新手想自己舉手 求各位幫幫手解答

5M9512

因為雙重電騙被人呃到分期、透支樣樣齊(啲數都分得好散，但叫做全部一線)，月入得20K，之前一直還min. pay真係撐唔住啦...
無咁多錢俾律師費，想自行入學！啲數係散啲，但叫做冇任何投資/物業，自己申請係咪都相對易搞啲？

可唔可以幫我睇睇依家處境應該點做好，唔該你地！

全部信用卡欠款(基本所有信用卡都被凍結咗)
恒X (常用戶口但最近被凍結，所以都拿臨轉咗出糧戶口) ：87XXX
中X (有戶口但幾乎冇用，未凍結)：20XXX
匯X：30XXX
渣X：380XXX
花X：17XXX
星X：16XXX
東X：6XXX
AXXN：3XXX
邦X：45525
眾X(即ZX，分期剩返3期[每期2千頭]，諗住照還埋，叫仲有間銀行同Debit card用下，係咪唔使報)：7XXX

1. 自己申請係咪會好易填錯？同埋後續係咪麻煩好多？我拎住個兩份form真係好迷茫，但日日避銀行電話到銀行戶口都凍結埋，再唔搞真係好怕佢地上門嚇親兩老。
2. 一般申請咗幾耐先撳得住啲銀行？係咪一申請咗就同銀行講就ok? 邦X或AXXN個啲會唔會都難搞？
3. 屋企兩老都7、80歲又有長期病，佢地都無能力幫我，所以更加唔想俾佢知令佢地擔心，有冇機會轉地址等佢地唔好寄封大大個破產署logo嘅信過去?
4. 因為出糧戶口都被銀行凍埋，暫時轉去眾X度出糧，加上我最大個幾間銀行都欠勻晒，開返個正式嘅戶口出糧用，仲可以開邊間？
5. 工作上好多雜項費用我要出住先，之後好大機會經銀行過返俾我，咁樣係咪好難解釋？

真係好多問題，希望各位手下留情，多謝你地睇到依度，如果能夠幫忙解答，更感激不盡！

Reborn818

1. 驚填錯可以係破署接待處問佢借份樣本參考，然後小心D就得，其實真係無咪甘難。如果有錯漏，上庭時法官會個日頒布唔到破產令，叫你下星期再黎。但書記會話你知錯咩同教你點去修改再存檔。
其實Lee度好多有用資料，我都係跟住佢哋所講咁自己搞掂。
2. 你係高院呈請完就會有臨令，你將文件俾債權人就會停追數，你啲債權人全部銀行同大財務，唔使聽條低能友講，基本上唔使驚的。銀行六十日會擰過去收數公司，邦x同A記一般一個月到，所以最安全嘅就係盡量喺佢掟去收數前做破產呈請，交埋文件俾佢。ZX個度，唔關你再還還錢俾佢試，你一呈請就會快速凍結晒你，你唔會再有得用，破產後用其他Debit card吧，自己搜尋吓，之前有好多討論的，同埋申請破產後，法例係唔可以再還任何錢俾任何債權人。

迷途小子CKH

公仔佬.......八九十年代咩{:4_178:}
首先收數果度
銀行主要寄信多
財仔就寄信同打電話多
上門都係比完信佢就走
幫民有交過手 可以講下佢
佢哋只係會寄信提下你
唔洗咁擔心{:1_1:}

至於銀行戶口嗰度
大行有牙齒印
之前聽過D師兄師姐分享過都可以開番

timmoz

1.自己填錯，彈form破唔成，隨時延期，你要親身走幾轉浪費時間，搵專業律師搞就宣誓就等通常頒臨時令同正式令，自己搞要人肉上庭。銀行供唔起或過期60日就交收數，上門上屋企上公司搞，主要根據你tu上既公司地址，屋企地址，出糧戶口一定知你咩公司可以去搵你。財務就會更加大力搞，佢地班收數惡過銀行收數好多，估計兩老一定爆血管，上門通常兇神惡殺既公仔大隻佬。快搞就拿拿臨等臨令通知所以債主，好快無事。2）當你即日宣誓都要等上庭，宜家太多人破，預起碼成個月臨令，再一個月正令。大財見文件多數會停，無文件梗係照搞你收數。3）去郵局改寄就得，不過要俾錢，你要搵另一個地址，估計無人會借地址俾你，人地可能跟個地址收數。可以租個郵箱，網上自己搵，地址申破個時要填。政府會油到紅黑色寫住破處架，呃唔到。4）可能得返永隆，創興，留意一上庭申破，全港戶口一定凍結，通常一星期內，預返公司未必出到糧，只可以出票又成。hr可能會嫌煩炒埋你，唔怕既話到時同佢地交代聲會好d。5）要有單有據咁解釋，最好糧單其他文件對得返條數，唔係就會全部當收入，搞到上繳金額會大好多。同埋戶口只可以出糧用，你拎黎搞雜項，受託人可能叫你轉工。唔好信中介，入學最平包律師都係14k左右，金額要留意，自己搞都要俾差唔多1皮，點解唔俾多幾千安心搞？

