破產加民事

yoyoming · 发表于 17-5-2025 23:13:33

Hello
我破產就黎上庭但我而家比人民事告緊, 會唔會比人到時反對我破產

如果對方成功反對我破產咁我之後會點? 又有咩可以做到?

今年一黎就比人告+失業再破產真係慘
比人告嘅原因更奇怪無錢去賣咗架車點知銀行收到嘅係黑錢而家錢嘅原主人想民事向我拎返仲請咗個中環鬼佬律師樓做野

唔該大家幫幫我睇下我有咩做到

showluo · 发表于 19-5-2025 18:41:21

59岁洗碗工涉借户口洗4600万黑钱56个月监禁一名59歲女子承認3項洗黑錢罪，案件於周四（13日）提堂，被告判囚56個月。案情指，被告的3個帳戶涉及洗黑錢，所涉金額約港幣4600萬元，儘管沒有證據顯示被告知道上游罪行的性質和被告有參與上游罪行，被告的角色助犯案者把犯罪得益合法化。區域法院法官張潔宜判刑時指，基於洗黑錢罪及使用傀儡戶口的普遍性，將被告3項控罪的刑期上調三分之一，同期執行，總刑期為56個月監禁。被告杜麗娟（59歲，洗碗碟工人）被控3項處理已知道或相信為代表從可公訴罪行的得益的財產，即洗黑錢罪，所涉金額約港幣4600萬元。被告帳戶的使用日期由2021年3月31日至2022年4月11日，總存款次數為180次，提款次數則有249次，而3個帳戶中有2個的結餘為零。被告於2023年3月16日被拘捕，在警誡下聲稱不知道為何涉及洗黑錢。被告在其後的錄影會面中表示之前曾遺失香港身份證，但不久便尋回，所以沒有報失，亦曾將身份證交給朋友，讓朋友幫忙換智能身份證。她確認眾安銀行開戶授權書所夾附的身份證副本是她的身份證副本，但否認曾開立相關銀行帳戶。被告求情時指，她於約2019年認識一名名叫李文浩的男子，並成為了其「契媽」。案發時，被告應李先生的要求，代為開立了該3個銀行帳戶，然後交由李先生處理。而事發後，被告再也找不到李先生。區域法院法官張潔宜判刑時指，沒有證據顯示被告知道上游罪行的性質和被告有參與上游罪行，亦沒有證據顯示案件涉及國際跨境成分、犯罪集團或繁複的步驟、計劃或詐騙手段，但被告的角色重要，沒有她的配合及開立銀行帳戶，犯案者也不能處理黑錢，把犯罪得益合法化。而根據控方提交的書面供詞，供詞內的資料清楚顯示洗黑錢罪在近年的普遍程度。故接納控方要求加刑的申請，將3項控罪的刑期分別上調三分之一至40個月、37個月及56個月監禁，同期執行，故總刑期為56個月監禁。

mirror0822 · 发表于 18-5-2025 02:08:26

真係運都輸埋，聽天尤命了。等法庭點判了

timmoz · 发表于 18-5-2025 03:37:16

之後你咪要坐監囉，洗黑錢，十碌以上，同破產無關，不過有心轉移人地可以做低你

Reborn818 · 发表于 18-5-2025 08:04:22

timmoz 發表於 18-5-2025 03:37
之後你咪要坐監囉，洗黑錢，十碌以上，同破產無關，不過有心轉移人地可以做低你 ...

笑燃死，民事索償，坐咩監？真係唔知你係心地差，定基本理解都有問題。樓主係俾人民事索償，因為佢賣左架車，但買家俾佢嘅錢係黑錢，而家苦主經民事訴訟想攞返佢自己嘅錢。唔該你呀，成日喺度九唔搭八，又話要拉要鎖。

Reborn818 · 发表于 18-5-2025 08:09:51

本帖最後由 Reborn818 於 18-5-2025 08:17 編輯

你單嘢只係民事索償，點會有權力反對你破產？只要你係資不抵債就已經可以破產，況且你嗰單嘢，個苦主都唔算係你責權人。
其實你架車係賣咗俾邊個？係你識嘅朋友定係點？介唔介意講詳細小小？

yoyoming · 发表于 18-5-2025 19:10:14

Reborn818 發表於 18-5-2025 08:09
你單嘢只係民事索償，點會有權力反對你破產？只要你係資不抵債就已經可以破產，況且你嗰單嘢，個苦主都唔算 ...

