求救想舉手但户口有另一半嘅錢

dog99 · 发表于 1-8-2025 11:09:55

本人2月失業，上年年尾12月時喺獅子到借咗80萬，積蓄就因為一直有網賭自己輸得7788，失業之後將借返嚟剩低嗰60幾萬入晒落牛牛到玩期權，4月時贏到300幾百萬，有分別將百幾萬攞過出嚟銀行，有十幾萬去咗入錢網賭，其餘嘅都喺牛牛慢慢輸返晒之後入返晒落去。

但喺6月時，我嗰時輸淨返30萬諗住買返普通股票安全啲就算，但覺得本金唔夠，氹咗女朋友放咗40萬喺我到，因為佢知我前排賺咗好多錢都信咗我 (佢唔知我咁快又輸返晒出去)，想放喺我到當投資。

但我前排又手多，將自己嗰30萬蝕晒出去，仲蝕咗佢幾萬蚊，因為本來每個月靠呢啲嚟還債，依家冇晒希望想舉手，日日都提心吊膽，但我想俾返啲錢我女朋友，本來打算下年結婚，好唔想俾佢知我咁失敗。

1) 想問下啲錢我直接俾返女朋友然後再去搞破產得唔得？ (當初佢轉俾我時有經銀行轉) 我可唔可以話還錢俾佢？定攞返現金出嚟去一轉澳門先得？

2) 女朋友喺做銀行有關嘅工，如果我搞老破對佢會唔會有影響？(因為當初入職嗰陣有宣誓過我喺佢另一半，我都有用佢公司福利，驚銀行查到會對佢有影響)

3) 佢會唔會知？(好驚銀行會查到我係佢伴侶會通知佢之類)

4) 我一直有用信用卡套錢出嚟，一開始套咗十幾萬入埋落牛牛，之後每個月還少少，其餘再用支付寶套另一張卡，再入落去找數，找完再套返出嚟俾另一張卡，
請問咁樣做法會唔會有問題？到時係唔係照直講就得？(上個月俾銀行cut户口，依家下期淨返6萬要找)

5) 期間網賭嗰十幾萬有用銀行過數，係唔係照講網賭就得？

6) 本身有間公司，但因為個個月蝕錢，係6月嗰陣轉咗名俾其他人賣咗，啲錢有一半輸咗，有一半用咗嚟找卡數，想問係唔係照講就得？因為我個個月都係蝕緊錢，應該唔會話我破前賤賣公司？

麻煩晒咁多位師兄

Reborn818 · 发表于 1-8-2025 11:21:36

師兄，你問題有部分都幾複雜，等我消化下，今晚再回覆你。

dog99 · 发表于 1-8-2025 11:55:40

Reborn818 發表於 1-8-2025 11:21
師兄，你問題有部分都幾複雜，等我消化下，今晚再回覆你。

感謝師兄，如果冇問題我都想即刻搞，因為仲有6萬數下星期都仲要找...

dog99 · 发表于 1-8-2025 13:23:00

其實上個月已經想直接破，但驚俾唔返啲錢佢，依家最擔心係呢一樣

Reborn818 · 发表于 1-8-2025 13:43:15

先答你一，如果你還完錢去老破，申唔申報都好大機會搵你女友，要佢解釋，同有機要佢擰返出嚟。所以你最好再諗其他方法。

dog99 · 发表于 1-8-2025 13:50:23

Reborn818 發表於 1-8-2025 13:43
先答你一，如果你還完錢去老破，申唔申報都好大機會搵你女友，要佢解釋，同有機要佢擰返出嚟。所以你最好再 ...

過大海可行嗎，因為見有啲師兄話可以，有啲又話唔得....

失控的人 · 发表于 1-8-2025 13:57:36

Reborn818 發表於 1-8-2025 13:43
先答你一，如果你還完錢去老破，申唔申報都好大機會搵你女友，要佢解釋，同有機要佢擰返出嚟。所以你最好再 ...

分幾次拎現金，唔好轉帳交易又得唔得？當樓主自己過大海洗埋，更系唔可以講還錢俾人，實追

失控的人 · 发表于 1-8-2025 13:59:00

dog99 發表於 1-8-2025 13:50
過大海可行嗎，因為見有啲師兄話可以，有啲又話唔得....

