網倒

Pop123

小弟因網(倒)攪到欠1,2線財仔，有幾條係續借有2條係新借，而家有幾個問題求高人指點
1 有新數係咪會俾人告欺詐？

2 用網(倒)去解釋貸款去向又會否俾人告非(倒)？

3 破產後究竟係咪大多數吾洗還$？

timmoz

1. 唔一定，要證明好難，疑點利益歸於被告，不過多數財仔特別二線會大你，嚇到你清數，或者繼續供現金落去. 2. 儘量唔好，網賭香港唔合法，要證明去向你要拎紀錄出黎，變相入自己犯罪事實，搵黎搞，只要資不抵債，完全無問題，合情合理 3.唔使還俾債主，但可能要供款俾受託人，視乎你獲批生活費幾多

扣底犯眾憎

師兄去fb 搵（2，3線財仔銀行借貸，破產及走數關注組）果度好多人教你自己入學

Pop123

timmoz 發表於 20-5-2025 00:46
1. 唔一定，要證明好難，疑點利益歸於被告，不過多數財仔特別二線會大你，嚇到你清數，或者繼續供現金落去. ...

1.其實我有喺wts問過律師，佢話解釋得到就冇事，仲話如果對方要告，假設係走數或破產對方都會告我
2.你意思即係只要資不抵債就吾洗解釋貸款去向？咁我揾20000每月找18000數應該算？我冇其他資產
3.其實受托人係乜黎？如果供款俾佢，d錢係入邊個袋？

timmoz

1. 好難告得入 2.可以咁講，起碼大約去左邊咪交代返，有證明紀錄更好 3.你當佢係監管人，如果跟主任就係破產處跟，其他可能外判會計師樓跟你幾年，有無供款，交報表

Pop123

timmoz 發表於 20-5-2025 03:39
1. 好難告得入 2.可以咁講，起碼大約去左邊咪交代返，有證明紀錄更好 3.你當佢係監管人，如果跟主任就係破 ...

2.如果真係要交代，我真係吾知點答

timmoz

日常消費都要用錢既，還錢有過數紀錄

Pop123

timmoz 發表於 20-5-2025 03:39
1. 好難告得入 2.可以咁講，起碼大約去左邊咪交代返，有證明紀錄更好 3.你當佢係監管人，如果跟主任就係破 ...

2.如果真係要解釋，我可以點講？

3.破產主任定外判鬆手d？

Reborn818

Pop123 發表於 20-5-2025 04:19
2.如果真係要解釋，我可以點講？

3.破產主任定外判鬆手d？

是但諗吓合邏輯藉口囉（如溝女，輸俾狗會等等）
無話邊個鬆手啲，睇吓你遇到邊個，一般你收入高上繳數大，佢生活費咪判鬆手啲俾你囉，其實好多野靠你自己說服佢。

Reborn818

題外話…..網（倒）？？？咁大個人連個賭字都唔識寫？？

nakamura

樓主網賭輸幾多搞到破產？

Pop123

輸左25萬

Pop123

d二線好古惑，申請時專登報小d外債就係為左驚你破產，等佢可以告？有冇人真係咁而入到欺詐罪？

Pop123

Pop123 發表於 20-5-2025 19:11
d二線好古惑，申請時專登報小d外債就係為左驚你破產，等佢可以告？有冇人真係咁而入到欺詐罪？ ...

今日見過律師，我話網(倒)係由自己户口轉$去人地户口，佢話破產官可能會咬定呢樣係財產轉移，再加埋上面個問題，吾通要因為攪老破而承受被告2條刑事既風險？所以我今日冇申請老破

失控的人

請問師兄搵邊間律師樓？

失控的人

Pop123 發表於 20-5-2025 19:23
今日見過律師，我話網(倒)係由自己户口轉$去人地户口，佢話破產官可能會咬定呢樣係財產轉移，再加埋上面 ...

請問師兄搵邊間律師樓？

TomC123

睇呢度啲師兄經驗嚟講，你講賭嗰啲破產主任一般都唔會有啲乜嘢反應㗎啦，你上到庭個官會唔會問？我唔敢肯定。不過我夠膽講，去得破產都有一大部份人係因為賭博。我暫時又好似冇聽過有人因為咁樣樣而俾人拉。咁當然啦自己小心啲啦都係要。至於二線嘅問題？嘥氣啦佢哋唔會告你㗎啦（除非你真係好大上落啊咁呢個我唔敢包）不過一般情況底下你驚佢哋上門貼你大字報淋你紅油好過啦

Reborn818

上到法庭法官，當然唔會問呈請人資金流向問題，法官只係concern，你係咪資不抵債，同所有文件都完全冇問題，如係就負責宣布頒破產令。至於其他牽涉破產條例嘅刑事，破產管理處嘅破產官會慢慢去研究（追究），如有問題要起訴又係另一個故事。
其實破產管理處，只係會理你係咪資產轉移，所以如果你解釋到又有證據，你係賭博輸左（唔理你做咩渠道嘅賭博），基本上係無問題的。係咪告你賭外圍，根本唔係破產署要處理嘅嘢。
關於二三線財報警告你詐騙，其實有啲仆街收唔到錢係會有可能（睇過舊文好似有師兄瀨過嘢，買買下餸俾人查身份證，跟住拉咗），但通常玩你一兩年一直叫你去簽到，然後就會不了了之冇事。
所以學Tom師兄話齋，黑財二三線財你驚佢玩大字報同淋紅油好過啦。