上年上賣車網定唔知facebook搵我都唔識佢衰係銀行轉帳到早知我收現金

由供樓換車普通中產變破產仲要比人告上年到而家用咗幾廿萬上咗庭都冇用明明證據咁清楚加上失業咪焗住破

其實佢未打嬴應該唔係我債權人所以佢反對唔到我破產就可以了

Reborn818 · 发表于 18-5-2025 20:38:44

本帖最後由 Reborn818 於 18-5-2025 20:40 編輯

其實收現金或者銀行過數都冇分別，因為個新買家會去轉牌，一樣跟到係你賣俾佢。
成件事重點係你識唔識個買家，如係你親朋戚友都仲有機會話你夾埋洗黑錢，大條道理藉口追討返嚟賣車所得嘅錢。但而家你根本係登廣告賣車，嗰個完全係陌生人，而部車又真係你嘅財物你又不知情，呢單嘢我唔覺得佢可以索償成功囉。
假設真係咁荒謬，對家贏咗官司，但…..民事索償法庭又唔會判有咩行動，只如果你冇力或者唔還，咪申請你破產囉，但你已經破左，佢都係吹你唔脹。
佢而家當然唔係你嘅債權人，同埋即使係你債權人佢想阻止人破產，亦唔係一件咁簡單嘅事。

yoyoming · 发表于 18-5-2025 21:43:57

多謝師兄解答
原來個法律term 叫我做 "真誠交易"
但錢嘅原主人都有報警所以遲D果邊可能又要搞一輪

showluo · 发表于 18-5-2025 23:23:35

Reborn818 發表於 18-5-2025 20:38
其實收現金或者銀行過數都冇分別，因為個新買家會去轉牌，一樣跟到係你賣俾佢。
成件事重點係你識唔識個買 ...

咁恐怖而家香港乜都有

Reborn818 · 发表于 18-5-2025 23:25:36

yoyoming 發表於 18-5-2025 21:43
多謝師兄解答
原來個法律term 叫我做 "真誠交易"
但錢嘅原主人都有報警所以遲D果邊可能又要搞一輪 ...

唉，明顯買你架車條友衰詐騙俾人周到，就自然會查晒所有嘅資金流向，無啦啦拖埋你落水。
嗯，真誠交易….所以我問你識唔識個賣家就係咁原因，但你明顯係付出有值代價，而不知情的真誠買家／收款人，煩係煩啲，但係我認為對家贏面不大。
人到谷底就會反彈，祝一切順利，

Reborn818 · 发表于 18-5-2025 23:30:35

showluo 發表於 18-5-2025 23:23
咁恐怖而家香港乜都有

唔係而家，係一直都發生都有。只要你同俾人周到洗黑錢嘅人，有個任何資金嘅關連，就好容易中招。
我有朋友戶口，無啦啦俾人凍結（內有七位數字現金），仲要有差佬上門，收走晒所有值錢嘅嘢（如珠寶手表等等），就係佢嘅戶口，有同一個俾人拉咗洗黑錢又有往來，玩咗幾年，雖然後來冇事，但係搞到人都癲。

showluo · 发表于 19-5-2025 00:32:44

Reborn818 發表於 18-5-2025 23:30
唔係而家，係一直都發生都有。只要你同俾人周到洗黑錢嘅人，有個任何資金嘅關連，就好容易中招。
我有朋 ...

祝樓主好運

yoyoming · 发表于 19-5-2025 02:00:20

Reborn818 發表於 18-5-2025 23:30
唔係而家，係一直都發生都有。只要你同俾人周到洗黑錢嘅人，有個任何資金嘅關連，就好容易中招。
我有朋 ...

多謝師兄分享不過諗起要玩幾年就想死慘過破產;P 破產起碼就呢4年要做咩

Reborn818 · 发表于 19-5-2025 18:58:13

showluo 發表於 19-5-2025 18:41
59岁洗碗工涉借户口洗4600万黑钱56个月监禁一名59歲女子承認3項洗黑錢罪，案件於周四（13日）提堂，被告判 ...

上述案例係擺明借戶口協助洗黑錢，基本上吟詩都吟唔甩。但樓主明顯係賣車無啦啦買咗俾一個詐騙犯，完全唔同處境，咪嚇佢啦。

showluo · 发表于 19-5-2025 20:19:29

Reborn818 發表於 19-5-2025 18:58
上述案例係擺明借戶口協助洗黑錢，基本上吟詩都吟唔甩。但樓主明顯係賣車無啦啦買咗俾一個詐騙犯，完全唔 ...

Sorry樓主祝樓主好運樓主都係黑仔啫

yoyoming · 发表于 20-5-2025 12:45:13

今天產已破
一陣去補資料比法援等我拿拿聲見新律師

我都準備緊26貢同每月收入及開支評估表格
我填每月0收入同每月100蚊電話費支出會唔會唔信我呢? 哈哈

不過岩岩打個電話上去黃關交資料條友都態度都幾差下
唔知我最後跟主任定外判

Reborn818 · 发表于 20-5-2025 12:49:45

收入可以寫零，但支出唔可以甘樣寫。你咁寫到時去到俾人串到反皮。你唔使食唔使搭車？唔使剪頭髮或其他生活雜費咩？你自己盡量寫，然後佢問你邊個資助，你咪照話俾佢聽，咪無啦啦自己申請俾人小，好冇癮㗎。

showluo · 发表于 28-5-2025 05:20:27

我都去黃關

showluo · 发表于 28-5-2025 05:21:34

祝樓主官司順利大步攬過

		自动登录	找回密码
密码			註冊