|
|
2020年6月自己去申請入學、因疫情要排到10月先頒令、
但因為寫錯幾隻字、結果再排到12月先正式頒到令、2024年12月正式畢業。
入學期間毎日都入嚟望下同學仔Ｄ問題、畢業後都係照毎日入嚟、
大部分Post都係問収数、戸口、生活費、所以分享番少少經歴。
因我全部一線銀行、所以無被収数問題。
戸口方便、我一早決定左月尾出糧後第二日就自己去申請入學、（因為兩日可攞晒份糧）
另提前予約第三日（有臨時令嘅第二日）去創x 和恒x 開出糧戸口、兩間都順利開戸即時取提款卡、
用到e-banking,同用到頒令都無凍、
直至頒令前約定主任頒令當日下午攞恒x解凍信、
第二日就攞解凍信比恒x、戸口就一直用到今日都無被凍過。
創x 和恒x 兩間我本身無戸口同欠債、後尾睇番呢度Ｄ師兄講呢Ｄ係灰色做法、
５年後嘅今日仲行唔行得通我就唔知啦。
之後都係去屯門交文件、3個月後収到信跟李周、因疫情唔洗開大會。
生活費方面、當時大約収入（正職＋兼職）37000、一家四口、租15000、
陳主任一開始就話唔可供養老婆、叫老婆出嚟做野分担一半開支、
當時我老婆大肚同有作小産醫生証明、最後要我毎月還3000。
過左半年到年底小朋友出世、想調整生活費、$1 都唔肯比多、（厳生）
話一開始傾還3000果時己予埋新生兒果份。
之後過左兩個月左右（22年新年）出左双糧、同疫情關係食市無左晩市兼職無得番、
再打去希望留番Ｄ双糧、轉左X小姐跟、講番無兼職番又多左個ｂ、
比左$9000双糧我用、同調整毎月還$1000、但毎月収入如超$33000 就還多3份1、
毎月準時還銭、之後两年双糧比一半、花紅照比3份1、順利畢業。
出境方面、因我時常要上大陸工作、當時問過X小姐係米要毎次通知？
答案係準時還銭、無還少、無人得閑check你出入境、
之後叫我send email 、内容係要時常上大陸工作、電話可24小時聯絡到我、
所以我毎次出境都無再通知、2日1夜澳門、最長去12日日本都無通知。
12月畢業、今年3月攞不反、4月攞解破信、即日比恒生update資料、
5月可開綜合戸口和debit card 。
李周如準時還銭、真係毎年只打一次嚟問有無双糧同花紅、好似比石仔好Ｄ。
傾生活費試下傾埋之後収入増加時點分、55,64,73.....
|
|
狗仔卡
发表于 3-7-2025 16:40:45
提升卡
置頂卡
沉默卡
喧囂卡
變色卡
顯身卡
