入學了

Yy012345 · 发表于 19-7-2025 00:39:18

5月27做左破產呈請，7月15號頒了正令，7月17號去左黃關交26頁。暫時由主任跟進。已失業14個月，中間得19日係受僱。因為負債同破產令我抑鬱焦慮每日以淚洗面，今日同屋企人傾完決定換個新嘅地方生活一段時間，嚟緊兩個月打算去美國探個朋友，屋企人會出機票同民宿錢，已經去左美國既朋友都會幫我俾晒三餐。因為仲未見過主任，唔知佢係點，同埋未開債權人大會。請問我一破完產就離開香港兩個月可以嗎？我想問我嘅責任係我電郵通知佢我要離開香港就去得？定係要佢覆埋我電郵話佢批准先可以去？

Reborn818 · 发表于 19-7-2025 00:51:40

當然可以離開香港。
破產人士離境不需要受托人批准的，只是通知便可以。你寫電郵通知主任，寫明出發同回港日期，所有費用由邊個資助，同埋你喺美國嘅聯絡電話同地址。電郵後過一兩日打俾佢問佢收唔收到就可以了。

Anmi2019 · 发表于 19-7-2025 01:03:29

你可以參考下面咁寫，fax/email畀破署主任後，記得轉頭打去問佢收唔收到

本人XXX(你個名)，破產檔案編號 2025年第XXXX宗，現通知暫行受託人，本人將於下列日期離開及返回香港，詳細資料如下:

目的地:
離港日期:
回港日期:
離港原因:
當地聯絡電話號碼: (若果你香港電話會長開，其實可以寫噃香港號碼)
全程費用支付者姓名:

本人簽名
本人聯絡電話號碼(方便受託人收到後可以盡快搵噃你)
寫信日期

Yy012345 · 发表于 19-7-2025 01:18:09

Anmi2019 發表於 19-7-2025 01:03
你可以參考下面咁寫，fax/email畀破署主任後，記得轉頭打去問佢收唔收到

本人XXX(你個名)，破產檔案編號 2 ...

好詳細，感謝！

Yy012345 · 发表于 19-7-2025 01:19:32

Reborn818 發表於 19-7-2025 00:51
當然可以離開香港。
破產人士離境不需要受托人批准的，只是通知便可以。你寫電郵通知主任，寫明出發同回港 ...

好的，謝謝你。我想問下幾時會開債權人大會同埋我幾時會見個主任？因為手頭上打印哂啲銀行月結單同埋信用卡記錄都未俾個主任，上次淨係去咗黃關交26頁。

Reborn818 · 发表于 19-7-2025 01:59:16

Yy012345 發表於 19-7-2025 01:19
好的，謝謝你。我想問下幾時會開債權人大會同埋我幾時會見個主任？因為手頭上打印哂啲銀行月結單同埋信用 ...

債權人大會一般三個月左右，如果要開就會通知你，開債權人大會目的，是債權人指定某個外判做你信託人，當然係因為想你盡量上繳還債俾佢地，其實你失業咗咁長時間，我覺得佢未必要你開債權人大會的（當然冇絕對），就算到時要開的話，你聯絡主任話唔得閒去都冇問題的。
失業一般唔使傾生活費住，所以一般都應該未必要見主任。有啲主任會等你有嘢做先聯絡你傾，但有啲就會批一個你之前申報嘅生活費數字俾你。
銀行月結同信用卡月結，如果主任寄信俾你要理解畫資金流向，先要提供比佢哋，所以暫時唔使理佢住。
你放心去美國休息吓先啦，佢哋通常有咩都會寄信去俾你，到時你有咩事電郵同佢哋溝通就可以。

Yy012345 · 发表于 19-7-2025 22:56:51

我應該叫屋企人而家買機票定係等主任覆咗OK我先叫屋企人買機票？

Yy012345 · 发表于 19-7-2025 22:57:30

話說我頒完證明嘅後一日收到個電話話係代表我其中一個債權人叫我還錢，但係我打上去嗰個債權人嘅客服，佢話佢哋冇搵過我，呢啲係咪詐騙電話？

Yy012345 · 发表于 19-7-2025 22:58:21

頒完破產令嘅後一日。係咪資料外洩咗定係點？點解嗰個人會知道我破咗產？

失控的人 · 发表于 19-7-2025 23:08:46

Yy012345 發表於 19-7-2025 22:58
頒完破產令嘅後一日。係咪資料外洩咗定係點？點解嗰個人會知道我破咗產？ ...

其實唔使理佢，都行到破產呢一步，擺明就係唔會還錢，有野做再傾上繳，其他關於乜乜收數公司叫佢過主

Reborn818 · 发表于 19-7-2025 23:22:31

本帖最後由 Reborn818 於 19-7-2025 23:27 編輯

Yy012345 發表於 19-7-2025 22:56
我應該叫屋企人而家買機票定係等主任覆咗OK我先叫屋企人買機票？

你叫屋企人買定機票都冇問題，因為離境根本就唔使佢哋批准，只要通知。
所以你電郵俾佢之後，打電話confirm佢收到就可以了。
如果唔肯定邊個係你主任，你上破產管理署網站，攞你個破產檔案號碼，就可以查到負責你主任既聯絡資料。

Reborn818 · 发表于 19-7-2025 23:23:32

Yy012345 發表於 19-7-2025 22:57
話說我頒完證明嘅後一日收到個電話話係代表我其中一個債權人叫我還錢，但係我打上去嗰個債權人嘅客服，佢話 ...

