申請入學到頒令經歷，算係鬆一口氣？

kalakala · 发表于 3-11-2024 20:04:36

首先講少少背景
We仔 2X個
百貨 7個
東X 4個
X錢包 7個

7月開始發現搞唔掂，好多人都話條數都好細，但人工每個月還7成，仲要比家用，根本冇辦法生活，唯有都係舉手。

8月出咗糧，就拎份糧去申請入學，搵咗MK嗰邊嘅三姓，8月1號上去填完表，到8月27先有得宣誓，仲要我唔問都唔講日子，真係喊出嚟，就因為咁我又還多一個月嘅錢，因為我真係好唔想比人上門收數…不過到宣咗誓嘅7日後，我所有銀行都已經比人凍結，公司出糧又要自動轉帳，唯有嗱嗱聲去永0開返個ac，去屯門嗰間開，點知佢真係要一萬蚊先比開戶，我全身上下得嗰$5000，好彩打比朋友佢轉咗$5000過嚟比我開完戶我再還返比佢…

到咗9月中，We仔開始嚟料，星期六朝早收到個收數公司電話，叫我還多期，就到10月中頒令日都唔會再搞我，但我星期一還唔到就上門。屋企人雖然知，但我都唔想收數佬上去嚇親佢地（利申公屋），上公司就仲大鑊，冇咗份工我真係可以食樹皮，所以我都係死死地氣還多咗期，咁佢又真係直到頒令嗰日都冇再煩我。講真，舉手最驚就係We仔，睇破聯都feel到佢係硬嘢，更何況我爭佢成20個。

反而X錢包又粒聲都冇，係百貨到10月頭仲打嚟追數，我打返去話我申緊破有no.，佢先話比我知佢地冇收過，叫我send將臨時令send返比佢地，咁我send完之後又真係冇再追。

到10月中終於頒咗令，最痴線就係We仔間收數仲要寄多封信去我公司叫我還30個，我即刻send whatsapp比佢話我已經頒咗令，廢事佢唔信，我上網比$80查冊，再扔埋個pdf比佢，佢就冇晒影。好彩我公司收信就咁搵人比返封信我，咩都冇講。

話說頒令前幾日，三姓send個whatsapp嚟話頒令日會發短信通知頒令結果，結果我7點send去問，佢地先覆話冇特別…

之後最緊張係咩呢，就係我公司25號出糧，而我15號頒令，21號先收到信知道跟邊個受託人（之前已經收到信係直接外判），我即刻打去話想要開戶信，要我揀定邊間銀行，然後我星期五先拎到封信，仲要間間銀行開戶服務都滿晒。我之前問公司可唔可以出支票，HR堅持話要自動轉帳，我話我銀行比人凍結咗未開到，佢就話今日都開唔到戶口要下個月先出糧比你（嗰陣係22號）。打去約咗創興，佢最快都要25號下晝先有得比我開戶我心諗死啦，我成個月唔洗開飯？點知我check吓永0，佢竟然未凍我，我就膽粗粗叫HR 25號照轉數入我永0嘅ac啦…我到25號嗰日嘅凌晨根本瞓唔到，因為我好緊張我究竟可唔可以出到糧，到朝早8點幾，我見到份糧出到！之後即刻衝落街撳晒出嚟，先放下心頭大石。

時到如今，唔知點解payme仲用到，我見好多同學仔都話會即刻凍。不過TNG wallet竟然退出儲值工具，我上個月尾先突登去北角拎佢張master實體扣帳卡，好失望！

宜家11月中會面之後就算係正式處理晒所有入學要搞嘅嘢啦…希望到時唔洗上繳咁多啦…

kalakala · 发表于 3-11-2024 20:05:30

仲有呀，一直好想轉工，因為每個月要還債，唔敢辭職，宜家終於可以搵吓工先啦…

v0887897 · 发表于 3-11-2024 21:35:44

你依D都係一線尾二線頭財仔唔會扣底唔會周圍打電話唱你

kikij · 发表于 4-11-2024 00:02:25

we仔間收數叫咩名？係咪香港城X?

a981142 · 发表于 4-11-2024 12:15:29

好彩無二線,唔係無咁順利

kalakala · 发表于 4-11-2024 12:45:53

kikij 發表於 4-11-2024 00:02
we仔間收數叫咩名？係咪香港城X?

信封好大隻字寫住XX顧問公司，名要搵搵，我碎晒佢啲信

kalakala · 发表于 4-11-2024 12:46:52

a981142 發表於 4-11-2024 12:15
好彩無二線,唔係無咁順利

本身TU去到H，再借唔到一線，就睇咗幾間二線，但係又諗到佢地追數方式好恐怖，所以都係直接舉手好過

a981142 · 发表于 4-11-2024 17:35:33

kalakala 發表於 4-11-2024 12:46
本身TU去到H，再借唔到一線，就睇咗幾間二線，但係又諗到佢地追數方式好恐怖，所以都係直接舉手好過 ...

