人情冷暖…有感而發

MoneyZero · 发表于 25-9-2024 23:01:34

近呢幾年感受真係好深，由風光日子跌到落谷底、真心係難捱。

曾經搵到錢嘅時候身邊遠至n年無搵嘅小學同學都同你稱兄道弟、到你開始唔係好掂時，好朋友、兄弟深交逐一遠離，最難受係明明我欠債並唔係賭唔係毒，純粹係生意失敗條數唔掂周轉唔來先踩上會錢之路。

但身邊嘅人好似驚死你會癡到佢又或問佢借咁、逐一遠離，從中又比下說話你聽（話你唔係做生意材料-搵到錢時又唔見你班契弟咁講頂你個肺，當你衰到貼地時個個走黎一浸百踩，講真，我欠債條數唔算大（一二線同扣底加埋都係幾廿萬未夠100萬），最折墮係一直還錢、還到無哂錢無哂積蓄、連啲細路開學都爭啲買唔到書、一方面又要交租要食，果個時侯同朋友講三兩千都借唔到，真係好難受。

好老土咁講，唯一無放棄無嫌棄就係家人；唔食唔用都去接濟住。
朋友，由換電話開始已經斷絕好多無謂社交；
依家得番應該一隻手數得哂嘅真心唔計較亦想你好嘅朋友。

最大感覺係，今日系街撞到個識左30年有多嘅一個曾經好好嘅朋友；喺我最唔掂嘅時候、問佢借幾舊水都借唔到仲要到後期疏遠亦已讀不回你嘅短信。
果刻真心心死了，今日在街見到佢；好自然反應係望左佢一眼、無停底無打招呼直行直過。

心情有點低落，雖然現階段好似過街老鼠咁；
曾經真心覺得爭人錢甚至要走數或破產好羞家好怕人唔知點睇，但日子耐左咩都睇化哂，諗咁多唔實際，一家大細有得食有得住先最重要。

我深信總有扭轉局面嘅一日，
到時再在街撞到，我都唔會主動同任何人打招呼，
但我就要令人刮目相看、要爭氣；唔可以比人睇死，希望呢日快啲來臨、大家共勉之唔好放棄自己！

caveman10 · 发表于 26-9-2024 23:52:08

天意玩弄人心發表於 26-9-2024 23:06
叫你老婆比住錢你洗先lo 老公有難點都幫既

開頭我過唔自己果關我係唔知點開口依加唔掂比唔到家用（所以依半年咪係香港做地盤頂住啲家用囉）
後尾都同佢講清楚我依加咩情況佢咪叫外父外母幫手攪勞工額做住幫工先囉
仲叫我唔好返香港囉佢唔係驚我比收數佬攪（跟我第一日都知我咩人啦做得生意黑白灰都做齊啦）
佢都怕我出唔到境困住係香港就大件事
我老婆都有講啦我唔夠錢佢去銀行拎比我
如果我要東山再起佢話賣樓都可以
我都講清楚明白我自己都4張野咯仲起67咩
是旦揾啲野撈下過下日晨先依排唔洗比家用成個人輕鬆晒

天意玩弄人心 · 发表于 25-9-2024 23:14:53

唯獨親人先會無條件幫你。朋友幫既就好好珍惜，唔幫亦唔好怪人地

MoneyZero · 发表于 26-9-2024 01:08:11

天意玩弄人心發表於 25-9-2024 23:14
唯獨親人先會無條件幫你。朋友幫既就好好珍惜，唔幫亦唔好怪人地

呢樣真，真心內心好內疚係難為兩老、先為我擔驚受怕，再無條件咁付出去接濟我.

caveman10 · 发表于 26-9-2024 02:33:11

屌人就肯定有三衰六旺架啦只係估唔到今次衰得咁貼地啫:(
你仲未撚死呀仲有一口氣記撚住今日肚餓既感覺班7頭對你既冷眼回避
有蕉一日爬得返起身班閪佬咪痴返埋黎攞著數架啦到時采佢都生臭狐啦
無晒錢是實係好撚大獲最少你都未去到人財兩空既情況
今時今日破產好撚平常架咋依加接濟我班兄弟個個都破過產/破緊產架
依加你唔好亂先揾返人生條路有方向見步行步啦
我出黎LOOK左廿年仆過好多次街架啦最可笑既係奶撚親都大大獲
依加仆到都唔痛架啦只不過係煩惱啫（主要係因為自己舉唔到手可以破到就一了百了）
我每仆一次身邊就唔見一堆人衰左咁多獲仲係身邊既人真係好好珍惜囉

Kinglee · 发表于 26-9-2024 07:53:02

加油

sosadnow · 发表于 26-9-2024 08:42:43

C兄，算把啦，借係人情唔借係道理，自己記住今日嘅遭遇，記得幫過你嘅人

MoneyZero · 发表于 26-9-2024 10:04:42

caveman10 發表於 26-9-2024 02:33
屌人就肯定有三衰六旺架啦只係估唔到今次衰得咁貼地啫
你仲未撚死呀仲有一口氣記撚住今日肚餓既感覺 ...

