教填年報

Anmi2019

第一次填可能會覺得煩d，用d時間慢慢消化吓，明白咗填過，下次就會好易填啦。

1. 其實去破署網，佢有個#周年收入及取得的財產說明書填寫指南教你點填 https://www.oro.gov.hk/pdf/cht/pforms/guide_on_completion.pdf，另有空白嘅年報表#周年收入及取得的財產說明書(破產案) https://www.oro.gov.hk/pdf/cht/p ... operty_acquired.pdf 畀你自己下載噃嚟填。

2. 年報說明書期間由?至? ~ 係寫頒令當日至下年頒令前1日。如2020年10月10日頒令，就要寫2020年10月10日至2021年10月9日(可參考填年報指南)。幾時要交? 一般接受14日內交到受託人手 ***每間受託人要求唔同，最好問吓先。

3. 收入:
i. 如有薪金就照寫幾多，如無(失業)就寫0。
ii. 如開頭失業之後搵到工或者開頭有工返之後失業，都要喺A(收入)#薪金及工資下面寫由幾時至幾時失業(可參考填年報指南)。
iii. 如有申領經政府或任何機構得到嘅任何津貼款項，申請得到幾多錢，如實寫去最底果項#從任何其他上文沒有提及……嘅下面。
如拎傷殘津貼，就寫社會福利署公共福利金計劃下的傷殘津貼，全期12個月總數幾多錢。如受託人要你嘔噃幾多錢畀佢，就要去b(支出) 最底果項#其他支出，請註明下面，寫#退回??計劃~ 幾多錢。

4. 支出:
i. 哂所有單據嘅項目出嚟先 ~ 租金，差餉，管理費，水費，電費，煤氣費/石油氣費，住宅電話費，流動電話費，寬頻上網……，就各項全期12個月內單據上個數相加後寫上。
ii. 學費，學校雜費(書簿費、校服等)，強積金，公積金，稅款，對破產產業作出的供款 ~ 如有相關支出，就按實際數或單據數去填。如無相關支出，就喺項目總額寫0。
iii. 無單據項目 ~ 家庭膳食，交通費，家庭雜項開支，如受託人有就每項批個數畀你，就直接將個數x12。如無批，就跟噃#每月收支表填果個數x12或者按噃自己實際支出數去填。***其實最好寫哂收入，有單據嘅項目同下面其他支出數先，之後用依幾個項目嚟夾數。
iv. 其他支出，請註明 ~ 如受託人有批供養父母/配偶/子女/個人雜費...... 就喺下面寫1. 供養邊個 2. 供養邊個 3. 個人雜費…… 各項總額按受託人批個數直接x12。
v. 如受託人只畀咗個上繳數你，無批其他項目，咁所有支出有單跟單填，無單就按實際數/跟噃#每月收支表填果個數x12去填，記得就住份人工去寫(合情合理d)，唔好作到太誇張。
5. 預計支出多過收入(要親戚朋友資助)，其實有兩個寫法 ***最好問吓受託人先。
i. 跟噃破署填年報指南 ~ 先寫哂b，將b-a(計哂薪金,佣金......??計劃津貼) 多出個數寫去a 最底果項#從任何其他上文……  如有??計劃津貼，就寫1. ??計劃津貼 2. 親人財政資助，咁樣寫完a-b盈餘就會=0。
ii. 我外判教~ a b 如實照寫， a-b盈餘寫 (-幾多) 喺下面空白位置寫由親人XXX代支。

6. 如真係有盈餘，要上繳噃畀受託人(我諗無咩同學會咁寫)。

7. 所有支出單據要問受託人需唔需要同年報一齊交，有d受託人仲要畀埋銀行戶口記錄，有d只要份年報，唔需要其他資料文件。無論受託人話要唔要都好，相關單據點都保留到畢業後先好掉。

8. 年報填好後畀受託人前，記得影印1份自己留底。跟邊間，寄/電郵畀噃邊間，跟破署主任仲可以上網填#網上提交周年收入及取得的財產說明書https://www.oro.gov.hk/cht/our_s ... nt_of_earnings.html。
交完之後自己預時間問受託人收唔收到，佢哋睇完覺得有問題，自然會電話搵你，教你點樣改噃。改完記得留底，有d受託人會喺你臨畢業前/寫信申請#不反對時，先話無咗邊份，要你畀噃佢。

以下係21年10月至24年11月有關大家填年報嘅討論https://hkiva.org/forum.php?mod= ... id=293&mobile=2，帖名#填年報，因過咗30日無人留過言，所以推唔噃上嚟，有興趣可以入去爬文。







補充內容 (11-2-2025 05:24):
21至24年嘅討論，試下入去睇https://hkiva.org/forum.php?mod= ... id=293&mobile=2

