終於上咗XX舉手

20251023

前日約咗下午4點上去...去到坐低比咗一大疊紙我填資料
填咗半個鐘,交埋錢, 個師爺睇過無問題, 就叫我等3-4日佢地處理好文件,就可以上去宣誓, 佢話預下星期2

有啲問題想請教各位...
- 宣誓完係咪有會有所謂''臨時令''? 會有個號碼??
- 宣誓完 XX會幫我通知晒啲債權人? 佢地大概幾耐會收到通知?- 宣誓完, 係咪全部名下戶口會即刻凍結? 用開大貓出糧, 可以點做?
- 宣誓完要等幾耐先有''正式破令''? 係咪要上庭?
- 宣誓完幾時要傾生活費? 我前日上XX已經填咗資料有關生活開支...

另外, 本身都好重數吓:L1,2,3線都有, 電數1條, 一線有痕生(卡重組) 供咗幾年, 仲有11萬左右, 兄弟32萬, 還咗半年到, k現3萬, 還咗半年
其餘都係啲2,3線扣底財, 電數1條
2,3線扣底財啲數都唔算好大...都係1萬2萬咁..有2間係3萬..全部都還到半路中途..有啲差2,3期都完
想問2,3線扣底呢啲, 收到3姓通知, 係咪一定會即刻交收數搞我? 係咪都無辦法? 要捱到正式出咗令?
條電數就仲有2萬到, 諗住點都死埋比佢, 電數一定仲癲..

已經同屋企坦白咗, 屋企都知晒, 鬧就一定有, 但都叫原諒咗
而家驚啲2,3線唔知會做啲乜? 炸電話, 炸whatsapp就預咗, 會唔會上公司? 上屋企搞? 報警有無用?


謝謝各位...

Reborn818

宣誓還宣誓，至於幾時會有臨令破產檔案號碼，要視乎你律師樓幾時幫你去高院存檔。
同上，你出咗臨令律師樓先會幫你通知你啲債權人。
去高院存檔呈請出臨令後，一般排期五到六個星期（視乎假期多唔多同有幾忙），就會上庭正式頒令。
正式成功頒令後，幾時傾生活費？呢個好難講，因人而異，因為唔知你會跟主任，定直接外判定要等開債權人大會。。

Reborn818

正式金融機構如銀行或一線大財，收到你嗰三頁呈請一般就已經唔會再追，或者有任何行動。
二三線扣底電數嗰類，就肯定會繼續追你，狂炸你啲諮詢人，門口裝返個監控，應該有啲阻嚇力，睇吓有冇同學仔，可以反饋幫吓你點樣處理。

20251023

Reborn818 發表於 23-10-2025 14:15
宣誓還宣誓，至於幾時會有臨令破產檔案號碼，要視乎你律師樓幾時幫你去高院存檔。
同上，你出咗臨令律師樓 ...

多謝師兄回覆 :handshake
明白, 嚟緊幾星期都少紅日..希望盡快上到庭頒令:L
咁生活費傾之前, 我份糧可以照正常咁出? (假設無比人搞到工都無埋... :L )
傾生活費確認咗之後, 使唔使嘔返呢2個月啲糧出嚟?

20251023

Reborn818 發表於 23-10-2025 14:20
正式金融機構如銀行或一線大財，收到你嗰三頁呈請一般就已經唔會再追，或者有任何行動。
二三線扣底電數嗰 ...

多謝師兄回覆 :handshake
兄弟前日夠期...無供到..呢2日已經打電話嚟追...不過相對溫和..都係留咗口訊叫我覆...
2,3線果咋...下個月頭開始陸續到新一期...我估到時 3姓應該會幫我通知咗佢地...咁仲使唔使供? :L 唔供係咪就會開始做嘢? :L 我係咪要同佢講已經有三頁呈請有臨令號碼?
都預咗佢地唔會理臨令...講咗其實有無用? :L

Reborn818

20251023 發表於 23-10-2025 14:25
多謝師兄回覆
明白, 嚟緊幾星期都少紅日..希望盡快上到庭頒令
咁生活費傾之前, 我份糧可以 ...

未傾生活費之前份糧，你當然可以照用，到傾生活費嗰陣時，當然佢唔會叫你嘔返份糧出嚟（去邊到嘔俾佢），信託人會俾你分期的，假設佢要你每個月要上繳$2000，你頒令四個月先正式傾生活費，咁即係你欠佢$8000，呢8000一般佢會睇吓你人工幾多同你分期，假如佢俾你分10期每個月$800，咁你嚟緊嗰10期就$2800俾佢囉，如此類推。

Reborn818

20251023 發表於 23-10-2025 14:28
多謝師兄回覆
兄弟前日夠期...無供到..呢2日已經打電話嚟追...不過相對溫和..都係留咗口訊叫我 ...

