經律師事務所黎緊準備宣誓，但開始有疑惑想請教各位師兄

ericchan84

早前經網上搵到間律師事務所搞入學事宜
收費係$17500（已俾）
之後有4年跟進要俾每年$9800加埋成4皮（未俾）
近排上黎不斷睇唔同既資訊～感覺4年跟進呢單野好似俾人呃～
我見就算貴極4年跟進都只係$28000，仲要跟我既人喺電話傾生活費時只能夠爭取12000-15000左右（有家庭一位小朋友，太太有工作，母親退休同住，公屋底既私樓）
我想唔用佢呢4年跟進～你都幫唔到我仲要我俾4皮你搞文件野～我出去再搵秘書攪仲平好多～
各位師兄可以俾大啲意見嗎？
感激

每月上繳500蚊

千其唔好比，完全係零作用，純粹昆你錢，呢4年根本冇野需要人跟進

ericchan84

其實我約左佢會見面～係咪直接同佢講唔需要會好啲？如果應約見面驚到時會有未知既情況會發生

301

Alexpan 發表於 7-12-2024 16:37
求其

點解成日都要人入tg group

Wywyy

入左Tg group 幾好丫，大家得閒吹下水，又可以跟同路人交流！有啲野唔識都可以集廣益下，有何不可????????

每月上繳500蚊

ericchan84 發表於 7-12-2024 16:24
其實我約左佢會見面～係咪直接同佢講唔需要會好啲？如果應約見面驚到時會有未知既情況會發生 ...

如果已經入左紙，咁就唔洗再理佢，剩低就係等時過頒令

ericchan84

我過兩日先喺律師樓宣誓～所以都係同佢講聲唔洗佢跟好啲，有返啲交帶

Anmi2019

ericchan84 發表於 7-12-2024 16:24
其實我約左佢會見面～係咪直接同佢講唔需要會好啲？如果應約見面驚到時會有未知既情況會發生 ...

唔好中計，4年有d咩要跟進？幫你填4年年報，出面都係收2千零蚊。就算受託人要你解釋之前借咗d錢用咗去邊，你寫噃幾隻字+銀行支出記錄就解到話。
萬7畀咗就算，同佢講搞點哂入學d嘢先(宣誓，拎no.同幾時上庭頒令)，入學後跟進遲d先再算。
佢包唔包代你到時上庭頒令？如果唔包，到時記得早15分鐘到庭。
有咩唔明唔清楚，可以喺度問，好多師兄師姐會幫忙解答。

ericchan84

Anmi2019 發表於 7-12-2024 18:26
唔好中計，4年有d咩要跟進？幫你填4年年報，出面都係收2千零蚊。就算受託人要你解釋之前借咗d錢用咗去邊 ...

我記得佢係包埋上庭～我宣誓果日會再問多一次包啲乜
錢既野不外乎都係賭就最易解釋？（但我唔係賭～係單純洗喺屋企自己又唔夠洗越滾越大）

老實講唔係破聯都唔知有咁多鬼野～真心好彩有上黎睇～
另外報表有埋電子版真係自己搞都應該唔難

Anmi2019

ericchan84 發表於 7-12-2024 18:33
我記得佢係包埋上庭～我宣誓果日會再問多一次包啲乜
錢既野不外乎都係賭就最易解釋？（但我唔係賭～係單 ...

講輸哂都有機會要你拎証明㗎，到時睇你受託人要唔要你解話先再諗啦。
年報出咗電子版咁方便？

ericchan84

Anmi2019 發表於 7-12-2024 18:45
講輸哂都有機會要你拎証明㗎，到時睇你受託人要唔要你解話先再諗啦。
年報出咗電子版咁方便？ ...

我應該誤會左你意思～如果喺破期既支出要解釋有單有據唔難既

我上破署搵到有電子版～

lumimi

幾多錢都唔駛比人跟進以後4年年報, 根本就好簡單既年報, 自己整都好易, 我自己用excel做, 水電媒電話用實報數字, 飯錢, 交通之類用批果個數報上年報就得, 單據只keep水電媒電話費單據就可以, 我2023年已經完成4年了

ericchan84

所以已經係確定呢間律師樓係當我水魚㩒～但當時頭腦未清醒唔識上網搵下資料先～俾多左既當交學費～剩低四年跟進舊錢如果我俾到就唔洗破啦～佢真係大咬

301

Wywyy 發表於 7-12-2024 17:20
入左Tg group 幾好丫，大家得閒吹下水，又可以跟同路人交流！有啲野唔識都可以集廣益下，有何不可???????? ...

破產事就呢度公開討論，
無需私聊，要私聊又勿在此招攬。
破聯另有吹水大笪地。
推介其他Group破事吹水者扣分ban.

301

Wywyy 發表於 7-12-2024 17:20
入左Tg group 幾好丫，大家得閒吹下水，又可以跟同路人交流！有啲野唔識都可以集廣益下，有何不可???????? ...

呢度破聯講唔好咩？
破聯又有向人收錢咩？

外圍撚

其實Alex都係叻仔黎，拉人入gourp 有需要再介紹人去佢果到搞 每件抽返水 就幾爽皮