月尾去永聯初次會面，有咩要注意？

Mukchun · 发表于 12-7-2025 15:58:08

約咗7月尾去永聯初次會面，文件收據基本上準備好
但想問下咁多位師兄有冇成功過批到寵物開支？
另外比人block左payme, 琴日去左破產處拎開戶信，
佢話淨係可以留一個戶口，咁Payme係咪即係冇得再用？

Reborn818 · 发表于 12-7-2025 19:36:02

你上永聯交26頁，定直接外判左俾地上去傾生活費？如係直接外判俾佢地，寵物開支你好好同佢講，佢會喺生活雜費嗰度加大少少俾你。（咩語氣咩語調你自己好好發揮）
Payme 老破後暫時未有同學仔報告返嚟話用到，應該無得用了。

denniswg007 · 发表于 12-7-2025 22:28:39

我都係永聯跟前幾日上去傾生活費我都漏咗講有寵物因為好似好多人都話未必批所以建議我唔講好過講廢事又多嘢問但係同我傾生活費果位幾好相遇又話如果之後想補文件加生活費就email啲資料再傾所以我都諗住報返有寵物睇下批唔批

timmoz · 发表于 12-7-2025 23:21:00

多數唔批，不過可以試下，個個養幾隻動物咁就可以加大生活費，外判實睇穿

nakamura · 发表于 13-7-2025 00:06:57

養寵物唔係必要開支，好難會批喎

timmoz · 发表于 13-7-2025 00:16:03

nakamura 發表於 13-7-2025 00:06
養寵物唔係必要開支，好難會批喎

隻寵物都可以破產就話姐，不過隻reborn一定會話唔批無人權又成。

Reborn818 · 发表于 13-7-2025 00:41:57

本帖最後由 Reborn818 於 13-7-2025 00:45 編輯

人哋跟直接外判永聯，點同你兩個負面孖寶咁撚慘要跟殺手，永聯好易傾，只要有理據根本好容易話為，只要演繹得好啲，同佢傾吓偈睇佢反應，跟住喺手機俾啲寵物嘅相睇，得咪當bonus，唔得咪算囉，方法好多係自己諗出嚟。

Reborn818 · 发表于 13-7-2025 00:44:49

timmoz 發表於 13-7-2025 00:16
隻寵物都可以破產就話姐，不過隻reborn一定會話唔批無人權又成。

收皮啦你，法律唔識都算，而家上網咁方便就自己查吓啦，不過知你俾外判欺壓到人都傻撚咗，覺得自己賤過犯人，所以咪覺得去其他生活工作都要人批準

失控的人 · 发表于 13-7-2025 06:15:55

Reborn818 發表於 12-7-2025 19:36
你上永聯交26頁，定直接外判左俾地上去傾生活費？如係直接外判俾佢地，寵物開支你好好同佢講，佢會喺生活雜 ...

C兄，我收到封破產處既信都係約上永聯交文件，叫我准備收據，仲有一張可以要求保留戶口的紙，仲有兩個聯絡人名，咁我系米都算直接判咗俾永聯跟呢？

Reborn818 · 发表于 13-7-2025 09:02:11

失控的人發表於 13-7-2025 06:15
C兄，我收到封破產處既信都係約上永聯交文件，叫我准備收據，仲有一張可以要求保留戶口的紙，仲有兩個聯 ...

唔係阿，如果直接外判，頒令前收到既信係無寫去邊的，然後頒令後再會有信話你知邊個係你受託人。
如果第一封信寫明去邊交文件，就係暫時跟主任，等睇吓需唔需要開債權人大會（一般三到六個月就會知道）如要要會就係跟兩個殺手是但一個。失業一般會跟主任，至於有收入既，又唔使開債權人大會既，就算之後主任因某一啲原因丟出去俾外判，一般唔會係殺手囉。

Reborn818 · 发表于 13-7-2025 09:09:01

所以條友完全係CSL，明顯係咩都唔識咩到唔知，日日唔放過任何機會，係到惡意亂鳩咁噏係到嚇同學，其實究竟係咩心態？

失控的人 · 发表于 13-7-2025 09:30:29

Reborn818 發表於 13-7-2025 09:02
唔係阿，如果直接外判，頒令前收到既信係無寫去邊的，然後頒令後再會有信話你知邊個係你受託人。
如果第 ...

封信叫我頒令後5日內打上去約時間交文件，都叫我准備一堆影印件，什麼租單同月結單，有個保留户口，其實我可唔可以填保留一個戶口呢？

Reborn818 · 发表于 13-7-2025 09:44:32

失控的人發表於 13-7-2025 09:30
封信叫我頒令後5日內打上去約時間交文件，都叫我准備一堆影印件，什麼租單同月結單，有個保留户口，其實 ...

上去主要係交26頁，其實佢叫你準備嘅所有嘢，基本上你有就帶定，但佢哋都未必一定收（通常正式傾生活費時慢慢俾到未遲）
開户口或保留户口封信，要求要求開戶或保留信，係要同破產署主任申請，無工作一般佢唔會俾你有戶口的（除非你有其他政府津貼資助之類要收）

失控的人 · 发表于 13-7-2025 09:46:42

Reborn818 發表於 13-7-2025 09:44
上去主要係交26頁，其實佢叫你準備嘅所有嘢，基本上你有就帶定，但佢哋都未必一定收（通常正式傾生活費時 ...

哦，明白了C兄，唔該晒

denniswg007 · 发表于 13-7-2025 20:26:01

永聯真係唔錯樓主請放心

allenyip1988 · 发表于 13-7-2025 21:50:28

我永X交文件
門口個女人原本黑口黑面，應該以為我遲到
點知我係早左45分鐘到，佢話有師兄遲到，可以收我文件先
入房收我文件個女人都好好禮貌，好helpful
到我走個陣，隔離房隔音好差，個女人無咩禮貌，串緊隔離房個師兄
事後估個師兄應該遲大到，我早左到，食左師兄個位，阻唔到佢地食飯

失控的人 · 发表于 13-7-2025 21:56:52

C兄，請問永聯個地址容易搵嗎？交文件通常問你D乜呀？分享下，謝謝

Reborn818 · 发表于 13-7-2025 22:23:41

denniswg007 發表於 13-7-2025 20:26
永聯真係唔錯樓主請放心

係，同我傾生活費個姐姐，專業又友善仲要好好傾，所以真係只要合理，可以大膽同佢地講唔使驚架。

Reborn818 · 发表于 13-7-2025 22:25:54

地址好易搵，紅磡火車站向尖東方向行，一落天橋右手便，太空館對面。

失控的人 · 发表于 13-7-2025 22:36:02

Reborn818 發表於 13-7-2025 22:25
地址好易搵，紅磡火車站向尖東方向行，一落天橋右手便，太空館對面。

OK收到，我驚難搵遲到會俾人黑面

		自动登录	找回密码
密码			註冊