頒咗正令後，呢幾年都有機會有呢啲咁嘅死乞兒，基本上完全無視就可以。

Reborn818 · 发表于 19-7-2025 23:26:31

Yy012345 發表於 19-7-2025 22:58
頒完破產令嘅後一日。係咪資料外洩咗定係點？點解嗰個人會知道我破咗產？ ...

其實律師樓又好，財務機構又好入邊根本好多害群之馬，之前我喺某個網站見到有人中咗仲介，打俾佢個條友，就係之前佢喺某財務幫佢搞貸款嗰個人。
總之返咗領後，所有呢啲電話都係詐騙，睇吓有冇位俾佢搵到食，完全唔使理佢。

Yy012345 · 发表于 23-7-2025 18:08:06

Reborn818 發表於 19-7-2025 23:26
其實律師樓又好，財務機構又好入邊根本好多害群之馬，之前我喺某個網站見到有人中咗仲介，打俾佢個條友， ...

我有條貸款2萬，5月16號申請，之後我5月27呈請，但筆錢29號批左我都有用到，依家破署要我解釋點解呈請後仲有2萬貸款，應該點解釋同會唔會比人告？因為係呈請前申請，但又呈請後2日收到筆錢

timmoz · 发表于 23-7-2025 18:17:48

Yy012345 發表於 23-7-2025 18:08
我有條貸款2萬，5月16號申請，之後我5月27呈請，但筆錢29號批左我都有用到，依家破署要我解釋點解呈請後 ...

好大機會被告，總要敏感時間，你呢d叫送頭。自作孽不可活。明知呈請左仲唔取消申請，快快搵定專業人士法律意見。初步表證成立，已經到詐騙提證要求。

timmoz · 发表于 23-7-2025 18:19:59

Reborn818 發表於 19-7-2025 23:26
其實律師樓又好，財務機構又好入邊根本好多害群之馬，之前我喺某個網站見到有人中咗仲介，打俾佢個條友， ...

中介重組黎黎去去同一班人，水魚價老破，假破產假重組，清數x，債務xx協會，最狗係叫人借錢再搞破，係窮人到搶錢。

timmoz · 发表于 23-7-2025 18:21:41

Yy012345 發表於 19-7-2025 22:58
頒完破產令嘅後一日。係咪資料外洩咗定係點？點解嗰個人會知道我破咗產？ ...

法庭公開資料，有人抄低黎搵食，好多不明騷擾恐嚇都會有，卜傻瓜。

Reborn818 · 发表于 23-7-2025 18:37:07

Yy012345 發表於 23-7-2025 18:08
我有條貸款2萬，5月16號申請，之後我5月27呈請，但筆錢29號批左我都有用到，依家破署要我解釋點解呈請後 ...

嗰兩萬蚊你解釋或有證明到用咗去邊嗎？咪照同主任講你破產前申請，以為申請唔到，但後來發現批核咗，又真係好等錢用，所以一時蠢咗攞咗去用。
你先打俾佢簡單，咁樣話咗俾佢聽先，如果佢要你書面解釋，同埋如果你月結單到嗰兩萬蚊入咗嚟，你有啲乜嘢數跟住出，你highlight佢，然後另外搵張紙註明係乜嘢嚟。

Reborn818 · 发表于 23-7-2025 18:39:35

timmoz 發表於 23-7-2025 18:17
好大機會被告，總要敏感時間，你呢d叫送頭。自作孽不可活。明知呈請左仲唔取消申請，快快搵定專業人士法 ...

嗰邊條罪幾章幾節，麻煩你講出嚟聽吓啦，其實你現實中肯定係一個口賤，女又無朋友都唔多個嘅忍樣，樓主確實係不智，但事情發生咗你唔到幫忙又就算，使撚你喺度說教教訓人咩，戇鳩。

Yy012345 · 发表于 23-7-2025 19:01:46

Reborn818 發表於 23-7-2025 18:37
嗰兩萬蚊你解釋或有證明到用咗去邊嗎？咪照同主任講你破產前申請，以為申請唔到，但後來發現批核咗，又真 ...

係呀，其實我係呈請前申請，當時嘅申請銀碼係八萬蚊港幣，本身係諗住如果批左8萬就還俾另外兩個債權人咁就唔使俾人追數住，但係我申請後四五日佢哋打過俾我叫我補MPF同入息文件，我嗰陣時係失業已經同佢哋講咗冇文件，佢哋話咁可能要取消我申請，跟住我話是但，之後27號我就做咗呈請，點知佢29號無啦啦批咗20,000我入左户口號碼佢就即時轉左2萬入我户口，嗰20,000嘅用途，我都唔知點講好，但係我呈請後冇還過錢比任何債權人

		自动登录	找回密码
密码			註冊