已經申請臨令， 有些問題想請教（擔心中..）

HoiyK

唔好意思， 我份帖比較長， 多野問， 請見諒.

我已經7月25號到高等法院申請左臨令，申請完剛好發現呢度， 不停睇相關帖去了解， 但亦有一些事情想係度請教大家.

（1） 想問有臨令之後，銀行戶口暫時仲用得， 若家人想轉錢去銀行戶口俾我用， 可唔可以？ 要唔要之後解釋. 定還是用現金俾我好？

（2） 我有馬會戶口， 亦準備去領正令前取消，但戶口仲有些少錢， 想問取消左之後除咗要拎取消證明，破產署會唔會要知我取消時個餘額？我想拎埋黎用怕破產署知要我俾番出嚟.
另外我算係因為賭馬會輸錢而申請破產， 幫我做間公司叫我準備定馬會投注紀錄用黎話俾破產署我投注幾多同輸左幾多， 想問馬會有冇類似月結單， 定我自己係投注戶口紀錄截圖？

（3） 我嘅欠債人有UX, X錢包， 現金pro, Aexx (百貨）， 日本xx通，Wexxxd,Crxfit. 臨令幫我做間公司已經send 晒俾佢哋.
我細膽， 所有電話我都無聽（啲陌生電話會上網check 邊度打黎）. whatapp搵 我就send 番臨令俾佢哋.

暫時
-x銀包send 完就凍結戶口（無再搵我）
-UX 本身2筆9號，1筆26到期， 有臨令頭幾日仲打過黎， 到咗30號之後就無再有打.
-Crxfit whatapp左佢哋， 佢哋都話會出律師信同反對我破產/仲話交收數， 日日都打2/3個電話（我都係無聽）， apps 又有信息.
-現金pro 我26號過期，我30號Whatapps 左多一次臨令 俾佢哋， 雖然佢哋話叫我打電話搵職員， 但之後就無再有佢哋嘅電話打黎（只send 過1次MSG 話我過期6日， 俾個link我叫我過數）
-Aexx 20號到期，初時都有send 信息， 但30號後就無左搵我
- 日本xx通/ Wexxxxd 就因為8月中先到期， 所以無搵我.

我太細膽， 唔想去應對啲電話. 我亦有係呢度睇啲公司係臨令到頒正令期間嘅行動.

而家我只可以確定x錢包係唔會再搵我.

但我想問UX/ Aexx 過咗30號無再打黎係咪基本上我可以確定佢哋係停咗去追？

Crxfit 但不停打黎同send MSG, 我係咪可以繼續唔理佢都到頒正令？

現金pro 我30號send左臨令 佢覆我Whatapp就叫我聯絡職員， 但之後只send 一次MSG 黎叫我過數， 我都係咪可以唔理佢？

我自己一個人住， 怕佢哋會上門， 又怕佢哋會寄信去我間公司， 我唔想俾公司知我破產. 呢個星期我已經驚恐住咁過， 希望到9月2號上庭前可以平安度過.

請大家幫幫忙解答一下我.

konate1985

CRE仔可以不理, 頂籠WHATSAPP一次臨令俾佢咯之後不用再理;P

HoiyK

konate1985 發表於 3-8-2025 11:46
CRE仔可以不理, 頂籠WHATSAPP一次臨令俾佢咯之後不用再理

Crxfit佢每send 一次Whaptapp黎， 我就send 臨令俾佢， 但電話就日日有， 今早佢個apps都有出信息俾我.

如果咁講， 我可以唔理佢.

而家擔心其他公司.

失控的人

呢段時間都幾難挨，不過挨到頒令就松口氣，不過之後米又係有野去處理，一步步來，我都2個月唔聽電話直到頒令後先聽返電話

Reborn818

1. 唔知你用邊間銀行戶口，如果有牙齒印嘅一般好快凍結，如果冇牙齒印嘅有啲可以捱到頒令後先凍，但有臨令後，親人俾錢你用嘅，盡量俾現金啦，我建議唔好再入落去啦。
2.馬會戶口，如果嗰啲錢唔係大數目，其實冇所謂，但我之前冇取消，交26頁嗰陣時我同佢講因為我驚破產處會問我要交易記錄，後來佢寄信嚟話佢自己同我取消咗（但我戶口嗰陣時剩返兩蚊），所以你想點做我都覺得冇所謂，照我所知，如果之後你想攞返啲交易紀錄，一般可以攞到三年，但好似要俾幾百蚊。
3. 好多舊文有講過，開於追數，其實你嗰堆，照我所睇係日本仔同V，可能會煩d，其他嗰啲根本問題不大，係維仔就好煩，其實都冇乜實質性傷害。

aeiou

V仔收到臨令，回WhatsApp覆已登記，然後可能一個禮拜之內會比收數公司，我嗰陣時就係臨頒令之前一個禮拜通知佢，跟住隔咗兩日收數就send咗個message俾我，話要還一期俾佢又話要上門，跟住我喺網上報案投訴佢，send埋WhatsApp俾V仔然後就靜晒。

aeiou

至於維記，呢間正一垃圾，呢間嘢循環攞佢啲錢就開一個新合約，九萬幾個還款期，我係過到我攞證明嗰日話俾佢都係唔係好多，咁我就叫屋企人用現金入俾佢個dbs戶口，差唔多到頒令之前嗰幾期，交都費事交，日日打嚟追捱到頒令嗰日，我就send咗份臨令俾佢，通知佢今日已經頒咗正令，叫佢唔好撚煩我，跟住嗰日佢就凍結咗我個戶口，不過佢隔咗一個禮拜收咗公司打嚟叫我還錢，佢話要收到正令先至算係，我就屌到佢反艇，然後打俾佢個CS， CS話唔關佢事，叫我打返佢賬務部，我乜都唔理我直頭插個CS，話如果我再收到啲追數message同埋追數嗰啲信息我就會去投訴，跟住就靜晒。不過我check返個戶口，佢無端端開返戶口俾我，想陰9我，喫屎啦。

aeiou

Cxxxxxxpro我都有，我都係拖到頒令嗰日先通知佢，WhatsApp咗啲資料俾佢之後再冇搵過我。btw財務公司可能會Review個客人，我算好好彩幾間麻煩嘢都冇Review過，順利過渡到正令嗰日

konate1985

aeiou 發表於 3-8-2025 14:41
Cxxxxxxpro我都有，我都係拖到頒令嗰日先通知佢，WhatsApp咗啲資料俾佢之後再冇搵過我。btw財務公司可能會R ...