師兄我未上呢個群之前真係又能驚又能煩
睇完你嘅分享同經驗立即覺得天外有天人外有人

真心嘅你講得都好啱
我好好記住呢一刻嘅感覺（對事物對人肚餓冇錢開飯細路仔冇錢買書）
諗返轉頭自己好撚戇鳩
咁多年來就係一味對人好
有朋友唔掂喺我風光嘅時候我都唔知貼幾多俾佢
當你唔掂你唔好話問佢借佢直程已讀不回

所以我有啲明白點解有啲有錢佬咁撚孤寒
因為現實嘅社會就係你手疏派錢俾人係你戇鳩
當你冇錢嘅時候 1000幾百都好似乞兒咁樣問都冇人幫

所以今次其實都好大鑊不過都分得好清楚
頹夠喇要爬番起身

師兄你依家係咪都係仲係繼續澳門香港兩邊走

我都係同你一樣未破到
我靶心一橫已經三轉我諗住繼續咁樣走數就算了
講真我條數唔係咁大我相信啲收數就算搵到我
斷估唔會劏咗我賣我去柬埔寨掛
唯一擔心係屋企啲女人仔啫

MoneyZero · 发表于 26-9-2024 10:10:20

sosadnow 發表於 26-9-2024 08:42
C兄，算把啦，借係人情唔借係道理，自己記住今日嘅遭遇，記得幫過你嘅人

你都講得好岩
所以就係今日嘅遭遇會令到日後嘅日子對人同對事嘅睇法會好唔同

菲尼克 · 发表于 26-9-2024 11:18:46

我明
人唔到出事落難係唔會真正知道邊個朋友先對你好
我記得我出事個陣無戶口無錢咩柒都無
由於月頭關係  所以要捱到月尾先有錢
阿女開學  咩柒開支都要錢  老婆屋企人都已經無哂

咁我計過條數幾千蚊慳D洗應該OK
我身邊D朋友唔係話好有錢但全部都係中產  月入都係4,50K
心諗幾千蚊  由細識到大  應該唔難
一來唔係問幾皮二來月尾出糧咪比返

點知成班已讀不回  我已經無開口問拎錢只係問我有困難想你幫手
喂大佬做左幾廿年朋友洗唔洗已讀不回問都唔問咩事?
仲有個個話幾千蚊都無  都癲
唔幫唔方便都算  一句話無之後關心既說話或問我咩事都無
個刻真係心都淡

心諗佢地以前讀書時侯  成日無錢我問都無問都幫佢地渡過難關
依家到我出事  成班人已讀不回  唔係話幾千幾舊水都唔會借比你

真係到最後幫我  反而玩開但唔係好熟既人....我會記住佢地

天意玩弄人心 · 发表于 26-9-2024 11:28:37

菲尼克發表於 26-9-2024 11:18
我明
人唔到出事落難係唔會真正知道邊個朋友先對你好
我記得我出事個陣無戶口無錢咩柒都無

個個都話要問准老婆，然後話老婆唔比借

MoneyZero · 发表于 26-9-2024 11:34:23

菲尼克發表於 26-9-2024 11:18
我明
人唔到出事落難係唔會真正知道邊個朋友先對你好
我記得我出事個陣無戶口無錢咩柒都無

師兄你正正講中我嘅感受
就係全部都係有能力相識2-30年要幫無難度嘅人
點知個個都話無乜柒原因都齊
如果你話我係衰賭毒都仲話唔抵可憐

問題係我已經唔係話一開口問借好多
甚至有啲問都無好似你咁話有啲困難想睇吓你幫唔幫到手有回應最後未必幫到都已經算好
有啲直程係睇完唔撚覆甚至有啲block鳩埋都有
後尾仲要比我聽返原來果個圈子都唱緊我好唔能掂

雖然話家家有本難念的經
每個人都有自己嘅經濟問題
我覺得心淡都唔係話唔肯借唔肯幫呢個問題
而去明知你好唔掂唔幫都算仲要唱甚至疏遠埋
講真其實呢啲朋友唔幫但簡單一句問候你還好嗎我都在心中所以你話我記仇都係咁話

