終於捱到頒領分享一下經歷

lung916

依兩個月真係好難捱，所以想分享一下經歷
小弟因為理財不善及中了詐騙最終無力償還所有債務
5間財仔 1間銀行
係我入紙果一日,已經收到拖欠期數既財仔打黎,直接同佢講,我已申請破產
當然電話度我比對方連環問侯,唔夠一日已經轉佐比收數
當時佢地打黎我都直接講我申破中,佢地既說話係 破產都要還,我無就問我屋企人同同事睇下幫唔幫到手,及要告我詐騙之類
我果陣真係好驚,無意間搵到依個網站！ 跟住真係比TIMMOZ嚇親我,又話會上門又話貼大字報又話搵公司之類，而同時間頭一星期我收到同一間收數電話每三日就2次來電,我全部無聽,就係到諗，反正佢地遲早都知直接同屋企人及同事講
之後就留意到REBORN師兄既回覆,好似一種強心針咁,由我好驚,變到其實都唔知驚乜,理鬼佢啦
臨令頭一個月,我大約一星期收到2次追數電話,公司就收過一次電話,無上過公司及屋企
寄信就2間收數各一封
7月頭就收到第二間轉交收數,當時第二間收數方面只留言叫我搵佢地(約一星期一個電話)
其他3間收到臨令就無搵過我

就係咁我不知不覺就已經捱到正式領！

總括成個過程其實破產最恐怖既唔係面對收數各種招數,而係一種接受自己失敗,尊嚴,無數次既失落,不甘,及面對未來既自己，破產依個名既後果(當然電話數及3線另計)
係依兩個月反而令我可以靜落黎,好好反省一下自己以往

我最後都係想忠告各位同路人
1,如果可能辛苦D還到既盡量都唔好申請破產(可IVA同債務舒緩),破產依個名跟你一世,誠信破產,你以後做1D野會變到比較困難

2,真係要入學就唔好咁多野驚啦,將所謂面子放低,無野衰得過你選擇佐入紙果一刻,入紙前相信大家都已經受到一定程度既壓力同身心創傷,就好好地反思一下啦
盡可能就同家人講啦,起碼你唔洗再怕收數會搞你屋企，其實我唔同佢地講,只要係你收信箱佢地係唔會知！ 破案管理處都會有信寄去你個通訊地
(家人知道果一刻第一反感當然係震驚同失望！但過多兩日我家人就同我講,其實咁樣對我仲好,起碼唔洗再擔心我又借錢,又唔知邊度整獲金返黎)


溫馨提示：
TIMMOZ師兄既回覆真係大可以唔洗理會佢會嚇死你,你依兩個月心理壓力會變到好大,除非欠下電話數/3線財務/未曾還一期/申破前拖欠多期！
REBORN師兄就大可參考,佢會更接近面對既野

失控的人

多謝C兄分享，頒左正令又過一關，之後傾生活費見主任系第二關，交年報系第三關，真係要保持良好心態，慢慢度過呢四年半，跟本由遞紙到解破最快都要用多三至四個月，唉……

迷途小子CKH

多謝你分享先其實唔止reborn 師兄
呢度仲有好多師兄師姐都好熱心去幫人(包括我{:4_208:})
我覺得大家都係同學
有時你幫我 我幫你
大家幫大家係應該
呢度充滿正能量

咁先至可以關關難關關關過

{:4_202:}
大家加油！

tony浸信會

加油    加油    加油

乂紅眼

同路人 我同你差唔多時間 加油！  正能量好重要❗️

乂紅眼

我初頭都比財仔話告我詐騙 又話搞到我破唔到產，得把死人聲嚇鬼！我問律師係咪會破唔到產，佢答純粹係想嚇我唔好破，佢地只財務或收數佬，只要係真係資不抵債，無隱瞞資產，唔會破唔到法律審批唔到佢地話事！

Reborn818

基本上每個同學舉手前，都已經必定經過一段時間嘅煎熬，嗰個月撲水，將啲錢轉來轉去，R到頭都爆，結果終於搞唔掂都係要入學。到入學時又要面對頒令前收數嘅騷擾，壓力更加爆煲，其實差唔多個個都總有啲憂鬱情緒問題，只係每個人嘅程度上唔同，想得嚟呢度問嘢，當然係因為佢有困惑，唔知點做希望得到大家嘅幫忙，所以我見到嗰條T字頭我先咁興，同埋我見到呢啲同學仔，係明顯俾佢嚇親。仆佢個街，或者佢嘅常識同知識，唔係一定可以解答到人哋嘅問題，冇問題嘅，但最少唔好亂咁噏，或者講埋啲超乎上嚟嘅嘢喺度嚇人哋，冇同理心唔緊要，只要唔出聲當幫忙就可以。
終於捱到頒令就好，但睇同學仔近日嘅post，班收數PK呢排又興玩要你俾正令佢（明知正令而家成日都要幾個月後先有），如果仲有啲咁嘅電話，你唔想煩就唔好聽，再唔係，好似明知已經頒令後你吹我唔脹，就肆無忌憚咁屌柒佢。（頒令後如果我哋再去牌照部投訴，到時佢公司都要有牌解畫）

