要規劃吓人生下半段點行(已經無晒自信 各位師兄比啲意見)

OTTO

話說月頭先去左啲兄弟個盤度做(自己友方便出現金糧)
想像永遠都很美好既 1500蚊X30日 咁咪有4皮半囉 但可惜現實都會有好大既出入
半個月幾日黑雨 泥水佬做唔切-我做唔到木器  石膏板佬未封板-我做唔到油漆  
商場盤幾萬呎 我有木工 油漆大工牌 識人又識做 都唔撚夠野撈 返埋琴日又要停工等電話  
個兄弟有開口叫我去其他行家度頂幾日 我依加唔敢去啲唔識既公司度做 廢事又追糧 近幾年經常發生
自己知自己事 房署 ASD果啲盤又要啪卡 老強 銀行出糧 我銀行戶口都凍結左 有啲盤唔做得 好局限  
都21號咯 今個月得8工半X1500蚊 我都無眼睇

琴日收工過左去老豆樓下大排檔隊啤 兩父子加埋110歲 飲到零晨2點人地收檔 趕都唔走
事原係依幾日有啲財仔追數信 律師信寄左去我老豆果度(我覺得啲財仔(幫民)好神通廣大 我TU都無SHOW過依個地址 唔知佢點會寄到黎)
想當年仲未開公司但又接左好多訂造傢俬單 啲閪佬報我幾百萬收入 之後比稅局 房署搞
聽啲兄弟講拿拿淋開間有限公司化下稅咁囉
我好細個已經搬左出黎自己住 相處好同住難 後生果陣又爛玩 驚起唔到身返工 所以啲地盤做到邊就租到邊
2014年咁上下 我老豆老母仲住公屋既(但間公屋仲有我名既)  諗住去房署除名 點之房署話我除左名就住唔到3-4人單位
依單野攪到兩老差唔多公屋都無得住 點行都死 之後攪攪吓焗住走去綠表抽居屋
我老豆老母果陣都50幾就60歲 都半退休無乜收入 佢地都講到明無錢供架 叫我諗清楚
話就話揾幾多幾多  覺得自己好撚勁 但一炮過拎百幾萬出黎又真係拎唔出:$
上會25年做唔到 又拎埋我既月結單稅單諗住做埋擔保(可能就係咁比財仔揾到)
搞左一大輪 後尾出左個2年樓花+10年樓按 兩老聯名就唔洗我出名  我記得上會果陣係2014年尾 計計數仲有1年多啲供斷
(我見好多同學仔 又話比破局查數，T字頭果個又話要拉要鎖:@其實我數冚數都3-4年啦 當然有幾十萬係用左係依度 雖然層樓無我名 咁多年都完全無銀行過數比屋企 全部都現兜兜比佢地攪 依方面係我其中一個擔心 唔想舉手住既其中一個原因)
其實年幾前我老豆都知我唔掂 但實際咩銀碼佢未知 佢仲諗住話賣埋層居屋救我 大不了兩老返鄉下住喎
我話差成千 耶穌都救我唔到!!  賣樓救仔都講得出 大排檔5舊幾水 扮醉屈鳩個仔埋單 薑始終係老既辣!

我老豆話裝修工程地盤無得做啦 如果仲有得做 我就唔洗爆煲啦 都無人起樓買樓 發展商都爆鳩晒
又拖糧又走數 開工不足 外勞做政府地盤 黑工又搶埋啲裝修 做條柒咩
叫我返去渣中港貨車算啦  我廿幾歲果陣屈鳩我去考晒啲車牌幫佢頂更 香港有1,2,18,19車牌 大陸有A2車牌。
因為我老豆退休前都係做中港運輸既 後生玩得多 身體唔掂水 幾十歲都成日射波揾個仔頂更  
佢有依方面既圈子 話依幾日同班uncle飲茶講聲
話做得運輸個個都甩皮甩骨架啦 戶口凍左 破產好閒啫 可以叫uncle入落我老豆戶口都得喎(摸過都唔見幾斤)
自己人好易話為 話唔識人車都無撚得我渣喎 邊個敢比部大車你開返大陸 部車都一百幾十萬 拖埋批貨走佬 個老細跳樓都唔掂

話時話我依幾個月又真係開唔足工 真係要諗諗係咪要轉行
話就話1500蚊/日 個個月開得十日八日 揾得萬零蚊 出完糧拎9000蚊舉手都有壓力 比完錢都唔知點開飯 所以一拖再拖
因為自己都唔後生啦 轉行都無所謂 但係咪真係有路行先
(我老豆都退休10年8年outdate架啦 有無師兄撈中港車架 依加咩行情 想知多少少  )
以前我好自信架 唔聽人講架 可能個袋口有錢，衰左啦 啫係証明自己果套唔得囉 依加我真係要規劃好先敢行
後生仔果團火已經熄鳩左好耐 40歲有多再跌低真係爬唔起 要多啲聽人講 真係三思而行

