學生資助申請人破產, 擔保人還唔到錢最後會點

pkcool87

想請教下唔知10年前點樣幫個朋友做左學生資助擔保人, 現在收到學生資助信話申請人破左產要擔保人還晒錢差唔多成9萬蚊
但係因為太耐都唔記得做過擔保人呢件事, 然而唔知申請人住邊, 電話搵唔到人, 似係有心破產唔還錢將成個責任比擔保人負責.
但係擔保人本身同申請者已經冇關係, 係之前出於好心幫佢做擔保人, 現在又因有物業唔可以破產..

想問下申請人破左產但係學校資助錢應該係唔可以豁免...
1)想問下如果擔保人唔還, 等破產署分配佢資產同日後的收入去還錢可唔可行?
2)如果擔保人最後都係冇錢還, 係未會被告到去小額錢債, 然後最終都係要分期還錢?
3)想問下重有咩建議性擔保人可以做?:Q

Reborn818

你個案同我之前長輩發生嘅事一模一樣（佢係好心幫個女個同學做咗彌償人），嗰次我陪佢上過律師樓一齊問律師，結果就係因為佢係你彌償人，所以一定要同佢還。（就係因為驚借貸人還唔到先要有彌償人，所以佢破產就追討你）
好不幸，錢你一定係要幫佢清，你可以同學貸嗰邊商討分期，過咗75,000唔會係小額錢債追討，如果你唔處理，有機會佢會直接申請你破產。
我長輩結果係自己比左十幾萬出黎幫佢還哂。

pkcool87

Reborn818 發表於 10-6-2025 15:34
你個案同我之前長輩發生嘅事一模一樣（佢係好心幫個女個同學做咗彌償人），嗰次我陪佢上過律師樓一齊問律師 ...

但係網上睇過破左產學生資助的錢唔可以豁免...點解學生署唔可以等破產署分好左佢資產然後還左幾多得幾多先呢?一下就要擔保人食晒成份錢..然後申請人又完全冇晒責任咁

Reborn818

pkcool87 發表於 10-6-2025 15:41
但係網上睇過破左產學生資助的錢唔可以豁免...點解學生署唔可以等破產署分好左佢資產然後還左幾多得幾多 ...

所以佢申請嗰陣時要搵彌償人囉。如果佢破產就完全當一般債項甘處理，咁仲使咩要佢搵彌償人。

timmoz

1）必須你處理，因你係擔保人，所有政府債務都要你負責，你唔交政府可以通緝你，充公你資產，原則上一定要破產期內全數搞掂...2)你個金額直上高等法院，小額無權處理，法官命令你一炮過就一炮過，知道你有物業，姐係經濟上有能力償還，唔好諗分期，基本上都唔會批，你唔還就落釘，迫你破產賣樓清還。只有無經濟能力，經濟困難先有機會申請分期，仲要未必批。3）擔保人可以加按套現樓還債，以免法律責任。

Reborn818

Lee 個情況係真係無計

什麼是彌償人？
彌償人（英文: Indemnifier）是指在學生向政府或銀行申請學費貸款時，需要提供「彌償契據」（Indemnity Agreement），並由彌償人簽名承諾，為貸款提供擔保.
彌償人的責任是什麼？
根據彌償契據，彌償人承諾為整筆貸款、利息及其他相關費用向貸款機構（例如政府）負上法律責任. 如果貸款人（學生）未能按時還款，彌償人會以主要債務人身份，負責還款.
為什麼需要彌償人？
彌償人的作用是為了減輕政府或貸款機構的風險，確保學生貸款可以有效追回.

timmoz

pkcool87 發表於 10-6-2025 15:41
但係網上睇過破左產學生資助的錢唔可以豁免...點解學生署唔可以等破產署分好左佢資產然後還左幾多得幾多 ...

如果可以既話，有d人破產期內特登唔返工，無收入，政府咪全部損失？政府為保障公帑，一定要搵替死鬼。政府目的就係儘快收返壞帳，唔會理你死活，除非你都破產就一了百了。

timmoz

Reborn818 發表於 10-6-2025 15:34
你個案同我之前長輩發生嘅事一模一樣（佢係好心幫個女個同學做咗彌償人），嗰次我陪佢上過律師樓一齊問律師 ...

