準備舉手

Yy012345 · 发表于 23-5-2025 20:20:33

欠6間一線本金63萬加利息3萬總共66萬
失業一年，加上賭博輸了70萬積蓄和63萬卡數
準備申破但破完不想上繳，本身想躺平4年或者返兼職夠食夠住平平淡淡過咗四年就算，但係突然收到一份全職offer….失業前月入40k。呢份全職因為唔係做銷售人工低左得3萬。想請問如果返全職的話，破處主任俾唔俾我租住私樓？冇車冇樓冇資產冇小朋友唔需要供養任何人，大約要上繳幾多？因為如果上繳得多就諗住拒絕個Offer搵兼職或者躺平算了。
希望各位師兄師姐俾啲意見感激。
另外我爭X錢包30,000只是過了還款期兩日已經不停打電話追我。我幾日後申破係咪有咗臨時頒令send俾佢？佢就可以收嗲？另外五間有一間都已經找唔到，不過冇追過我，餘下的4間一線六月先到還款日我六月前會申破。TU暫時都係B。

扣底犯眾憎 · 发表于 24-5-2025 00:33:47

師兄去fb 搵（2，3線財仔銀行借貸，破產及走數關注組）果度好多人教你自己入學

reborntill2029 · 发表于 24-5-2025 01:44:18

申破如果你搵律師樓起碼要搞半個月先會拎到臨令

Reborn818 · 发表于 24-5-2025 12:43:33

如收入三萬，假設租金一萬（破產後唔會唔俾你租屋的，只要你有租單有晒合約打晒釐印，佢哋無得唔批），單身完全冇人要養，你預起碼上繳要八千到一萬），不過因為你都算係大戶，如果態度良好友合作，你又發揮吓你口才應該有機會供少的。
你自己諗啦，如果你躺平四年，堅決唔想上繳，主要外判係會煩吓你，但一般都吹你唔脹（只要你合理解釋到你生活費係邊個資助你）。

Reborn818 · 发表于 24-5-2025 12:44:59

X 嗰邊你出咗臨令有NO ，WhatsApp俾佢，佢哋就會停止追數

Yy012345 · 发表于 24-5-2025 13:16:55

Reborn818 發表於 24-5-2025 12:43
如收入三萬，假設租金一萬（破產後唔會唔俾你租屋的，只要你有租單有晒合約打晒釐印，佢哋無得唔批），單身 ...

如果返兼職一個月搵萬六住公屋係咪唔使上繳？因為而家係煩惱緊返兼職然後住返公屋好，定係返全職租住私樓好盡量上繳好少。因為坦白講，如果我住公屋又搵30,000扣完1500強積金28500然後每個月上繳14000既話，基本上48個月我係還晒所有錢俾債權人咁我破產又好似冇乜意思？

Yy012345 · 发表于 24-5-2025 14:02:34

Reborn818 發表於 24-5-2025 12:44
X 嗰邊你出咗臨令有NO ，WhatsApp俾佢，佢哋就會停止追數

另外想了解一下，假設我5月29號去申破，即日攞到no，幾時會凍結我啲銀行户口？凍結時間有幾耐？幾時可以解凍？因為怕影響我返工出糧。同埋如果係申破2個月後先開始入住私樓而申破前住緊公屋，會唔會比人質疑破產後住得仲好左覺得我避上繳？

Reborn818 · 发表于 24-5-2025 14:03:05

本帖最後由 Reborn818 於 24-5-2025 14:11 編輯

你而家租緊私樓定住公屋？如你而家唔係住緊私樓，破產後突然間話要租屋，你要解釋租屋錢係邊度黎。（按金上期連經紀佣起碼都要預三，四萬）
如住公屋，你使唔使交租同支付所有燈油火蠟？如果住單身住公屋，收入三萬，如果上繳一定會到多，但至於值唔值得破產，你自己衡量（因為唔知你工作性質，同你對自己嘅 career path 有冇期望。）

Reborn818 · 发表于 24-5-2025 14:10:02

Yy012345 發表於 24-5-2025 14:02
另外想了解一下，假設我5月29號去申破，即日攞到no，幾時會凍結我啲銀行户口？凍結時間有幾耐？幾時可以 ...

間間銀行凍嘅時間唔一樣，中銀幾日就凍左，有同學仔話獅子可以用到頒令（我唔肯定）。解凍信一般申請後幾日有（視乎個主任嘅效率），你自己計好時間去申請。
如果你破產後先出嚟租屋，正如我之前講你要解釋金錢來源同原因（一般原因都話因為期間俾人追債俾屋企趕出嚟囉），如果解到嘅畫又有晒單據，佢冇得唔俾你租屋的。

Yy012345 · 发表于 24-5-2025 14:20:37

Reborn818 發表於 24-5-2025 14:03
你而家租緊私樓定住公屋？如你而家唔係住緊私樓，破產後突然間話要租屋，你要解釋租屋錢係邊度黎。（按金上 ...