到最後都真係要搵屋企人
或者一啲冇乜交情識咗唔係好耐嘅人出手幫
（想要呢啲人我會記一世係我最困難嘅時候幫過我）

菲尼克 · 发表于 26-9-2024 11:41:27

MoneyZero 發表於 26-9-2024 11:34
師兄你正正講中我嘅感受
就係全部都係有能力相識2-30年要幫無難度嘅人
點知個個都話無乜柒原因都齊

講真平時唔熟唔係玩開既人我都問證明我都去到走頭無路
我本身都無咩期望
點知對方問都無問就比左一筆錢我仲叫我唔洗急還

佢本身係中學時侯成日比人恰 D人成日笑9佢
但我從來都當佢係朋友成日都叫埋佢出黎
佢話成個中學得我一個當佢係人

苦命狗 · 发表于 26-9-2024 11:47:32

師兄，加油啊，吾好再激氣啦！困難中幫過自己D人至係你要記住嘅！

MoneyZero · 发表于 26-9-2024 11:50:30

菲尼克發表於 26-9-2024 11:41
講真平時唔熟唔係玩開既人我都問證明我都去到走頭無路
我本身都無咩期望
點知對方問都無問就比左 ...

師兄真心我同你經歷緊同一個位
就係去到問無可問（識得好撚耐搵到錢果班成班消失哂或已讀不回-講真呢一刻其實去到而家呢一刻我都仲係好耿耿於懷）
相反有啲識咗唔係好耐或交情唔深嘅
二話不說盡能力去幫佢哋比我嘅答覆我都好記得
佢話你唔係有困難都唔會開到口問總之幫到就幫

所以有陣時其實交情/友情呢啲真係好撚死
當你以為大家識咗咁耐對方又完全冇經濟壓力
諗住10,000幾千唔會好難借到掛
點知？一千幾百都借唔到仲要避開/唱鳩你乜都齊

所以呢一個都係一個好好嘅反面教材
令到自己要更加爭氣唔好衰俾人睇
可惜都唔係咁容易

苦命狗 · 发表于 26-9-2024 11:51:20

你都吾係太差啫！好運家人幫你。我？收數佬去搵訽人時我D家人仲話我累佢哋乜乜乜….. 唉⋯⋯有頭髪想做癩痢咩！你估我無呀媽生咩！只有你哋同路人明白！

MoneyZero · 发表于 26-9-2024 12:00:32

苦命狗發表於 26-9-2024 11:51
你都吾係太差啫！好運家人幫你。我？收數佬去搵訽人時我D家人仲話我累佢哋乜乜乜….. 唉⋯⋯有頭髪想做癩痢 ...

所以我都已經算係好好彩
有家人幫緊我接濟我朋友間都仲有四五個係真心幫緊我亦都由頭到尾冇吹過我還錢嘅人
當然屋企人點都有怨言嘅但係佢哋都明白
我搞到今時今日咁都係理財同埋生意累事

最過分係有啲朋友知道我走到去借才仔
話我戇鳩乜都齊大佬我唔係走投無路
使能走上去這才仔？所以呢經歷過先會明白呢種人生嘅矛盾同感受

lkhhb · 发表于 26-9-2024 12:27:42

師兄你搵左工返未，見你之前返地產又驚，生意又冇左，咁唔返工點養家

MoneyZero · 发表于 26-9-2024 12:43:22

lkhhb 發表於 26-9-2024 12:27
師兄你搵左工返未，見你之前返地產又驚，生意又冇左，咁唔返工點養家

師兄你真係問得好好
暫時幫個老友跑跑踢踢揸車出現金糧叫做頂住
但老婆就有啲怨言始終收入唔定
同埋覺得我有牌唔去做好嘥
（我地產同保險都有牌佢同岳母一直反對我老破驚我連搵工都無埋牌）
但係老老實實依家做地產咁撚透明啲收數如果真係搵到我出地產糧好容易會搵到我所以都唔敢亂來
保險就更加難做啦而家個名衰哂（係人都見到我都掉頭走咁仲邊有客）所以都真係好苦惱

天意玩弄人心 · 发表于 26-9-2024 12:47:18

MoneyZero 發表於 26-9-2024 12:43
師兄你真係問得好好
暫時幫個老友跑跑踢踢揸車出現金糧叫做頂住
但老婆就有啲怨言始終收入唔定

要養家最快搵錢一定係出賣勞力做d無人肯做既工返地盤岩岩入行應該都有一千蚊日有d會幫你搞現金

MoneyZero · 发表于 26-9-2024 12:59:32

天意玩弄人心發表於 26-9-2024 12:47
要養家最快搵錢一定係出賣勞力做d無人肯做既工返地盤岩岩入行應該都有一千蚊日有d會幫你搞現金 ...

我真係諗過做地盤
但係我又好撚冇用我條腰骨有舊患
擔擔抬抬未必頂得到所以真係向左走向右走都唔掂????

真係老老實實做返保險地產唔知啲收數佬有冇咁大本事搵到我

		自动登录	找回密码
密码			註冊