中左中介 有冇過來人

Jackiejackie

小弟上年年尾欠落幾條1線 幾條2條 十幾條電數
跟住就信左中介幫我搞破產 上年年尾頒左令
中介叫左我去間財會到借8萬 拎完錢出門口俾返中介 每個月要還1萬 供左3期 冇左份part time 供唔掂
呢家我決定唔還俾佢地 跟住佢地呢幾日不停打黎搵我身邊嘅人 又攝信去信箱叫我搵佢 唔係嘅話會上門
想請教大家我應該點做好
我係唔係要send返封破產令俾佢地
同埋後日我終於要見李周 我係唔係要同佢地講我仲有條數未報？

Jackiejackie

同埋想請問 基本上我近4個月都冇人搵我追數 但冇還俾呢間中介之後 就好似有兩班人同我追數咁 因為叫我聯絡佢地個電話唔同

Jackiejackie

咁會唔會係啲中介做鳩我 聯絡返我以前啲電數黎收我做架？

timmoz

中介數梗係報埋，唔好再還，點搞你都係，必須逼佢上門，上門搞完你就變死數唔會再追，裝定cam影低證據，電話錄音，有恐嚇成分滋擾可以報案。照睇好大機會係中介同中介既財仔。全部send破產令，大返佢轉頭，唔使理佢地講咩。

Reborn818

你意思係中介同你去財仔個八萬，你破產時無申報上去？？咁除咗呢條數，其他嘅數你老破時報齊晒上去未㗎？你講清楚少少，再睇吓應該點做比較好。

Jackiejackie

timmoz 發表於 9-6-2025 23:49
中介數梗係報埋，唔好再還，點搞你都係，必須逼佢上門，上門搞完你就變死數唔會再追，裝定cam影低證據，電 ...

咁我自己使唔使send個破產令俾佢地呢？
就係唔想佢地上門 之前一搞破產 己經有人上門 呢家隔左半年 屋企兩老都平復左落黎 唔想佢地又亂諗野

timmoz

你唔send人地鬼知你破，電話數就唔理係咪都搞架啦，淋硬咁款，二線都係兇下你，一定要俾屋企知，唔係一上門驚死佢地。

攪到我頭痛

你諗定點同外判講同埋最好即刻打比佢哋，話哂破左產都半年先話有一單漏報，真係唔知外判會點攪

Reborn818

攪到我頭痛 發表於 10-6-2025 09:48
你諗定點同外判講同埋最好即刻打比佢哋，話哂破左產都半年先話有一單漏報，真係唔知外判會點攪 ...

正式破產後私下還其他債務已是違法。其實樓主應該去報警話被人詐騙好過。

Reborn818

Jackiejackie 發表於 10-6-2025 00:09
咁我自己使唔使send個破產令俾佢地呢？
就係唔想佢地上門 之前一搞破產 己經有人上門 呢家隔左半年 屋企 ...

你send破產令俾佢哋有咩用？你條數根本就冇申報上去，就算佢而家滋擾你，你報警，佢地暫時唔敢亂黎，始終佢都係一定會追到底，只係幾時同用咩手法。

Jackiejackie

Reborn818 發表於 10-6-2025 00:00
你意思係中介同你去財仔個八萬，你破產時無申報上去？？咁除咗呢條數，其他嘅數你老破時報齊晒上去未㗎？你 ...

中介叫唔好報果8萬上去
其他都報晒上去

Reborn818

Jackiejackie 發表於 10-6-2025 14:42
中介叫唔好報果8萬上去
其他都報晒上去

緊係叫你唔好報，就係佢怕你唔還，一唔還就可以玩鳩你。
而家已經變左再申報又煩（有機會破產處會起訴你），唔申報就算你過咗呢個四年破產期，之後佢地實追到尾。
你門口裝個監控睇吓有冇阻嚇力，等佢哋唔敢咁大膽，咪聽嗰條白癡講上完門就變死數啦，根本黑財無d甘既事，明顯中介帶你去借嗰啲係黑財，有冇放債人牌照號碼都未知，嗰啲咩都做得出。除非你真係捉到佢應證據確鑿，可以刑事起訴佢，如果唔係根本都幾難搞。
如果你想同外判講申報返上去，你就記住同佢講係家人一直幫你還，然後佢哋真係滋擾，你睇吓有冇確實證據直接報警。

Jackiejackie

我聽日第一次見外判洗唔洗同佢講返呢條數？

Jackiejackie

我見佢係有放債人牌照 喺佐敦叫中x

timmoz

Jackiejackie 發表於 10-6-2025 21:21
我聽日第一次見外判洗唔洗同佢講返呢條數？

必須要報埋，報左就唔使再還，儲埋堆申請資料去報案詐騙

timmoz

Jackiejackie 發表於 10-6-2025 21:23
我見佢係有放債人牌照 喺佐敦叫中x

夠料可以報案，有牌都係受監管，唔使怕咁多

Jackiejackie

樓上話如果申報上會 會被破產署起訴 會起訴啲咩架？

Reborn818

Jackiejackie 發表於 10-6-2025 21:21
我聽日第一次見外判洗唔洗同佢講返呢條數？

呢樣你自己諗，同如果你申報埋睇吓點樣同主任或外判解畫。
破產條例講明，破產人事，如未經法庭或破產管理署署長/受託人批准，破產人不得直接向個別債權人還款
你所有支出同收入要如實上報，你無啦啦何來有錢還其他俾人？