依家住緊公屋，就係覺得3萬收入住公屋要上繳好多48個月後根本就還哂所有錢比債權人，所以想搬出去住私樓上繳少啲。咁如果我放棄full time,去返pt 可能搵15000一個月繼續住公屋，我係俾晒屋企所有租金水電媒日用品電話費再加埋自己食飯搭車。兼職萬五係咪唔使上繳？

Reborn818 · 发表于 24-5-2025 14:29:17

Yy012345 發表於 24-5-2025 14:20
依家住緊公屋，就係覺得3萬收入住公屋要上繳好多48個月後根本就還哂所有錢比債權人，所以想搬出去住私樓 ...

如果15000收入，租金同燈油火蠟全部係你俾，計數出嚟正常係唔使上繳。

Yy012345 · 发表于 24-5-2025 14:30:07

Reborn818 發表於 24-5-2025 14:10
間間銀行凍嘅時間唔一樣，中銀幾日就凍左，有同學仔話獅子可以用到頒令（我唔肯定）。解凍信一般申請後幾 ...

咁大獲了，我5月29號申破，7月上庭？我6月返工，咁6月份糧係咪銀行過唔到數？我叫老闆出支票可以？

Reborn818 · 发表于 24-5-2025 14:32:22

Yy012345 發表於 24-5-2025 14:30
咁大獲了，我5月29號申破，7月上庭？我6月返工，咁6月份糧係咪銀行過唔到數？我叫老闆出支票可以？ ...

好大機會入到出唔到的。
如果老細肯出支票，梗係叫佢出支票啦（但記得嗰張一定要係現金票）

Yy012345 · 发表于 24-5-2025 15:13:47

Reborn818 發表於 24-5-2025 14:29
如果15000收入，租金同燈油火蠟全部係你俾，計數出嚟正常係唔使上繳。
...

明白，我應該會返三個月全職睇吓過唔過到試用期，過咗試用期會同老闆傾轉兼職。如果佢唔俾我轉兼職嘅我咪失業或者出去搵其他兼職囉。如果咁樣睇應該唔會返全職搬出去住私樓，好似好難解釋咁。

Yy012345 · 发表于 24-5-2025 15:21:04

因為我而家淨係得返中銀一個戶口。咁如果5月29號申破，6月開始返工，6月30號會出糧，我會叫老闆頭三個月出支票，我6月30收到張支票可以去中銀支票機存，然後提取現金嗎？另外想問吓如果5月29申破，咁七月上庭，破產期係四年，即係由2025年7月至2029年6月，咁呢48個月就要上繳，咁我2025年6月份糧係咪可以自己用晒佢？

Reborn818 · 发表于 24-5-2025 15:52:31

本帖最後由 Reborn818 於 24-5-2025 15:53 編輯

戶口凍左，你張票入得户口都唔會擰到現金出黎。如果你公司俾你嗰張係現金票，你就可以去櫃位攞身份證攞現金，但假如佢係劃線支票，咁冇辦法你一樣要入戶口，但都係拎唔到出嚟。
方法一：如果你仲生活到，由得佢照入戶口，到時申請解凍信一次過攞晒出嚟。（戶口頒令後幾日就會取消，如果你無申請保留，但戶口冇得保留綜合只可以保留儲蓄）
方法二：去細銀行開住頂住檔用到頒令，但我唔肯定依家有邊間細銀行，可以開到俾你用到頒令（以前聽同學仔講多數都係小新同永x)
未傾生活費前，錢你照用問題唔大，大不了到時分期比返佢。

Yy012345 · 发表于 24-5-2025 16:04:21

Reborn818 發表於 24-5-2025 15:52
戶口凍左，你張票入得户口都唔會擰到現金出黎。如果你公司俾你嗰張係現金票，你就可以去櫃位攞身份證攞現金 ...

如果5月29號申破，大約七月會上庭頒正式破令對嗎？咁通常係幾時傾生活費㗎？

Reborn818 · 发表于 24-5-2025 16:11:54

Yy012345 發表於 24-5-2025 16:04
如果5月29號申破，大約七月會上庭頒正式破令對嗎？咁通常係幾時傾生活費㗎？ ...

如529呈請出臨令，一般會7月8號或15上庭。你自己去舉手嗎？文件注意填寫，如果唔係第一次上庭破唔到，要重新修正等多一個禮拜先頒令。
傾生活費個個都唔一樣，有人快到第一次上去交文件已經傾埋簽埋，亦有人等成年都無人聯絡。

Yy012345 · 发表于 24-5-2025 17:57:03

Reborn818 發表於 24-5-2025 16:11
如529呈請出臨令，一般會7月8號或15上庭。你自己去舉手嗎？文件注意填寫，如果唔係第一次上庭破唔到，要 ...

對的，我自己去舉手。身邊有朋友已經老破左佢會陪我一齊去填表，所以應該都OK。而家最主要係擔心6月30號份糧收唔到同埋擔心傾生活費上繳問題。所以仲喺度糾結緊返全職定係兼職同埋幾時應該返工。因為而家嗰個Offer係6月2號就要返工。

Yy012345 · 发表于 24-5-2025 17:57:51

Reborn818 發表於 24-5-2025 16:11
如529呈請出臨令，一般會7月8號或15上庭。你自己去舉手嗎？文件注意填寫，如果唔係第一次上庭破唔到，要 ...

同埋如果我5月29號呈請出臨時令。如果真係6月2號返工老闆係唔會知道我老破對嗎？

		自动登录	找回密码
密码			註冊