已經唔識得面對 我是否應該破產

OTTO

我自己開公司，接室內設計出圖訂貨 安裝 裝修類型，大概16-17年時候300萬買左個工作室，之後開始無租屋搬入去住 E度借左155 非住宅按揭
封關果2年 生意已經少很多 加上我反唔到內地睇住出貨，好多貨落到香港都好大問題 已經開始借錢吊命
因為我爸媽有間居屋每月萬2蚊都我供的，E+我已經數冚數爆煲了 ，銀行1/2線已經過百了
E+工作室大門己貼高等法院信，限我1月中搬出 ，1線去法院告我要求12月中上法庭 我唔想去呀， 好想收埋自己唔想見人，我已經頂到無錢 全部數斷供 ，
朋友琴日借5千比我 ，下個裝修盤開工去佢公司做頂住先，再過一排無地方住 無錢 唔敢同爸媽講 2個老人家每月供樓唔知點算，我真係唔識面對唔到呀
我應唔應該破產?我怕人查我D錢去左邊 因為我冚數供 怕搞到屋企人間樓，屋企人叫我反大陸過年 我怕有人告我出唔到境，我未同屋企人講我情況 好徬徨。

timmoz

如果層樓你無分，應該唔會搞到，資金去向到時解釋，有可能會追返錢要嘔返出黎（當你近親轉移資產），破左出境自由唔影響

OTTO

timmoz 發表於 11-12-2024 15:42
如果層樓你無分，應該唔會搞到，資金去向到時解釋，有可能會追返錢要嘔返出黎（當你近親轉移資產），破左出 ...

甘多年我都係現金比爸媽供樓，從無銀行交易，我爸媽都有反工雖然賺唔多，我欠債唔會搞埋我屋企人掛??
資金去向我真唔知點解釋 解釋唔到甘點呀??搞破產大約要幾錢??我E+得反5千蚊應該唔夠  
甘我比人告緊是否出境有問題??

dpdpopo

層樓又吾系你名，硬系破啦，破左四年又系一條好漢，你搵到錢私底下照樣交俾父母叫佢地繼續供樓就得

你話層樓系你個名就話要唸下

Anmi2019

1線係告你破產定點？到時同法官講無錢還，法庭自然會轉你去破產，到時你入學費都唔駛畀

OTTO

Anmi2019 發表於 11-12-2024 16:51
1線係告你破產定點？到時同法官講無錢還，法庭自然會轉你去破產，到時你入學費都唔駛畀 ...

區域法院 有原告 有被告 有日期時間 案件編號 債務問題 甘lor ，我感覺佢知我有物業迫我賣 比壓力我掛  ，
E+工作室類邊甩到手喎，萬一真係賣到都唔夠冚， 中介費印花律師費又唔見一筆。E+得反5千蚊破產都唔夠錢，自己破又怕佢問錢既去向，真係好亂。

OTTO

近期好亂經常揾朋友傾，早前都有啲行家清盤破產，佢地都有比意見我 仲笑我條數甘細都甘驚青。佢地話我有物業 個契唔係手都賣唔到要揾銀行傾，但銀行都高院搞我就叫我米鬼搞甘多野，收樓拍賣追差價唔夠冚等破產喎，其實真係甘??佢地仲話要解釋資金流向，如果解釋唔到可能要坐添 我數冚數都幾年仲邊記得甘多喎 我真係唔識呀 有啲怕。

timmoz

1線係可以向法律申請禁止離境，資產扣押，正常自己破就9000左右，搵專門人士就約萬中...總之唔好有位俾人入你就得啦...無野怕，另外請小心借錢破產既中介騙局

a981142

咁大條數,只能破
屋企人樓你無名就唔會影響

OTTO

a981142 發表於 11-12-2024 18:05
咁大條數,只能破
屋企人樓你無名就唔會影響

因為都被告緊，我應該被破還是自己比錢破呢???
間居屋兩老聯名 無我名。  我名下：有個工作室 之外乜都無 銀行卡都扣到0 。另外大陸廣州農業銀行卡有幾百蚊人仔，有部思域仔20萬公里腳車 粵S東莞牌唔會查到掛  大陸資產係甘多洗唔洗交埋出來???