補充內容 (11-2-2025 05:27):
條舊link都係入唔到，要喺網面撳放大鏡，喺搜索帖子度打填年報先得

HIJL

感謝分享

終於交左第一份年報, 係網上交都好方便

全部野都按生活費表格填, 支出全部X12

最後赤字幾千蚊, 填左家人協助

就係唔知主任會唔會要求全部都要有單有據

Anmi2019

有時間自己睇吓，覺得有用就撳右上角#收藏，之後想睇噃，可以去網面撳#公仔頭#我的收藏裏面

Anmi2019

推一推

Pauyeah

推推

Pauyeah

最底條link睇唔到內容

Anmi2019

Pauyeah 發表於 3-2-2025 01:34
最底條link睇唔到內容

係，我都唔知點解，可能手機版又轉唔到電腦版。
要睇，可以喺網面撳放大鏡，喺搜索帖子度打填年報就會睇到

最後生還者

請問如果支少左咁點填。例如批左$500電費，冬天用少左電，得$250點填

Anmi2019

最後生還者 發表於 5-2-2025 20:58
請問如果支少左咁點填。例如批左$500電費，冬天用少左電，得$250點填

冬天用少咗夏天有無用多噃先？全期12個月計喎，先唔好理批個數係幾多先，拎哂所有有單據嘅項目計咗數先，之後真係少過總收入，就將無單據嘅項目加噃大，去=噃總收入。
試吓填先，唔明再問。

park

其實比唔比岀境，返大陸食嘢？旅遊坐喺飛機？（親人比$ ），渣車入油開支？

wong4794

我冇影印多份留俾自己,我今年6月就滿期,不過我同到李周律師事務所寄俾我嘅信,話我欠$6300,同冇安時交費,我每個月7號入數,因為我人工少咗交少咗,但係我都只留佢俾嘅生活費,依家點做好

Anmi2019

park 發表於 8-2-2025 07:05
其實比唔比岀境，返大陸食嘢？旅遊坐喺飛機？（親人比$ ），渣車入油開支？ ...

點解唔畀，破產人都有出境自由，但要睇你受託人有無要求你出境幾耐先要通知(有d即日來回都要你通知，但有師兄搏唔理)，你可以參考吓咁寫，

本人XXX, 破產檔案編號 XXXX年第XXXX宗, 現通知受託人, 本人將於下列日期離開及返回香港, 行程如下:

目的地:
離港日期:
回港日期:
離港原因:
當地聯絡電話號碼: (你可以寫噃自己果個)
全程費用支付者姓名:

本人簽名, 本人聯絡電話號碼(方便受託人收到後可以盡快確認你)
寫信日期

fax/email完過去，轉頭記得打去問佢收唔收到。

Anmi2019

wong4794 發表於 10-2-2025 08:18
我冇影印多份留俾自己,我今年6月就滿期,不過我同到李周律師事務所寄俾我嘅信,話我欠$6300,同冇安時交費,我 ...

1. 當日人工少咗有無書面/電話通知佢？唔可以就咁自己減少上繳㗎。
2. 你盡快打電話過去，話你人工其實由幾時開始由幾多減至幾多，因唔知要通知佢，所以先自己減少上繳數，睇吓有無得傾吓啦。唔得就傾吓分期，最好喺完期前清咗條數。

小叔叔

如果收入多過支出, 因為有雙糧花紅. 咁我話要黎換電話, 電腦, 傢私, 眼鏡等等咁得唔得?

Anmi2019

小叔叔 發表於 12-2-2025 22:24
如果收入多過支出, 因為有雙糧花紅. 咁我話要黎換電話, 電腦, 傢私, 眼鏡等等咁得唔得? ...

出雙糧果時就要通知受託人出咗幾多錢，再講想申請幾多錢自用嚟買咩，睇吓受託人批唔批同批幾多先得，餘下果d錢要上繳畀噃受託人㗎。
當你出兩萬花紅，受託人只肯畀5千你自用(啫係要上繳噃萬5)，咁依5千你買咗咩，就要砌夠數填噃落年報#其他支出到，交年報時仲要提供埋有關嘅單據。

Ffffghhgf

我見有個朋友 所有都寫零 政府又無煩他

Anmi2019

Ffffghhgf 發表於 13-2-2025 04:43
我見有個朋友 所有都寫零 政府又無煩他

就破署份年報指南失業都要照寫支出，由親人資助，無可能全部寫零囉。佢寫哂零交完，破署應該都會叫佢更改噃。

Anmi2019

推一推

Heatinred

感謝教學

Anmi2019

推一推

96年的迷途小子

推阿 月尾填第二年報了 都係跟呢個填