一線過呢真係冇嘢，總之一有檔案號臨令，律師樓通知佢哋就全部會停，但至於二三線黑扣底嗰類，佢哋當然唔會理你，當然一定會喺你正式頒令前，睇吓收得幾多得幾多，但至於會有幾激烈手法，睇吓有冇同學仔可以上嚟講一講，因為我真係唔太清楚

20251023

Reborn818 發表於 23-10-2025 14:39
一線過呢真係冇嘢，總之一有檔案號臨令，律師樓通知佢哋就全部會停，但至於二三線黑扣底嗰類，佢哋當然唔 ...

睇呢度啲師兄分享..一線應該收到號碼都會停
而家係驚啲2,3線唔知會點追...上門上公司上屋企搞就煩 :L 呢啲情況係咪都做唔到啲乜? 3姓都幫唔到我啲乜?
最驚搞到工都無埋, 我普通文職, 搞到上公司唔知佢地會做啲乜 :L

假設下個月頭佢地收到3姓通知, 如果我下個月頭嗰啲照正常咁找...佢地會唔會唔搞住?  

20251023

Reborn818 發表於 23-10-2025 14:36
未傾生活費之前份糧，你當然可以照用，到傾生活費嗰陣時，當然佢唔會叫你嘔返份糧出嚟（去邊到嘔俾佢）， ...

明白:o 多謝師兄指教
我人工扣埋MPF得23K, 有老婆,有個囡,有個老人家要養
唔知批幾多 :'(

金龍華

其實黑財會咁順攤咩？ 未借過真係唔知

Reborn818

20251023 發表於 23-10-2025 15:25
明白 多謝師兄指教
我人工扣埋MPF得23K, 有老婆,有個囡,有個老人家要養
唔知批幾多  ...

睇吓你有租金嗰度有幾多，同老婆有冇做嘢
不過其實主要睇吓你跟邊個啫，暫時好難講

Reborn818

真係唔知有無甘順攤，因為我都冇借過。 等同學仔反饋吓，不過條T先生分身應該好快又出嚟嚇鬼，噏三噏四

nothingmore

金龍華 發表於 23-10-2025 18:37
其實黑財會咁順攤咩？ 未借過真係唔知

梗係唔會啦，好多方法可以玩個債仔，逼佢交錢，差佬都吹唔漲。打去公司同咨詢人要落佢臉同埋侮辱佢，繼續唔還就去公司屋企貼大字報。可以肯定二三線就唔會淋油，打心理戰多。電話仔就有一半機會上色，睇你條數幾大，一般條數唔大還左都差唔多，就只會文字戰，發淋油合成圖片或短片恐嚇你入數，身邊人會收到騷擾電話同短訊。去到最尾，人唔要臉，天下無敵。

nothingmore

20251023 發表於 23-10-2025 15:25
明白 多謝師兄指教
我人工扣埋MPF得23K, 有老婆,有個囡,有個老人家要養
唔知批幾多  ...

一般個人就8000到10000左右，都係睇你跟咩人。囡就大約幾千，其他雜費有單有得傾。老人家可能直接叫佢拎老綜，人頭批都係3000-4000，有可能睇埋你有無兄弟姐妹分擔返。老婆都唔一定批，有工作能力。估計批都係17000-20000左右，其他上繳，最多咪3000到5000左右。到時咪試下傾，有單拎單，基本上屋企開支應該會叫老婆分擔，批成點就未知啦。如果無租金，最大生活費既組成部分，9成機會都要上繳。

konate1985

Reborn818 發表於 23-10-2025 19:16
真係唔知有無甘順攤，因為我都冇借過。 等同學仔反饋吓，不過條T先生分身應該好快又出嚟嚇鬼，噏三噏四 ...

我都想先睇下佢UP乜;P

Reborn818

konate1985 發表於 23-10-2025 21:33
我都想先睇下佢UP乜

我都話T先生實出現架啦，講開二，三線收數，被人Ban完都忍唔住又再開分身出嚟鳩噏一番。

Lawlaw1990

我只能夠反映到一間俾c兄係x兩果間pk，我新舊地址同埋資詢人地址全部都收到封身份證名連大頭再唔覆行動升級俾我之後，我發現進入左無

Lawlaw1990

無謂無懼既階段，家陣話之佢地打黎留言爆粗又好做乜我都無理

konate1985

20251023 發表於 23-10-2025 15:19
睇呢度啲師兄分享..一線應該收到號碼都會停
而家係驚啲2,3線唔知會點追...上門上公司上屋企搞就煩  呢 ...

我得閒時詳細少少分享下我經驗

但睇落你屋企人已經知道件事, 餘下主要擔心份工, 23線電數呢D極大機會打去你公司(你申請時實要寫低公司電話吧), 呢點你要有心理準備