之前聽有個C兄講，破前去澳門套左8萬都冇要佢交代，佢留來做生活同俾律師費

Reborn818 · 发表于 1-8-2025 14:00:21

任何方法，總之就唔好係還錢，今日比較忙，夜晚再傾。

dog99 · 发表于 1-8-2025 14:05:58

失控的人發表於 1-8-2025 13:57
分幾次拎現金，唔好轉帳交易又得唔得？當樓主自己過大海洗埋，更系唔可以講還錢俾人，實追 ...

因為銀碼有啲大，我行多幾次冇所謂，但我怕會唔會懷疑我係故意套完戶口所有錢出嚟就破...

失控的人 · 发表于 1-8-2025 14:14:14

dog99 發表於 1-8-2025 14:05
因為銀碼有啲大，我行多幾次冇所謂，但我怕會唔會懷疑我係故意套完戶口所有錢出嚟就破... ...

不如打電話問下律師，D律師一定答到你，而且快靚正

dog99 · 发表于 1-8-2025 14:39:40

失控的人發表於 1-8-2025 14:14
不如打電話問下律師，D律師一定答到你，而且快靚正

直接打上去問就可以嗎? 佢會唔會要收咗錢先肯

失控的人 · 发表于 1-8-2025 14:47:49

dog99 發表於 1-8-2025 14:39
直接打上去問就可以嗎? 佢會唔會要收咗錢先肯

唔會，你話你想申請破產，想咨詢下自己現在情況，佢哋會答得好詳細，我可能簡單D，個律師直頭答完就幫我約埋時間上去交文件…. 不過我之前系呢度睇左幾個月，將D麻煩野搞掂左先，隔左幾個月先行動，所以你去問左律師先，有乜麻煩野搞掂先去申請，咁有手尾跟機會低D，有乜再上來問，大把C兄C姐過來人會幫到你

timmoz · 发表于 1-8-2025 16:03:36

dog99 發表於 1-8-2025 14:39
直接打上去問就可以嗎? 佢會唔會要收咗錢先肯

好多要收錢先答你，當人免費狗咩！

timmoz · 发表于 1-8-2025 16:10:18

唔可以還俾女友，你會害死佢，破處一定追返。不公平優惠，其他債主優先的。至於銀行工，如果無宣誓還好，資料錄入銀行系統就會定期掃機，即係信貸紀錄等，用黎評估員工既工作風險，作為有財務問題既另一半，佢監首自盗既機會大增，銀行會勸退佢架啦，監管部門，銀行內部監控好嚴格。網賭本身唔係特別問題，但你有公司，因賭博影響經營的話，奶野機會十分高。必須要問法律意見。

AR舜 · 发表于 1-8-2025 16:10:35

timmoz 發表於 1-8-2025 16:03
好多要收錢先答你，當人免費狗咩！

点解你觉得人哋律师会嚟答，唔肯答咪搵第二间问，师兄你都好负面

timmoz · 发表于 1-8-2025 16:13:00

dog99 發表於 1-8-2025 13:23
其實上個月已經想直接破，但驚俾唔返啲錢佢，依家最擔心係呢一樣

咪撚玩，唔破你都還唔到架啦！加埋佢落債主到，拎定佢身份證地址，破埋佢。都無利用價值一係飛左佢，一係自己諗方法還。

timmoz · 发表于 1-8-2025 16:14:23

AR舜發表於 1-8-2025 16:10
点解你觉得人哋律师会嚟答，唔肯答咪搵第二间问，师兄你都好负面

問到咁深入正常要俾錢的，簡單問基本野就可能唔收錢，但佢地會就住就住答，都係唔會拎到答案。

timmoz · 发表于 1-8-2025 16:16:04

dog99 發表於 1-8-2025 14:05
因為銀碼有啲大，我行多幾次冇所謂，但我怕會唔會懷疑我係故意套完戶口所有錢出嚟就破... ...

有可能懷疑轉移資產，欺詐，自己準備好出入紀錄，對得返解釋充足多數無問題。

wclun · 发表于 1-8-2025 17:50:04

睇完..個人建議最好同女朋友講可能要破產
因為一定會影響你女朋友..

破前1年私下還的錢會被追數.

過大海現金套錢..有機會被告自己小心

		自动登录	找回密码
密码			註冊