7號出糧 準備舉手 請問有咩要準備??

OTTO

我已經走數大半年 一直儲唔到萬幾蚊舉手拖到依加

工作室 非住宅按揭 1M幾
有限公司用工作室抵押(唔知有無上田土) 借左1M中小企
銀行P LOAD 60萬 一線財幾條大約80萬 2線扣底2條 30萬  2張信用卡15萬
大約係咁多數 已經唔記得供淨幾多數了 估計大約負債4球幾

有負資產物業 有公司 是否揾3姓可以攪掂?? 因為萬幾蚊都未有 唔敢上去6C樓問長問短
早1個月前 工作室應該被執達利收左(因為我上年年尾都搬離) 銀行卡扣到$0 AUTOPAY交唔到電話費CUT埋 無人聯絡到我
12月中有單財仔告我 區域法院既 我無去到。唔知依加出唔出到境 因為我諗住舉完手搬返大陸住 重新黎過。

想問一問各位師兄師姐 我現在乜都文件都無 等出糧準備萬8蚊同埋得張身份証 係咪就咁上3姓攪就得??

Terea

三姓免費咨詢，可以去問下，但我嘅經驗係如果你冇文件，應該唔接，冇文件26頁都填唔到。一係拎返份TU好過乜都冇。

OTTO

Terea 發表於 1-3-2025 18:14
三姓免費咨詢，可以去問下，但我嘅經驗係如果你冇文件，應該唔接，冇文件26頁都填唔到。一係拎返份TU好過乜 ...

我現時只係準備到錢同埋身份証囉 我真係唔知要拎啲乜比6C
所以咪上黎請教吓 廢事到時盲中中
TU點樣拎架 係咪即日拎到? 洗唔洗比錢架?  仲有乜其他文件要準備

Terea

OTTO 發表於 1-3-2025 18:22
我現時只係準備到錢同埋身份証囉 我真係唔知要拎啲乜比6C
所以咪上黎請教吓 廢事到時盲中中
TU點樣拎架  ...

TU上網拎，聽講一年有一次免費，但我唔肯定，你search「環聯」睇下。我之前係交齊哂文件俾我律師，月結單、合約、資產證明、公司BR、訴訟資料等等，因為要填表格，如果你乜都冇律師樓都唔知點填～

OTTO

Terea 發表於 1-3-2025 18:29
TU上網拎，聽講一年有一次免費，但我唔肯定，你search「環聯」睇下。我之前係交齊哂文件俾我律師，月結單 ...

月結單、合約、資產證明、公司BR、訴訟資料
咁就大0樂 我個收信地址都比執達利收埋 3個月無返過去 無晒啲信件
AUTOPAY扣到無晒錢電話費都無錢交 電話都CUT埋
咁點舉手......................

Terea

OTTO 發表於 1-3-2025 18:34
月結單、合約、資產證明、公司BR、訴訟資料
咁就大0樂 我個收信地址都比執達利收埋 3個月無返過去 無晒啲 ...

不如你搵三姓問問先，去佢地網頁㩒兩㩒，好快有人電話/wts回覆，佢約你見面你咪再諗諗去唔去。我唔係搵三姓搞入學但有問過佢哋嘢，反正唔洗錢，嗰陣我都係當拎多個意見等自己角度唔好咁單一。