自己有間冇經營過既公司，應如何搞破產

ming3112 · 发表于 25-7-2025 21:36:27

先感謝各位師兄既幫忙先！！

是咁的，
本人舊年經濟未到最差時，開左間有限公司，有開埋公司銀行帳號，開完之後有嘗試過打電話去send自己公司啲資料俾人，不過到目前為止一單生意都冇，應該算係當冇經營過？

咁最近半年，經濟再變差左，我做個行跟住一齊縮水，返工日子不足，目前每月人工約13000左右
而自己欠大猫私人貸款加信用卡加加埋埋一百二十萬，自覺已去到還唔到，用盡之前既積蓄又盡量R野做，上個已經遲還私人貸款，俾大猫凍結左個AC,之後因為月頭出左糧，先解凍返，不過其實循環貸款同信用卡都已經還唔到啦，所以決定舉手投降（上個月已經想舉手，不過戶口啲錢凍左郁唔到），今個月頭驚佢再凍過，將出糧戶口轉左去好耐之前開既恒x儲蓄戶口，所以有最低金額可以辦理入學。

咁我有幾個問題想各位師兄幫幫手，拜託????
1. 我既有限公司咁樣算唔算冇經營？
2. 今日聽到明x社工講，要間公司清盤，再申請個人破產，係咪咁？
3. 我主要同大猫牙齒印，咁我轉左恒X出糧，如我搞入學，是否開多個其他銀行AC?
4. 社工建議我留錢過生活同埋整清盤加搞入學，想問下我今個月還唔到錢係咪，下個月再還唔到錢，下個月銀行就派人上門？

謝謝各位師兄????????????

timmoz · 发表于 25-7-2025 22:06:29

唔算無經營，你係經營無生意姐，呃唔到破產官。直接個人破就可以，填埋公司資料。再開銀行無意思，到時都會取消。搞清盤無十皮唔使諗。

Reborn818 · 发表于 25-7-2025 22:38:48

本帖最後由 Reborn818 於 25-7-2025 22:43 編輯

1.算
2. 我唔百份百肯定，印象中好似唔一定，等其他比較熟悉既同學仔答你。
3. 大貓有牙齒印，痕生你呈請後都睇怕會凍埋，出糧可能你要諗吓辦法，因為其實依家好似唔係好多間可以開到又可以捱到頒令。
4.銀行一般60日後，會轉交收數公司，但通常幫銀行嘅收數，一般都係打吓電話最激烈都係上門攝封信俾你，唔有咩誇張嘢出出現，你一呈請有臨時號碼俾到佢哋就會停追。

ming3112 · 发表于 25-7-2025 22:54:23

感謝師兄，

ming3112 · 发表于 25-7-2025 23:00:27

感謝師兄，我岩岩都Check左 GPT 好似話個人破產同公司其實冇關係，除非有個人名義擔保既資產，個人破產只係唔可以擔任公司董事；如好似師兄你咁講，我目前最大問題係呈請後，出糧要搵個方式，咁我想問師兄我其實可唔可以借人地個戶口出糧，捱到出頒令，再轉返自己開過個新戶口，咁樣算唔算詐騙，會唔會引起其他問題？。謝謝師兄

Reborn818 · 发表于 25-7-2025 23:09:45

本帖最後由 Reborn818 於 25-7-2025 23:11 編輯

ming3112 發表於 25-7-2025 23:00
感謝師兄，我岩岩都Check左 GPT 好似話個人破產同公司其實冇關係，除非有個人名義擔保既資產，個人破產只係 ...

首先先唔好理算唔算詐騙。
問題係點樣借到人哋戶口出糧呢？你公司可以俾你將啲薪金入落去一個唔係你名嘅戶口？正常如果公司規定要自動轉賬，點會可以俾你入落其他人戶口呢？如果出支票，畫哂線都入唔到其他人戶口，如公司可以俾現金票，你直接攞現金都唔使咁複雜啦。

Reborn818 · 发表于 25-7-2025 23:10:08

公司嗰度你所講我印象中都係咁，不過我唔百分百肯定所以唔敢答你

ming3112 · 发表于 25-7-2025 23:34:33

我想請問，之前師兄你地講既解凍信，係正式頒令後先有？另外，如果我痕生既ac呈請後俾人凍結左，公司入唔入到錢入去？如果入到我解凍返又拎唔拎到公司入左既錢？另外，再想請各位師兄幫幫手，如果宜家間間銀行都難捱到正式頒令，咁有冇一間大家係比較睇好比較推薦去申請做出糧戶口。謝謝師兄

Reborn818 · 发表于 26-7-2025 00:09:30

解凍戶口頒令前都可以申請，但你要排上庭，有時等得來都蚊瞓，可能你嗰陣時都已經出咗正令。所以好多同學仔一般都會情願開另一個戶口過渡出糧。
通常見佢哋都係開永x或創x，一般都係可以頂到頒令先唔用得，但可能要等其他同學仔分享吓，近期仲係咪可以。

timmoz · 发表于 26-7-2025 00:18:46

Reborn818 發表於 26-7-2025 00:09
解凍戶口頒令前都可以申請，但你要排上庭，有時等得來都蚊瞓，可能你嗰陣時都已經出咗正令。所以好多同學仔 ...