Yuyuyuu

真係頂唔到就破啦，其他野都諗唔到咁多，見步行步啦。好過等到收數佬上門先黎破。會唔會俾人查或者告，到時再算啦，而家都無人知。

mirror0822

出唔到境會不會開玩笑左少少。

Yuyuyuu

mirror0822 發表於 12-12-2024 09:20
出唔到境會不會開玩笑左少少。

真架喎。未頒破產令前，債權人係有權向法庭申請欠債人出境限制。呢度之前都有師兄試過唔俾出境。

a981142

OTTO 發表於 11-12-2024 18:25
因為都被告緊，我應該被破還是自己比錢破呢???
間居屋兩老聯名 無我名。  我名下：有個工作室 之外乜都無 ...

你報咪要交出黎,通常唔會查大陸
你可以等佢破你,唔知何年何月,有排追你
自己破就快靚正

OTTO

剛剛約左老豆出來飲茶，坦白甘講清楚個情況，好耐都未試過兩仔爺傾甘多野，佢仲點左條路比我添，好似輕鬆左好多！！！下星期區院唔去囉，老豆話齋都無錢清數去唔去結果都一樣 ，做裝修渣工程車出現金糧無乜影響，又唔係咩名流紳仕，今時今日一堆人破產 好閒喎。今朝仲諗住坦白同老豆講實屌我，真估唔到半句都無 仲好撐我添。我都唔諗甘多啦，照行照做 等鬆動啲先去搞啦。

ericchan84

仲頂到咪頂住先～但千祈唔好等到拖兩三個月先黎搞～到時應付收數都有排煩

OTTO

a981142 發表於 12-12-2024 13:04
你報咪要交出黎,通常唔會查大陸
你可以等佢破你,唔知何年何月,有排追你
自己破就快靚正 ...

我老豆都好似好老江湖;P佢意見係話：我做裝修出現金糧又經常返大陸廠出貨，住居方面可以返屋企做廳長或者反東莞舊屋住，得1粒仔遲早都係留比我:'(反正我大陸有車兩頭走都無乜影響。如果銀行卡用唔到，佢話開張卡比我用，仲話我無錢開飯唔好死頂，記住開聲 多就無 仲有幾萬棺材本 :Q 今日真係輕鬆左好多 係搞破產果度唔識搞 等我鬆動啲先再問各位師兄 E+無錢搞唔掂

OTTO

ericchan84 發表於 12-12-2024 13:33
仲頂到咪頂住先～但千祈唔好等到拖兩三個月先黎搞～到時應付收數都有排煩 ...

已經頂左3個月有多啦，TU無我爸媽果度地址 +上爸媽都係見過世面既人來 我唔擔心 ，收數都上過來我工作室涉信 樓下燈柱大字報 炸電話，我無咩感覺 平常心。希望*順利*搞左破產之後重新黎過，我生計肯定唔成問題，我清楚自己可以揾幾多，因為之前係封關生意有影響 數冚數 冚爆煲咁衰既，經一事長一智。

Anmi2019

OTTO 發表於 12-12-2024 13:26
剛剛約左老豆出來飲茶，坦白甘講清楚個情況，好耐都未試過兩仔爺傾甘多野，佢仲點左條路比我添，好似輕鬆左 ...

問清楚區院唔出席有無問題，驚法庭會通緝/限制你出境。
好彩老人家明白現時市道，你又肯坦白同佢傾，有人支持個心都會定好多。
祝你之後一路順風 (ง •_•)ง加油

ericchan84

OTTO 發表於 12-12-2024 13:50
已經頂左3個月有多啦，TU無我爸媽果度地址 +上爸媽都係見過世面既人來 我唔擔心 ，收數都上過來我工作室 ...

如果預視現況都係好難有改善就早入早解脫

我都係能力範圍內覺得唔可以再死頂～而且頂黎無將來決定入學～為自己為屋企人重刷人生

如果有錢有時間既見師兄萬二三搵三姓全包唔洗煩但要長少少時間處理，自己搞就都要萬鬆啲蚊，不過就要自己周圍走同填表～呢度都可以問到有經驗既師兄敎你～我自己俾左$17000淨係跟到頒令～當時無知俾貴左不過當快證～因為對比過真係快好多出到no.停一線電話催交錢

呢個你可以比較下現況黎選擇