款責任~~如果我們感到妳唔合作,
我們會出信去你公司要求扣起我們想伙還既部份才出糧給妳~~
我話我做會計既~~你一通知公司我就會被炒~~
佢話呢個唔係佢地既考慮範圍~~
之後仲佢講左好鬼耐~~但我已經哭到收唔到聲~~
總括佢講既野,我得出既佢心底結論係,佢知我真係入不敷支,但佢有最基本既金額要交數(即佢話我最基本既還款責任),
我搵呢個收入,呢個年紀(80後),仲有學歷,而且行業穩定,就算佢感到你幾難負擔,佢都不能不做野囉~~
結果要我每月還款五百,同埋分期還返份雙糧(分40個月)~~電腦唔批
之前由九月至二月既還款..括免

lit1106

佢重要我寫封破產原因解釋信添！

話時話，有冇巴打/絲時打寫過？真係俾佢考起......:curse:

bb_q_888

14# catcat0999

原來你有弱點,你怕無左份工....

所以佢咁講,你不如向破署直接投訴.

我覺得你唔係唔想還錢,不過呢間好似迫得太緊....有d唔合理.

catcat0308

15# lit1106
我都要寫~~不過我都未諗到寫咩(無咩心機)

catcat0308

15# lit1106
佢仲叫我上環聯拿信貸報告潻~~又無左$180.00

bb_q_888

15# lit1106
佢仲叫我上環聯拿信貸報告潻~~又無左$180.00
catcat0999 發表於 2010-2-8 16:42

照寫數.....分開計....入佢數.

eric3210

$10,000蚊個月,其實每個月還$500又唔係多,又唔係還唔起,做乜咁大個女仲要o係外判面前喊呀,妳要諗o下,妳而家破緊產,真係有責任比返妳能力範圍內o既供款,比妳o的債權人o既.

豬公

佢重要我寫封破產原因解釋信添！

話時話，有冇巴打/絲時打寫過？真係俾佢考起......:curse:
lit1106 發表於 2010-2-8 16:11

因受信用卡廣告影響，申請多張信用卡，又不善理財，每月都有超支情況出現，長年累月加上沉重利息支出，惡性循環下導致要申請破產。