呢度REVIEW既意思係指?

aeiou

即係財務公司會定期checkT U,睇吓客人而家嘅狀況

konate1985

aeiou 發表於 3-8-2025 15:43
即係財務公司會定期checkT U,睇吓客人而家嘅狀況

哦, 你講既野有D似REBORN兄之前講過類似, 你既債權人(一線個D)會定期REVIEW CASE, 例如睇TU紀錄啊 信貸額啊, 頒左正令可能做多次FINAL REVIEW, 無問題就當呢隻CASE CLOSE FILE

HoiyK

失控的人 發表於 3-8-2025 12:44
呢段時間都幾難挨，不過挨到頒令就松口氣，不過之後米又係有野去處理，一步步來，我都2個月唔聽電話直到頒 ...

我可否問一下‘有野去處理‘是指其他申請生活費定關於借貸公司追數？

HoiyK

Reborn818 發表於 3-8-2025 13:05
1. 唔知你用邊間銀行戶口，如果有牙齒印嘅一般好快凍結，如果冇牙齒印嘅有啲可以捱到頒令後先凍，但有臨令 ...

謝謝解答

銀行個度我屋企人唔等我答就轉左錢去我銀行度， 睇嚟有排煩…要同佢哋講先得

馬會個度咁應該取消左就得

追數個度， reborn師兄你咁講就係未到期個2間比較麻煩， 頭痛中….希望捱得過， 同唔通知公司啦⋯⋯

HoiyK

aeiou 發表於 3-8-2025 14:35
至於維記，呢間正一垃圾，呢間嘢循環攞佢啲錢就開一個新合約，九萬幾個還款期，我係過到我攞證明嗰日話俾佢 ...

謝謝adjourn師兄嘅解答

Wexxxxx呢間我見你同reborn 師兄咁講， 會麻煩應對啲.

維記（Crxfit)呢個照你咁講， 佢哋係咪有打過去你公司叫你還錢？ 我就最怕呢樣野.

konate1985

HoiyK 發表於 3-8-2025 12:18
Crxfit佢每send 一次Whaptapp黎， 我就send 臨令俾佢， 但電話就日日有， 今早佢個apps都有出信息俾我.
...

佢個D電話, BLOCK幾次佢就會消失

乂紅眼

Crxfit  我之前佢地都話會出律師信同反對我破產/仲話交收數
最終交收數,間中打黎無留言,有打過一次公司搵我,一封信
果D咩反對破產,律師信依D唔洗理會,佢地份犒係要咁講,睇返10個有依間,都係收同一種對話！
(好似來電詐騙讀犒一樣)
UX 同佢講記錄低就無野
WEXXXX 話比收數,只留過一次言同寄過一封信 無搵我所以我都覺得最煩唔係WE 而係維記

HoiyK

想問 <Vcrxxit Finxxxx Limxxd> 係咪即係Crxfit? 因為收到一間叫創新SMS話呢間公司授權佢哋處理過期款項事宜， 想問佢哋會點做？

另外我本身日本xx通同Wexxxd本身每月8號過數， 之前幫我做間公司話已經fax晒臨令俾所有公司， 但佢哋今日仲send SMS提我聽日會自動轉帳， 我剛剛已經cut左佢哋係銀行嘅自動轉賬. 我個恐懼感又增加， 因為唔知佢哋會點.

而家日日有3704字頭同3018字頭電話日日打黎.我仲未有勇氣去聽電話.

Dck89

HoiyK 發表於 7-8-2025 17:39
想問  係咪即係Crxfit? 因為收到一間叫創新SMS話呢間公司授權佢哋處理過期款項事宜， 想問佢哋會點做？

另 ...

咁岩你講起e樣野  如果你用開某戶口過數比v仔   記住唔好擺錢（正路都拎哂出黎有臨令）我早排用緊果間銀行打比我（果陣等緊正令、銀行自己凍左先）凍之前我取消哂自動轉賬授權   佢話v仔係咁撳自動轉賬  問我點攪   我話我授權又取消左 戶口又凍緊  佢撳轉帳我都無辦法

timmoz

HoiyK 發表於 7-8-2025 17:39
想問  係咪即係Crxfit? 因為收到一間叫創新SMS話呢間公司授權佢哋處理過期款項事宜， 想問佢哋會點做？

另 ...

又有v仔同we仔，準備卜街都得啦！兩間都搞屋企搞公司，特別係we仔，cls到極點，會去你公司大叫搵人傾債務。v仔已經係比較細力既一間，通常打電話派信影張圖就算。

timmoz

Dck89 發表於 7-8-2025 17:50
咁岩你講起e樣野  如果你用開某戶口過數比v仔   記住唔好擺錢（正路都拎哂出黎有臨令）我早排用緊果間銀 ...

如果自動轉帳唔取消，每個165蚊左右，一間扣十次，一個月咁扣都成皮手續費，記緊取消。