呢個已經係最簡單直接既處理手法，樓主繼續諗方法拖到時層樓落埋釘就真係喊都無謂。打上去學貸，佢地唔會同樓主透露貸款人既地址，聯絡方法。正常唔清政府數，到時申請按證一定唔批，責任自負。

a981142

擔保人好明確意思啦，你要還

pkcool87

咁想問下我找左學生資助筆錢後..重有冇方法可以追返申請人條數??係未就算等4年過左都追唔返?

pkcool87

咁係未簡單講一次過借一筆錢然後破產就可以咩都唔洗還?咁我轉左層樓名再申請埋破產應該可行?:hug:

Reborn818

pkcool87 發表於 10-6-2025 16:56
咁係未簡單講一次過借一筆錢然後破產就可以咩都唔洗還?咁我轉左層樓名再申請埋破產應該可行? ...

如果你有本事借到無抵押大額，之後破產，你同破產管理處解釋到錢去左邊咪得，當然你要承擔或面對就係俾破署控告資產轉移，同債權人告你詐騙既風險。
層樓轉名後破產，轉後兩年到五年後啦，如果唔係你預（基本上係一定）被破署控告。

Reborn818

pkcool87 發表於 10-6-2025 16:54
咁想問下我找左學生資助筆錢後..重有冇方法可以追返申請人條數??係未就算等4年過左都追唔返? ...

方法就係留使所有證據單據，四年後搵合法收數公司收。

timmoz

pkcool87 發表於 10-6-2025 16:54
咁想問下我找左學生資助筆錢後..重有冇方法可以追返申請人條數??係未就算等4年過左都追唔返? ...

無方法，人地合法破產，申報左呢條數，自己就唔使負責，過左破產期更加無必要還你，凍過水，合法追收無用，非法追收你就俾人拉硬。

timmoz

Reborn818 發表於 10-6-2025 17:53
方法就係留使所有證據單據，四年後搵合法收數公司收。

邊會有收數公司接先，人地法律證明破左產，過後債務都清零，個d所謂收數都係呃錢多，追人地搞到自己俾人反告返就唔好啦

timmoz

pkcool87 發表於 10-6-2025 16:56
咁係未簡單講一次過借一筆錢然後破產就可以咩都唔洗還?咁我轉左層樓名再申請埋破產應該可行? ...

為左十幾萬連累埋幫你處理資產既人，你覺得值得咪做囉…物業大額資產轉移一定俾政府嚴查，查到講大話合謀詐騙，仲衰過唔還，法律責任可以好大鑊。

Reborn818

timmoz 發表於 10-6-2025 18:16
邊會有收數公司接先，人地法律證明破左產，過後債務都清零，個d所謂收數都係呃錢多，追人地搞到自己俾人 ...

仲話做過we仔？做過清潔定office boy?無收數公司接？市面上大把攞正牌嘅收數公司，你唔係白癡到以為收數公司，淨係收啲信用卡或無抵押借貸掛？公司與公司間嘅屎忽數，大把搵收數啦，邊會下下行正法律去追討。律師樓會計師樓大把自己都要幫襯佢哋收返啲街數。無收數公司會接？幾千蚊數都有人接，呃咩錢啫，你成日俾人呃錢咩？根本條數收到先至俾錢佢，再唔係有啲你買斷俾佢都得，不過收返成數低。
破產後唔係一定債務清零，如果你之前都冇申報條數，追到你斷氣前一刻都仲可以。
嗱嗱嗱，又袋錢落你個袋啦，真係，日日出黎柒唔醜咩？

pkcool87

Reborn818 發表於 10-6-2025 19:30
仲話做過we仔？做過清潔定office boy?無收數公司接？市面上大把攞正牌嘅收數公司，你唔係白癡到以為收數 ...

最慘係搵到個人..佢話佢改左地址收唔到信宜家先知要還錢..但都話會還..
但係資助署唔收得..要比返破產分配..
最終要擔保人還錢..然後要自己追返借錢人還..
姐係本身借錢人有心還...但知道原來可以唔洗還都得...然後就更加唔會還比擔保人...:dizzy:
真係好痴線個制度!

a981142

pkcool87 發表於 10-6-2025 16:54
咁想問下我找左學生資助筆錢後..重有冇方法可以追返申請人條數??係未就算等4年過左都追唔返? ...

佢政府都唔還，會還比你？

timmoz

pkcool87 發表於 11-6-2025 11:17
最慘係搵到個人..佢話佢改左地址收唔到信宜家先知要還錢..但都話會還..
但係資助署唔收得..要比返破產分 ...

唔好傻啦，注定左自己硬食架啦，無得追。佢口講話還姐，過左海就神仙，仲理你咁多咩，你死你事。的確，佢唔可以還俾政府同你，受到法律保障，咬佢唔入。