Reborn818

乂紅眼 發表於 29-7-2025 12:30
我初頭都比財仔話告我詐騙 又話搞到我破唔到產，得把死人聲嚇鬼！我問律師係咪會破唔到產，佢答純粹係想嚇 ...

兇人話你詐騙，搞到你破唔到呢招，而家仲點會work 㗎，咁佢哋搵食既，都係拗爆頭諗啲方法逼你還錢，其實某程度上佢哋都好撚慘架

Reborn818

就如小子師兄所講，呢度真係好多熱心前輩同學仔們，有咩問題會大家互相幫忙。
四年好快過大家一齊加油加油

Bsm

我都係剛入學，希望四年後一齊慶祝畢業

maggie_maggie

唔洗理隻廢老架,佢想我地睇到佢既存在~~哈哈哈哈哈哈哈哈哈哈

乂紅眼

Reborn818 發表於 29-7-2025 13:00
就如小子師兄所講，呢度真係好多熱心前輩同學仔們，有咩問題會大家互相幫忙。
四年好快過大家一齊加油加油 ...

我想請問下你，我都係頒佐令，但我戶口無凍到，我而家想搵份新工，係咪可以向公司照報依個戶口，只係想扲錢既時候申請解凍就可以？

Reborn818

乂紅眼 發表於 29-7-2025 14:14
我想請問下你，我都係頒佐令，但我戶口無凍到，我而家想搵份新工，係咪可以向公司照報依個戶口，只係想扲 ...

頒令後，係百分百唔會有銀行戶口係保留到的，全部都會被凍結。你而家入到佢個e-Banking，唔代表你個戶口係冇被凍結的。
如果想保留戶口，前提要有工作證明，同你本身個個係純儲蓄戶口，仲要你一頒令要即刻同主任攞信，跟住馬上俾信銀行，因為通常三至一個星期到個戶口連保留都唔會俾你保留。
總之你之前個戶口係一定唔會再用到，如果你有新工作，咁你就攞工作證明，同填好申請開戶嗰張表格，開過一個銀行戶口出糧。
如果你係而家有工作，快啲嗱嗱臨去搞，如果唔係你八月份嗰份糧入到（或者入唔到）出唔到，到時你盞搞，自己攞自己嚟玩。

Reborn818

maggie_maggie 發表於 29-7-2025 14:02
唔洗理隻廢老架,佢想我地睇到佢既存在~~哈哈哈哈哈哈哈哈哈哈

哈哈哈，其實佢出嚟娛樂吓大家都冇壞。但有時實在講啲嘢直程離晒譜，完全脫離晒現實，好多同學仔心靈好脆弱㗎大佬，講埋啲嘢九唔搭八，嚇死人咩。

Joanwong111

大家一齊加油呀

maggie_maggie

Reborn818 發表於 29-7-2025 14:34
哈哈哈，其實佢出嚟娛樂吓大家都冇壞。但有時實在講啲嘢直程離晒譜，完全脫離晒現實，好多同學仔心靈好脆 ...

所以......見到廢老都會見到你...哈哈哈哈哈哈哈哈

lytfy

你好, 可以講一下背景嗎? 因為我準備入學
請問欠邊間數? 是那一間打去公司追?
謝謝

maggie_maggie

lytfy 發表於 29-7-2025 15:19
你好, 可以講一下背景嗎? 因為我準備入學
請問欠邊間數? 是那一間打去公司追?
謝謝 ...

你講返你既背景,我地答返你!

Reborn818

maggie_maggie 發表於 29-7-2025 15:12
所以......見到廢老都會見到你...哈哈哈哈哈哈哈哈

哈哈哈，係，有時忙緊都忍唔到彈出嚟插佢….
好似琴日有同學仔問，佢個間外判甘，佢九秒九彈出嚟話新殺手，x，我百分百肯定條友，人地講邊間都未個，CSL

lytfy

maggie_maggie 發表於 29-7-2025 16:27
你講返你既背景,我地答返你!

渣X 80萬
小新 50萬
ZX BANK 20萬

想知有無試過去公司追數? 謝謝