想舉手入學，但有 d 關於居住地同用信用卡買野既疑問

BIGBIGWOK

小弟原本有間鋪頭仔，再之前係做廣告，收入ok，但疫情真係令收入少左好多
到3年前同太太關係愈來愈差，佢就想同仔女移民 + 當係分居
我一個人留香港做野，有時都會去英國探佢地
父母退休後去左上海住，有時我會去探佢地
我一直都有過錢去英國比佢地交租同留低張信用卡做日常消費
但近一年個市況真係頂唔住，公司close左，加埋有80萬p loan係身
有炒下散 + keep住搵返廣告個行黎做，但見成個行頭都係炒人多過請人
頂唔順早幾個月就去左上海做d公司consultant，夠自己用但還埋p loan同比錢太太真係完全唔夠
之後loan冚loan而家有球半loan，全部都係大銀行數
最笨就係上個月用左20萬幫人買琴收返16萬現金想有得週轉，到呢個moment一直都無諗入學想靠自己搵辦法解決
點知買完琴一星期到就收到銀行信講會cut我credit額，變左死得啦即時週轉唔到，還卡數加loan每個月都已經差唔多7,8萬
早2日計過死頂落去分分鐘連入學錢都無埋，又怕銀行見我最後還唔到錢賣數比收數公司攪到我太太外家(佢地仲係香港)，所以想入學了
我而家香港無地方住因為頂唔順d租，有個朋友仔地址算係可以當通信地址

問題黎啦
1)我初初以為入學都係見個律師，問左3姓話一定要黎香港2次因為頒令要好耐時間，但我追左30版post知道原來之後仲要成日有大會加見外判，好難負擔咁多次出出入入既飛機錢，我願意每月供錢，但係唔係外判講要見就一定要飛返黎見?
2)張信用卡消費其實多數都係太太係英國日常買野生活用品+小朋友野，但見律師申請入學個陣係唔係要逐單講係咩黎?我有d真係唔識答
3)聯絡我係唔係一定係用郵寄信件?有無人係用email/電話/sms(我大陸都聽到)?
4)部鋼琴個20萬數應該點同律師解釋?收返16萬現金d錢已經比左部份太太又比左部份父母做生活費，得返4皮入左去銀行
5)應唔應該申請多10皮p loan還多半年min pay先入學?

謝謝大家

Yuyuyuu

1) 你追左30版post邊度見到話要成日開大會見外判? 基本上傾完生活費之後就唔再見架啦
2) 可能問可能唔問, 睇主任既睇法, 答到咪答, 答唔到咪照直講唔記得
3) 可以寄信可以打俾你, 你離港要通知主任。
4) 16萬好大機會需要解釋資金流向, 咪照直講係家人生活費, 覺得唔合理自然會再問你拎證明。
5) 假如半年後都係要入學, 早破早享受