因屋企人有賭習慣，想知破產對我有幾大影響？

Ihatemymum

有睇過我分享都知我有個會賭錢屋企人
屋企人為左有錢長期揸手，
有陣時會未經我同意及係未知情情況下拿我銀行卡去用。

咁佢當初因為要申請綜援而取消左尸火會戶口，
但係我18歲個年，我同同學朋友買左人生一次六合彩
比尸火會職員sold開戶口有禮券送，
我就因為比佢啲禮券吸引左而開番個，
諗住開左收埋唔理唔用。
始終食野可以平啲又有啲係唔洗錢。

有左張尸火會卡後，我就放埋一邊無理。
但比我屋企人尋我間房時發現。
屋企人拿左我張尸火會卡表面話要充公我驚我亂賭錢，
但我除左比廿蚊買下六合彩，根本其他都唔識賭。

所以實際上係佢想拿我卡去賭，
最慘係尸火會職員幫我連結左銀行戶口，自動轉帳。
一直都想取消戶口，但屋企一直又煩又阻攔等一直都取消唔到。
後來我轉用現金出糧工，唔入錢銀行等佢無得玩，
但點知現金比家用佢都會入錢落銀行玩，

呢樣都嘈交好多次交，精神崩潰，
有刻嚴重到內心唔係想自x，而係想消滅眼前呢個人，
但奈何佢係屋企人同唔可以做犯法野所以都忍住。
報警搵社工都無用，因為屋企人對佢地一個樣，
對我就另一個樣，係到扮死狗扮可憐扮好人。

成日都係到將自己放係最可憐位置話自己當我係屋企人邊會咁狠心咁樣對自己個女，仲要反過來話我不孝等。
仲有次係popo面前告我打佢，但明明係佢出手先，
我先自衛擋住捉住佢，搶走佢把knifx時佢自己跌低。
警察話要驗傷，我話好，咁驗埋把knifx，我屋企人先扮曬野話「咁又唔洗，大家屋企人有拗撬都好正常姐，我女唔係有心既，今次算啦，我原諒佢就得啦」
個下望住佢，真係唔知可以講咩，神又係佢鬼又係佢。

所以問題黎啦，我一直都只係用中x卡，
出糧，無限公司戶口出入數。尸火會都用佢，
如果申請破產會唔會有咩影響？
另外尸火會戶口卡係屋企人到，如果無卡直接取消戶口得唔得？

Bsm

取消馬會戶口，最直接去投注站問

迷途小子CKH

冇卡都可以取消 去投注站講話取消就得

Ihatemymum

迷途小子CKH 發表於 11-10-2025 22:14
冇卡都可以取消 去投注站講話取消就得

係唔知 我用呢個銀行搞無限公司 同佢用我銀行卡 賭有無影響 雖然我係一個月先得幾百至千幾收入

Reborn818

會有咩影響？數目甘細，破署無甘得閒理啦。擰個身份證行去任何馬會就可以取消戶口，就係甘簡單。