如果我真係轉行就唔洗租深圳間屋 屋企人係東莞有屋 做運輸依個位去邊都好方便
我老豆講既依條路有無得諗呢 我依加個情況自己開飯$10000 比老豆供樓12000(仲要頂多16個月) 水電雜費3000  
計到盡唔比家用住都要$25000開支 開支又計唔掂數 比$9000舉手之後又唔夠錢開飯 好頭赤!!!
我好似一步錯 步步都錯咁 唔識再選擇 各位師兄有時間比啲意見

timmoz

OTTO 發表於 22-8-2025 02:11
T字頭估到你會出黎鳩UP
日日都又拉又鎖 你好驚咩?? 你估係你拎條電仔3000銀都比人玩到瀨晒尿咩
你快啲去 ...

知你咩牌都有啦，好撚勁啊…宜家咪又係死狗咁，人生點行都要問人，自己睇路啦，時日無多，末日已到。

timmoz

完全錯撚哂，講到識飛都無用，就算唔拉唔搞你，你都要諗下長遠發展事業，現金糧朋友一樣搵鳩你笨柒大有人在，見利忘義，已經唔講老豆呃仔呢d野，雖然日日都有。老老實實，如果仲識小小字既話，去讀返個安全主任先，有資助你讀，讀完輕鬆3皮開始人生。等開工無咩意思，好快外勞取代哂你就食西北風。短暫搵下保安或者重型車長工做住先，唔好諗咩日薪工，每月咁柒多開支無月薪搞唔掂。拿拿臨入學，唔使諗，財仔可以透過銀行，電訊公司起你底，交換哂資料，還唔到就破無懸念，唔使自high覺得可以，可以還到，搵到錢，宜家咩環境大家知，個人開支都搞唔掂仲唔面對真係玩完。

OTTO

timmoz 發表於 22-8-2025 01:40
完全錯撚哂，講到識飛都無用，就算唔拉唔搞你，你都要諗下長遠發展事業，現金糧朋友一樣搵鳩你笨柒大有人在 ...

T字頭;P估到你會出黎鳩UP
日日都又拉又鎖 你好驚咩?? 你估係你拎條電仔3000銀都比人玩到瀨晒尿咩
你快啲去考個保安牌啦 保安局長有得你做呀 輕鬆月入37萬開始人生呀 生意好呀
呀叔地盤入左行廿幾年啦 安全督導 T1果啲攞左十幾年啦 你攞左平安卡未呀??
你車牌考左未呀?? 無車牌唔緊要 都可以踏部單車送外賣架 單車都無錢買住 都唔緊要  明天會更好呀
人生就梗係有起起落落架啦 我好積極面對人生架 我又無你咁叻 所以咪問吓啲同學仔意見囉

OTTO

timmoz 發表於 22-8-2025 03:07
知你咩牌都有啦，好撚勁啊…宜家咪又係死狗咁，人生點行都要問人，自己睇路啦，時日無多，末日已到。 ...

嬴就係嬴 輸就係輸 好清晰既
我衰左我認 我死晒狗我都認
咁唔係點啫 唔做就飯都無得開 馬死都要落地行架
我淨係做開地盤 同埋 識渣下車 都未做過其他行業 唔識就虛心問
如果咁撚勁就唔洗比你串啦 今日唔掂啫 衰一世咩
既然以往做開既行業無運行都要轉行架啦 做人面對現實架啦
問吓師兄既意見又得撚罪你咩

timmoz

OTTO 發表於 22-8-2025 03:35
嬴就係嬴 輸就係輸 好清晰既
我衰左我認 我死晒狗我都認
咁唔係點啫 唔做就飯都無得開 馬死都要落地行 ...

加油啦，谷底總會反彈，好快成功，最緊要清楚知道自己想要咩。

Bsm

OTTO 發表於 22-8-2025 03:35
嬴就係嬴 輸就係輸 好清晰既
我衰左我認 我死晒狗我都認
咁唔係點啫 唔做就飯都無得開 馬死都要落地行 ...

師兄早啲休息啦，明天又是另一天。

Man1303

加油呀 師兄 我做街市 同你差唔多 不過我不是供樓 我係要養小朋友 現在所有行情都麻麻 真係項到一日就一日

小白新生

經濟唔好學歷唔高。1500日薪嗰D低潮啫。

小白新生

可以考慮考個的士牌冇工開就補貼下。

nakamura

小白新生 發表於 22-8-2025 07:23
可以考慮考個的士牌冇工開就補貼下。

要熟路周圍去至揸到喎

OTTO

小白新生 發表於 22-8-2025 07:23
可以考慮考個的士牌冇工開就補貼下。

考個的士牌無信心 記唔到啲街名 同埋無咁既時間同銀紙
既然要渣車揾食 倒不如開部大車仲揾多啲
其實大家認為裝修呀 工程 仲有無得攪落去呢 真係好多未知數 開工不足 收錢麻煩
我仲係度諗緊轉唔轉行 40歲先黎轉行有啲唔知點咁

失控的人

OTTO 發表於 22-8-2025 07:55
考個的士牌無信心 記唔到啲街名 同埋無咁既時間同銀紙
既然要渣車揾食 倒不如開部大車仲揾多啲
其實大家 ...