迷途小子CKH

樓上嗰個聽完就算

金龍華

準備老破，就乜數都唔還，追唔追數，唔係你控制到

tony浸信會

老人家可唔可以幫你找咗渣X條數？     你人工有二萬喎     唔好破啦

Reborn818

銀行大財務就算收數，最多咪上門攝下信，今時今日咩世界，除非係啲黑財電話數，根本唔會有咩激烈行為，不過都係嗰句，你係諗住搞嘅就嗱嗱聲處理咗佢，然後俾晒臨令你啲債權人，咁就基本上都係安安樂樂等頒令。

Reborn818

tony浸信會 發表於 2-7-2025 09:19
老人家可唔可以幫你找咗渣X條數？     你人工有二萬喎     唔好破啦

80幾歲仲要幫佢找數，難為你好意思講出嚟？咁大個人自己負責自己搞掂吧。

Reborn818

3. 唔想屋企知，可以問朋友借來做通信地址，唔使聽條白癡有講，追數嘅無啦啦點會知你俾咩地址破署啫，佢哋又唔係神仙，CLS。如果無朋友幫到你，你可以租個郵政局郵箱（或者有啲迷你倉都可以有類似服務），然後再申請郵件轉遞，但好似郵箱嗰度冇咁快搞掂，你自己計吓時間安排吓。
4.Zx 個邊就算你冇爭佢錢，你一呈請佢就快過打針凍咗你（我印象中係幾日），所以你最好預備定其他出糧戶口，但你呈請後可以開嘅銀行已經唔多，X隆，永x，小新應該開到，但捱唔捱到同用到唔凍結可以到頒令前，真係冇人夠膽擔保。
但正式破產後，破處或外判出信俾你去開戶口，就算有牙齒印如大貓，中x好多同學仔都照舊可以開到的。

Reborn818

5. 如果係真嘅話，冇乜好難解釋，好多公司都有類似情況（我都係），佢問你照實講就得。

Dck89

其實你e堆全部1線  你臨令都唔會搵你  自己去攪都唔會好難

Dck89

你dl個2份表財下  其實唔難填  同埋我上個月自己去攪  你份表有問題破處職員會幫你睇用萬字夾夾住叫你改   

Reborn818

係，其實如果冇公司冇其他資產只係得債務根本自己去呈請非常簡單（我覺得有讀過書就會識㗎囉），就算有咩錯漏最多咪遲一個星期頒令，有咩咁大不了，反正個法庭書記都會教你點做。係啲慣咗鳩噏當秘笈嘅，唔知咩事，講咩狗屎垃圾都要嚇下人

Dck89

我去果日上網book左宣誓

Dck89

份野無簽名  改左2次  攪掂哂都係12點鬆d走得

Reborn818

Dck89 發表於 2-7-2025 11:28
份野無簽名  改左2次  攪掂哂都係12點鬆d走得

係呀，其實成個過程除咗存檔嗰度，擰完飛要等吓，其他都大致好快手。
嗰日係我自己傻，一向用開手機八達通冇實體八達通，結果要走落去買（但份文件又唔可以拎離開法院要俾返個文員保管），結果喺附近買完八達通食埋lunch先返上去搞埋啲手尾，所以搞到下午兩點幾。

Dck89

Reborn818 發表於 2-7-2025 12:21
係呀，其實成個過程除咗存檔嗰度，擰完飛要等吓，其他都大致好快手。
嗰日係我自己傻，一向用開手機八達 ...

我情況同你一樣  不過我就搵左位c兄帶去 （要$不過平律c好多）佢有實體卡唔係我都要攪到晏就

may_may

師兄, 我見你有咁多間, 請問你有冇d係近期全新申請的信用卡或貸款？

Dck89

另外銀行戶口凍結真係睇彩數  我自己有上x商 匯x  上個間係出糧戶口黎（細行）   佢一星期到就凍左  匯仔就到而家都仲用到  我22上座