麻煩

Amber14

破左兩年幾跟外判，收到電話要見，話跟開個案既冇做，佢接手，本身得萬五多啲人工，單親兩個小朋友加老媽，個外判話仲咩前夫唔駛比贍養費（但有頒領唔駛比）佢叫我搵返之前文件咩原因唔駛比，但又搵唔到，叫我搞搞佢，佢話要同債主交代.

如果搵唔到佢話係我果度要重新再計下份收入，乜佢地可以隨時改我既每月開支？佢之前比我18000，實際扣埋老強得14600，点玩？

如果比唔到文件會唔會話我唔合作，凍我戶㗎????

最後生還者

仲有年半解破，恭喜。

tony浸信會

問受托去民政署宣誓   當作證明      還有文件遺漏的也可用同一方法

tony浸信會

你有兩個小朋友    佢唔夠膽亂來     盡量上繳$500啦      有事就揾區議員幫手

Anmi2019

手寫份聲明畀佢先，話份文件唔見咗，依你記憶中份文件內容係大概講咩(點解唔駛畀贍養費)。佢唔收貨，你先去民政署就你份聲明做宣誓

Amber14

條友好似狼狗咁咬過黎，我怕佢要我去家事法庭搞，請假又唔易

從新做人1000

石定李周？

CKC

外判從來都係取易不取難，你書面回應佢先，寫清楚有頒前夫是不需俾膽養費，但文件巳遺失，等外判回覆。外判都係要有個交待，你收入得15000咁少，仲有2個小朋友同媽媽供養，佢地唔會搞你，重新計過都唔駛上繳，宜家每日咁多人入學，搞其他人好過。

Amber14

希望啦，我聽日打俾佢同佢地講聲搵唔到先，睇下有咩指示，見步行步，多謝各位

天意玩弄人心

tony浸信會 發表於 18-8-2024 09:35
你有兩個小朋友    佢唔夠膽亂來     盡量上繳$500啦      有事就揾區議員幫手

500？ 一蚊都唔益佢啦

Amber14

我升中一唔申請要多啲洗費已好好，仲点吱$500比佢

天意玩弄人心

Amber14 發表於 18-8-2024 12:40
我升中一唔申請要多啲洗費已好好，仲点吱$500比佢

你唔需要申請架。佢批你18000麻 你人工得14600 你報表一定要寫到支出大過收入 唔好寫到平均。 咁支出多咗就屋企人比

天意玩弄人心

Amber14 發表於 18-8-2024 12:40
我升中一唔申請要多啲洗費已好好，仲点吱$500比佢

不過你前夫咁賤格。話哂都兩個自己親生 一蚊都唔比

Yuyuyuu

所以大家記住keep齊文件，否則最後只會口同鼻拗

Anmi2019

Amber14 發表於 18-8-2024 12:40
我升中一唔申請要多啲洗費已好好，仲点吱$500比佢

如果跟李周，佢咬住點解前夫唔畀贍養費，就同佢講個仔升中一最多可以上繳到1，2百，你有上繳佢好交差，就唔會再煩你啦

CKC

Amber14 發表於 18-8-2024 10:44
希望啦，我聽日打俾佢同佢地講聲搵唔到先，睇下有咩指示，見步行步，多謝各位 ...

佢一定會講好多野想你上繳，唔使理佢，最多佢要你書面解釋，要上去傾咪上去傾，你得過萬幾蚊收入，一家4口，肯自力更生唔去領取綜援已經好好，呀仔升咗上中學洗費真係大好多，你保留住所以單據(校服，書薄費，飯錢，校外活動等等)同佢claim返。

Amber14

我全部都有留單，淨係怕佢凍我戶口， 咁我就企係度，咩都係錢，朋清

Amber14

剛打左比外判，佢話比一個月時間我去搵，問佢會唔會凍我戶口，佢地冇回應，請問有冇人知會唔會因未交文件而凍戶㗎？

天意玩弄人心

Amber14 發表於 19-8-2024 11:51
剛打左比外判，佢話比一個月時間我去搵，問佢會唔會凍我戶口，佢地冇回應，請問有冇人知會唔會因未交文件而 ...

打去家事法庭查詢  想拎返份離婚判決書 咪得

tony浸信會

Amber14 發表於 19-8-2024 11:51
剛打左比外判，佢話比一個月時間我去搵，問佢會唔會凍我戶口，佢地冇回應，請問有冇人知會唔會因未交文件而 ...

其實一個月後佢都唔記得啦！咁多 case
妳太懶白紙黑字     寫信回應外判      好多時靠把口人哋腦筋一定轉得比你快     事到如今直接去民政署宣誓          註: 其實係主任親自叫你一個月揾    定係只不過reception 求其噏咋？