其實裝修都應該有得做，四十幾歲轉行都冇問題，最緊要有人請，香港根本就冇退休年齡，加油C兄

Bsm

OTTO 發表於 22-8-2025 07:55
考個的士牌無信心 記唔到啲街名 同埋無咁既時間同銀紙
既然要渣車揾食 倒不如開部大車仲揾多啲
其實大家 ...

我都係一樣無其他技能，現在做緊保安現金糧。安定左卜就考多個巴士牌去搵司機工。

Reborn818

裝修係仲有得做既（加埋師兄甘多兄弟撐），只係今年天氣騎呢影響進度，其實唔使甘灰的。
言歸正傳，如果世伯中港運輸個邊有人脈網絡，而你又齊哂大車牌，當然有得撈，我地成人講笑話，香港而家除咗撈中港運輸個班，算做穩定上揚，其他所有行業（唔計政府工同醫護），大至上都係窄窄地啦，但當然而家情況，唔會係世伯年代時甘多古惑野甘好撈（哈哈，Uncle後生時應該好Yeah下，錢又易搵上面女又多）。
我係一隻I.T狗，同過好多唔同行業既撚樣做過各式各樣既網絡工程，個d咩酒樓佬，律師樓會計師樓，甚至政府部門，傾同找數最爽快就係做中港運輸個班，哈哈。

danzighill

小白新生 發表於 22-8-2025 07:23
可以考慮考個的士牌冇工開就補貼下。

宜家的士都仆X啦，仲係風光時咁好揾咩，走去楂部29座出返1200蚊日好過。

OTTO

Reborn818 發表於 22-8-2025 10:14
裝修係仲有得做既（加埋師兄甘多兄弟撐），只係今年天氣騎呢影響進度，其實唔使甘灰的。
言歸正傳，如果世 ...

岩岩我老豆打黎 話同啲呀叔單左聲
比左2條路我簡
1:繼續做裝修 無野撈就過去炒更開38吨 邊境過車做瓜果菜(啫係開台車過關 同部大陸車屎忽對屎忽 等班高材過車 唔洗我搬既 裝滿就走人返香港食口煙 等拆櫃過車比人派貨 簡單易做 但要返夜7至5 日計又得 每轉計都得 大約都係1300-1400蚊/一晚咁上下 一晚跑2轉 過時過節跑多轉有錢補 收工要交倉交車。
2:都係開部38吨 大多數都係跑東莞,佛山,江門 入倉收貨(傢俬,建材之類)要識字點貨 ，好彩既一轉爆車，唔好彩既要走幾個點收貨，香港依度有人排點 開住個導航跟住行收齊貨 ，滿車張單過$15000運費 照單價既20%係我既人工，公司包入油 唔包高速費(所以唔係趕時間應該全程國道) 計埋排隊過關查車 上落貨過車一日跑2轉人都癲，大陸倉8點開門 可能要6-7點起床開車 窮既話跑2轉 月入十皮(未做就講乜都得 天花龍鳳，做落唔夠單都係67)，但唔知公司有無咁多單啫。返黎香港倉過完車 可以收工開埋部車返東莞屋企，如果做依份就做唔到裝修，亦唔洗租深圳間屋，每星期六出糧 師兄點睇

OTTO

OTTO 發表於 22-8-2025 16:50
岩岩我老豆打黎 話同啲呀叔單左聲
比左2條路我簡
1:繼續做裝修 無野撈就過去炒更開38吨 邊境過車做瓜果菜( ...

我無20牌開閪  原來佢地講既38吨係19牌 講到我R晒頭 實際開24吨車

Bsm

OTTO 發表於 22-8-2025 16:50
岩岩我老豆打黎 話同啲呀叔單左聲
比左2條路我簡
1:繼續做裝修 無野撈就過去炒更開38吨 邊境過車做瓜果菜( ...

呢啲真係比唔到意見喎，如果唔係單身，始終留係香港做好。

OTTO

Bsm 發表於 22-8-2025 17:12
呢啲真係比唔到意見喎，如果唔係單身，始終留係香港做好。

我4張野 仲單身架 周身無蚊 都無得簡啦 最緊要唔洗銀行出糧 揾野撈都好局限
依排無裝修做 等電話等運到
唔理得咁多 下星期一炒住更 車住菜先 睇下做唔做掂先
好多年無做 過關啲流情無乜印像