暫時得返永x，創仔8月1號開始唔得，改左政策。

Reborn818 · 发表于 26-7-2025 00:29:19

timmoz 發表於 26-7-2025 00:18
暫時得返永x，創仔8月1號開始唔得，改左政策。

收皮啦，你講嘅嘢有鬼人信咩

ming3112 · 发表于 26-7-2025 10:34:30

Reborn818 發表於 26-7-2025 00:09
解凍戶口頒令前都可以申請，但你要排上庭，有時等得來都蚊瞓，可能你嗰陣時都已經出咗正令。所以好多同學仔 ...

感謝師兄
咁我下個月頭出糧照樣辦左入學先再見步行步睇下點搞謝謝你

Reborn818 · 发表于 26-7-2025 12:18:13

ming3112 發表於 26-7-2025 10:34
感謝師兄
咁我下個月頭出糧照樣辦左入學先再見步行步睇下點搞謝謝你

其實好多細行冇牙齒印都會開到，但問題係唔知頂唔頂到頒令，或者你試吓甘，如果你公司容許一個禮拜前或10日先轉戶口出糧，你唔好咁早去開新戶口，咁樣應該可能會好少少。

ming3112 · 发表于 26-7-2025 15:40:33

明白，我公司一般月頭七號出糧咁我可能下個月頭拎晒今個月既糧去申請入學再下個月尾開新戶睇下可唔可以接到份糧。謝謝師兄

timmoz · 发表于 26-7-2025 16:02:04

ming3112 發表於 26-7-2025 15:40
明白，我公司一般月頭七號出糧咁我可能下個月頭拎晒今個月既糧去申請入學再下個月尾開新戶睇下可唔可以 ...

尾期就叫公司出支票啦！到時入唔到戶，公司就會估到你破產，到時唔使撈。最好坦坦白白同公司講，hr自然會安排。

tony浸信會 · 发表于 26-7-2025 16:51:56

ming3112 發表於 26-7-2025 15:40
明白，我公司一般月頭七號出糧咁我可能下個月頭拎晒今個月既糧去申請入學再下個月尾開新戶睇下可唔可以 ...

預算太窄了我2021年破同你差唔多但當時剛好批了疫情八萬蚊失業金其實第一次上庭有可能资料爭少少法庭秘書會約你面对面填、甚至用红筆、黑筆改正當年我第二次上庭十月才有法官批出破令喎

ming3112 · 发表于 26-7-2025 18:02:23

tony浸信會發表於 26-7-2025 16:51
預算太窄了我2021年破同你差唔多但當時剛好批了疫情八萬蚊失業金其實第一次上庭有可 ...

感謝師兄

想了解下師兄既意思係正式頒令既時間可能要十個月咁多我一期糧既預算太少？
因為我目前都真係身無分文又唔想再拖耐少少俾人去屋企拍門令屋企人知道所以想快啲搞至少仍唔會上門追如果預算太低中間或者要去打下現金出糧既工頂一頂先

可以分享下師兄你當年點搞嗎？
因為我由其他師兄既經歷未能了解到點解會有上庭相關既步驟
謝謝師兄

Reborn818 · 发表于 26-7-2025 18:46:05

ming3112 發表於 26-7-2025 18:02
感謝師兄

想了解下師兄既意思係正式頒令既時間可能要十個月咁多我一期糧既預算太少？

疫情嗰陣時一路拖延，因為法庭唔開。而家一般係呈請後五到六個禮拜就會上庭，如果有錯漏就拖延一個禮拜或兩個禮拜，就正如樓上師兄所講，法庭書記會教你點樣更正同點樣再存檔。

tony浸信會 · 发表于 27-7-2025 00:21:06

其實我從來收埋D錢應急但經驗係起碼多一個月糧才單拖上破處搞唔可以7号出咗糧就靠呢小小錢上破處唔通你唔駛食咩？我嘅經驗係一路等上庭一路有工作回憶說若果當時只要大半個月無工返就要訓街叧外雖然疫情已過但可考慮找愛群道浸信會下的社會福利部有就業輔導服務可能一部分入學同學都或多或少有屋企人幫但我唯一受幫助只係疫情時教會給了$3000 咋！不過愛群道幫我排隊申請雪櫃兩年半的今日仍然好好用

		自动登录	找回密码
密码			註冊