大獲

LALALALA

因為去澳門賭錢攪到第二次破產，之前律師已經講左，預左主任要你解釋番銀行户口d交易紀錄，終於都收到主任要我解釋，我約左主任12號下午2點去金鐘12樓搵佢
我d銀行户口紀錄真係好混亂，我每個月有過百條轉帳
主要係個人係澳門，要拎錢賭，自己張卡當日信用額無晒，就轉錢去屋企人張卡，由屋企人張提款卡拎錢出黎賭，仲要屋企人無一齊去澳門，係我自己去，出入境紀錄可以證明屋企人當時人在香港，我真係無講大話，d錢係澳門輸晒，無收埋仼何錢，本身有嚴重情緒病，依家好驚要我屋企人嘔番d錢出黎，因為屋企人銀行户口月結單會見到佢有層樓供緊，怕提供月結單又燒到層樓要分番一半俾我，最後釘契，唉，屋企人已經因為我幫我還咗好多錢自己都仲要好多貸款供緊，依家都唔知點算好

rr4466

師兄，想請教一下，你第一次破嘅時候，賭錢輸晒，法官/主任有冇話不信任，要控告你任何嘢？當時有冇新借既數？我case同你差唔多，不過係第一次，想參考一下

CEEPO

過來人分享可以話你知，兩年內層樓嘅樓契冇你名對個物業係唔會有影響，中段時間過大海搏輸咗，出入境會有你個人記錄，主任或債權人都會睇到，輸幾多照寫返上去就可以，重點層樓冇你名就唔洗太擔心！。

LALALALA

rr4466 發表於 11-8-2024 01:56
師兄，想請教一下，你第一次破嘅時候，賭錢輸晒，法官/主任有冇話不信任，要控告你任何嘢？當時有冇新借既 ...

我都唔知點算，所以想問下有無人有類似經驗
如果你都提供到d證明你係去澳門，例如出入境紀錄，澳門入境紙仔，或者賭場會員卡紀錄，就正常無事，去借錢賭輸左係無問題，問題係你借果下係無唸住唔還就ok，即點都還dd，律師話我知嘅，我依家係怕俾人告我轉移資產，要我屋企人攞返晒啲錢出嚟，但確實佢哋冇袋過任何錢。我唔知破產主任信唔信。不過好彩我跟嗰個主任真係好好人，比起我第一次跟嗰啲外判好10倍。不過自己嚴重情緒病係咁食唔安坐唔落。新借嘅定意係幾耐之前，我90日內無新借，但100日左右有，佢26頁有條問題要答3個月內有無，律師話如果答有會查得仲勁，咁我90日內無新數，係信用卡還完又去澳門look，但信用卡用左超過1年，所以我照答無，因為我跟主仼再加上我俾到好多證明我係去澳門，所以賭場輸錢佢無質疑過，確實都係事實，只係我依家係擔心佢話我轉移資產，好煩。同埋佢叫我解釋返啲交易記錄嘅時候，我自己又諗返起都覺得好內疚，又係咁喺度喊覺得對唔住屋企人，所以情緒病又返嚟，我都唔知主任，仲要查幾耐，因為佢講到明攞晒我啲戶口記錄最近嘅半年黎睇，最勁嗰間銀行每個月有過百條交易記錄，同埋係今年一月二月嘅事，有啲我都唔記得，我都唔知點解釋好，如果我真係有轉移資產，我都覺得我抵俾佢查，但確實冇，真係去澳門輸晒，我都唔知我照直講過主任信唔信我

mkc3

冷靜啲先

tony浸信會

what happened with that long note

Terea

LALALALA 發表於 12-8-2024 13:59
我都唔知點算，所以想問下有無人有類似經驗
如果你都提供到d證明你係去澳門，例如出入境紀錄，澳門入境紙 ...

情緒病係好辛苦，會擔心同驚怕好多未發生同唔一定會發生嘅嘢，真係好唔舒服去睇下醫生，食藥會有幫助。

whysocrazy

戒賭先啦實話實說 萬事有商量

whysocrazy

再比多次機會你概話唔該你打工錢屋企人keep你唔好掂錢啦 幾年都戒唔賭

天意玩弄人心

一輸錢就情緒病爆發haha，贏錢果陣有無情緒病？

cftong

樓主見成點？有冇想像中咁逼迫你？照計你冇大錢轉到屋企戶口，不構成資產轉移。至於層樓，佢冇理由要屋企人分一半俾你，然後再俾佢充公，咁咪即係累全家？如果係咁，即刻斷絕關係。問吓律師，佢咁樣唔合法吧。照計你主任咁好，唔會咁樣大你嘅。

a981142

戒賭啦

LALALALA

cftong 發表於 13-8-2024 19:57
樓主見成點？有冇想像中咁逼迫你？照計你冇大錢轉到屋企戶口，不構成資產轉移。至於層樓，佢冇理由要屋企人 ...

上完主仼到，照直講，暫時咩事都無，好彩，不過應該仲有幾條數要解釋，主仼真係好好人，佢話你成件事解釋得通，又無收埋d錢就ok