係啊,無把握還到唔好借二線,就算舉手都一身蟻

crystalshan1216 · 发表于 4-11-2024 18:26:24

我12號先攞令，We仔嘅收數每日都打電話叫我還1期數（之前聽過1次），依家我都唔敢聽

補充內容 (4-11-2024 20:46):
啱啱收到We仔收數嘅信，叫我聯絡收數，我可以點做？

kalakala · 发表于 5-11-2024 00:34:36

crystalshan1216 發表於 4-11-2024 18:26
我12號先攞令，We仔嘅收數每日都打電話叫我還1期數（之前聽過1次），依家我都唔敢聽

補充內容 (4-11-2024 ...

我反而唔敢唔聽，我最驚佢踩上公司，因為我真係唔想比人炒，當時佢打嚟嘅時候，我仲有成個月先頒令，我撐唔到咁耐，同埋我唔想日日心驚膽跳，我有留少少錢比自己，唯有拎6千出閘住佢先，我當時就係每期還6千比we仔。但如果你12號頒令，你宜家都5號，唔撐多幾日好蝕…
你爭we仔幾多？唔知係咪因為我爭佢成20個，所以佢勁快打嚟追…

crystalshan1216 · 发表于 5-11-2024 04:33:06

kalakala 發表於 5-11-2024 00:34
我反而唔敢唔聽，我最驚佢踩上公司，因為我真係唔想比人炒，當時佢打嚟嘅時候，我仲有成個月先頒令，我撐 ...

我欠we仔4萬，我已經未還差唔多1個月，好驚收數上門同公司，我唔可以無咗份工㗎，又唔想搞到屋企人

kalakala · 发表于 5-11-2024 11:14:30

crystalshan1216 發表於 5-11-2024 04:33
我欠we仔4萬，我已經未還差唔多1個月，好驚收數上門同公司，我唔可以無咗份工㗎，又唔想搞到屋企人 ...

其實4萬好少，佢應該唔會咁激進，的覺得你一係聽佢電話，拖住佢先，拖到12號頒令，佢就唔會再搞你，我驚你唔聽佢反而真係上門

crystalshan1216 · 发表于 5-11-2024 12:34:44

kalakala 發表於 5-11-2024 11:14
其實4萬好少，佢應該唔會咁激進，的覺得你一係聽佢電話，拖住佢先，拖到12號頒令，佢就唔會再搞你，我驚 ...

我琴日屋企同公司都收到收數信，而我公司收到電話留言話有緊要事叫我打返俾收數，我無打返俾佢，而叫咗會計C send個臨時令俾收數，唔知咁做會唔會追得無咁緊，我朋友叫我還1期數，而會計C話唔想騷擾，頒令前都可以還錢，但我驚還咗一間，第2間又追我數，真係唔知可以點算

外圍撚 · 发表于 5-11-2024 13:02:02

crystalshan1216 發表於 5-11-2024 12:34
我琴日屋企同公司都收到收數信，而我公司收到電話留言話有緊要事叫我打返俾收數，我無打返俾佢，而叫咗會 ...

浪費金錢一間都唔好還

crystalshan1216 · 发表于 5-11-2024 13:07:07

本帖最後由 crystalshan1216 於 5-11-2024 13:10 編輯

外圍撚發表於 5-11-2024 13:02
浪費金錢一間都唔好還

明白，所以叫咗會計C send臨時令俾收數，咁算唔算聯絡咗收數，因封信話唔聯絡，會有專人到訪商討

外圍撚 · 发表于 5-11-2024 13:14:42

crystalshan1216 發表於 5-11-2024 13:07
明白，所以叫咗會計C send臨時令俾收數，咁算唔算聯絡咗收數，因封信話唔聯絡，會有專人到訪商討 ...

間間都係咁講，上門都要車費人工邊有咁得閒

grosjeanalan · 发表于 5-11-2024 13:18:48

crystalshan1216 發表於 5-11-2024 13:07
明白，所以叫咗會計C send臨時令俾收數，咁算唔算聯絡咗收數，因封信話唔聯絡，會有專人到訪商討 ...

總知一間都唔好理, 捱到12號就得, 係辛苦少少, 最多通知哂屋企人備哂案就可以

crystalshan1216 · 发表于 5-11-2024 14:23:59

grosjeanalan 發表於 5-11-2024 13:18
總知一間都唔好理, 捱到12號就得, 係辛苦少少, 最多通知哂屋企人備哂案就可以 ...

本身得我嬸知，依家我細佬妹都知咗，琴晚已經話咗我，希望捱得到啦

crystalshan1216 · 发表于 5-11-2024 14:24:34

外圍撚發表於 5-11-2024 13:14
間間都係咁講，上門都要車費人工邊有咁得閒

係咪㗎，真心驚收數上門同公司搞事

		自动登录	找回密码
密码			註冊